ކ. މާލެ
|
9 ޖުލައި 2017 | އާދީއްތަ 18:27
މާޒިޔާ އަދި ވެލެންސިއާ ބައްދަލުކުރި މެޗުގެ ތެރެއިން
މާޒިޔާ އަދި ވެލެންސިއާ ބައްދަލުކުރި މެޗުގެ ތެރެއިން
ރާއްޖެއެމްވީ
މާލޭ ލީގު
މާލޭ ލީގު: ވެލެންސިއާ އަތުން އެއްވަރުވެ މާޒިޔާ އިން ފުރުސަތު ނަގާލައިފި
 
މާޒިޔާ އަދި ވެލެންސިއާ ބައްދަލުކުރި މެޗު އެއްވަރުވީ 0-0 ގެ ނަތީޖާއަކުން

މާލޭ ލީގުގައި ވެލެންސިއާ އަތުން އެއްވަރުވެ މާޒިޔާ ސްޕޯޓްސް އެންޑް ރެކްރިއޭޝަނުން ފުރުސަތު ނަގާލައިފި އެވެ.

އާދީއްތަ ދުވަހު ހަވީރު މާޒިޔާ އަދި ވެލެންސިއާ ބައްދަލުކުރި މެޗު އެއްވަރުވީ 0-0 ގެ ނަތީޖާއަކުންނެވެ.

ގަލޮޅު ދަނޑުގައި ކުޅުނު މި މެޗު ފެށިގެން ފުރަތަމަ ހަމަލާ އުފެއްދީ ވެލެންސިއާ އިންނެވެ. މެޗުގެ ފުރަތަމަ މިނެޓުގައި ވެލެންސިއާގެ ވެސްޓް މާޒިޔާގެ ޕެނަލްޓީ އޭރިޔާ ބޭރުން ފޮނުވާލި މި ހަމަލާ އަމާޒުވީ ގޯލުގެ ހުރަސް ދަނޑިއަށެވެ.

އެހެންނަމަވެސް މާޒިޔާ އިން ވަނީ މެޗުގެ ކޮންޓްރޯލް ހޯދާ ފުލުފުލުގައި ވެލެންސިއާގެ ހާފަށް ބާރުބޮޑުކޮށް ހަމަލާ އުފައްދާފައެވެ. އެގޮތުން އެލެގްޒެންޑްރާ ރަކިޗް އަދި މުހައްމަދު އުމެއިރު އަށް ލިބުނު ހުސް ފުރުސަތުތައް ހިމެނެއެވެ.

ދެވަނަ ހާފްގައިވެސް މާޒިޔާގެ ފަރާތުން މޮޅު ކުޅުމެއް ފެނިގެންގޮސްފައިވާއިރު، އެޓީމުން ވަނީ ފުފުލުގައި ވެލެންސިއާގެ ހާފަށް ބާރުބޮޑުކޮށް ލަނޑު ޖެހުމަށް ގިނަ ފުރުސަތުތައް ހޯދާފައެވެ.

ދެވަނަ ހާފްގައި މާޒިޔާގެ އުމެއިރު އަށް ވަނީ ލަނޑު ޖެހުމަށް ގިނަ ފުރުސަތަކެއް ލިބިފައެވެ. އެހެންނަމަވެސް އޭގެއިން އެއް ބޯޅަވެސް ގޯލުގެ ތިން ދަނޑިން އެތެރެއަށް ވަންނަ ގޮތެއް ނުވެއެވެ.

މެޗުގެ ފަހު 15 މިނެޓު ތެރޭގައި ވެލެންސިއާ އިން ވަނީ ފަހަތަށް ޖެހި މޮޅު ޑިފެންސެއް ކޮށްފައެވެ. އެހެންނަމަވެސް އެޓީމަށް މައްސަލަތައް ކުރިމަތިވީ ފޯވާޑް ވެސްޓް އަށް ދެވަނަ ރީނދޫ ކާޑާއެކު ރަތް ކާޑު ދެއްކުމުންނެވެ. އެގޮތުން މާޒިޔާ އިން ކުރަމުންދިޔަ އެޓޭކްތައް ވަރުގަދަ ވިއެވެ.

އެހެންނަމަވެސް މާޒިޔާ އަށް ވަނީ ވެލެންސިއާ އިން 10 ކުޅުންތެރިންނާއެކު ކުޅެމުންދިޔުމުގެ ފައިދާ ނެގޭ ގޮތް ނުވެފައެވެ. މެޗުގައި ވެލެންސިއާގެ ކީޕަރު ފައިސަލް ވަނީ މޮޅު ސޭވްތަކެއް ކޮށްފައެވެ. އެގޮތުން މެޗުގެ މޮޅު ކުޅުންތެރިޔަކަށްވެސް ހޮވުނީ އޭނާއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަހުމަދު މުހުސިނު
0%
0%
0%
0%
0%
0%
ކޮމެންޓް