ޖަމީލު ދީދީ މިސްކިތުގައި ރޯކޮށްލަން އުޅެފި

މާލޭގައި ހުންނަ ޖަމީލު ދީދީ މިސްކިތުގައި ރޯކޮށްލަން އުޅެފި ކަމަށް މާލޭ ސިޓީ ކައުންސިލުން ބުނެފިއެވެ.

އާދިއްތަ ދުވަހުގެ ރޭ ސިޓީ ކައުންސިލުން "އެކްސް" ގައި ކޮށްފައިވާ ޕޯސްޓެއްގައި ބުނެފައިވަނީ "ޖަމީލްދީދީ މިސްކިތުގެ ތަޅުގައި އަލިފާން ރޯކުރަން މަސައްކަތް ކޮށްފައި" ހުރި ކަމަށެވެ.

މީގެ ކުރިންވެސް ސިޓީ ކައުންސިލުންވަނީ މިސްކިތްތަކުން ވައްކަން ކުރުމާއި، މިސްކިތްތަކަށް ގެއްލުން ދިނުމުގެ މައްސަލަ އިތުރުވަމުންދާތީ އެކަމާ ކަންބޮޑުވުން ފާޅުކޮށް އާންމުންގެ ސަމާލުކަމަށް އެކަން ގެނެސް އަދި މައްސަލަތައް ފުލުހުންނަށް ހުށަހަޅާފައެވެ.

މާލޭގައި އެކި ބާވަތުގެ ކުށްކުރުން ވަރަށް ބޮޑަށް އިތުރުވެ އެކަންކަން ހައްލު ކުރަން ކަމާ ބެހޭ ފަރާތްތަކުން އެކަށީގެންވާ މަސައްކަތް ކުރާތަން ނުފެންނަ ކަމަށް އާއްމުން އަންނަނީ ބުނަމުންނެވެ.