ހުޅުމާލޭގެ ދެވަނަ ފިޔަވަހީގައި ތޫނު އެއްޗެއް ބޭނުންކޮށްގެން މީހަކަށް ހަމަލާދީ ޒަހަމަކޮށްލައިފިއެވެ.
ފުލުހުން މައުލޫމާތު ދިން ގޮތުގައި ދެވަނަ ފިޔަވަހީގައި މާރާމާރީއެއް ހިނގައިގެން އުޅޭ މައްސަލަ އެ އިދާރާއަށް ރިޕޯޓުކޮށްފައިވަނީ އަންގާރަ ދުވަހުގެ ރޭ ދަންވަރު 1:15 ހާއިރުއެވެ. މި މައްސަލައިގައި ޒަހަމްވީ 26 އަހަރުގެ ދިވެހި ފިރިހެނަކަށް ކަމަށް އެ އިދާރާއިން މައުލޫމާތު ދެއެވެ.
އަނިޔާ ލިބުނު މީހާއަށް ފަރުވާ ދިނުމަށް ހުޅުމާލެ ހޮސްޕިޓަލަށް ވަނީ ގެންގޮސްފައެވެ. އެ ހޮސްޕިޓަލުން މައުލޫމާތު ދީފައިވާ ގޮތުގައި އަނިޔާ ލިބުނު މީހާއަށް ފަރުވާ ދިނުމަށް ފަހު މިހާރު ވަނީ ދޫކޮށްލާފައެވެ.
މި ހަމަލާ އާއި ގުޅިގެން އެއްވެސް މީހަކު ހައްޔަރުކޮށްފައިވާ ކަމަށް ފުލުހުން ބުނެފައެއް ނުވެއެވެ. ނަމަވެސް އެ މައްސަލަ ތަހުގީގު ކުރަމުންދާ ކަމަށް ފުލުހުން ބުންޏެވެ.
