އެއާޕޯޓުގައި ދުއްވާފައި ދިޔަ ކާރެއް މޫދަށް ވެއްޓިއްޖެ
މޫދަށް ވެއްޓިފައިވަނީ ޕައިން ލޮޖްގެ ކާރެއް
ތަހާރަތު މުހައްމަދު ވަހީދު | 11 އޯގަސްޓު 2017 | ހުކުރު 09:37
މޫދަށް ވެއްޓުނު ކާރު
ވެލާނާ އިންޓަނޭޝަނަލް އެއާޕޯޓުގައި ދުއްވާފައި ދިޔަ ކާރެއް މޫދަށް ވެއްޓިއްޖެއެވެ.
ފުލުހުންބުނީ ކާރު މޫދަށް ވެއްޓުނު ކަމުގެ ރިޕޯޓް ލިބިފައި ވަނީ މިއަދު ހެނދުނު 11:15 ހާއިރު ކަމަށެވެ. އެ ކާރު ވެއްޓުމާ ގުޅިގެން ފުލުހުން ވަނީ އެ ސަރަހައްދުގައި ހަރަކާތްތެރިވެފައެވެ.
ސޯޝަލް މީޑިއާގައި ދައުރުވެފައިވާ ފޮޓޯގައި ފެންނަނީ މޫދަށް ވެއްޓިފައިވަނީ ޕައިން ލޮޖް ނަމަކަށް ކިޔާ ގެސްޓް ހައުސްއެއްގެ ކާރެކެވެ.
މި ހާދިސާގައި އެއްވެސް މީހަކަށް އަނިޔާއެއް ނުވެއެވެ.
