ހުޅުމާލޭގެ ފޭސް ދޭއްގައި ހިނގި ނުރައްކާތެރި އެކްސިޑެންޓެއްގައި ހަތަރު މީހުންނަށް އަނިޔާވެއްޖެއެވެ.
ފުލުހުން ބުނީ އެކްސިޑެންޓު ހިނގާފައި ވަނީ ދެ ސައިކަލެއް ޖެހިގެން ކަމަށެވެ. އެކަން ފުލުހުންނަށް ރިޕޯޓުކޮށްފައި ވަނީ ހުކުރު ދުވަހުގެ މެންދުރު 13:00 އެހާއިރު ކަމަށް ފުލުހުން ބުނެއެވެ. އެކްސިޑެންޓުގައި އަނިޔާވީ ތިން ފިރިހެނުންނާއި އަންހެނަކަށް ކަމަށާއި އެ މީހުންނަށް ހުޅުމާލެ ހޮސްޕިޓަލުން ފަރުވާ ދީފައިވާ ކަމަށް ފުލުހުން ވަނީ ބުނެފައެވެ.
ފުލުހުން ބުނީ އެކްސިޑެންޓުވި ދެ ސައިކަލު ދުއްވަން ތިބި މީހުންގެ ތެރެއިން 23 އަހަރުގެ އަންހެން މީހާއަކީ ސައިކަލް ދުއްވުމުގެ ލައިސަންސް ނެތް މީހެއް ކަމަށެވެ. އަނެއް ސައިކަލުގައި އިން ފިރިހެން މީޙާގެ އަތުގައި ލައިސަންސް އޮތް ކަމަށް ފުލުހުން ވަނީ ބުނެފައެވެ.
