އަންގާރަ 29 ސެޕްޓެންބަރ 2020
09 އަތަ
1442 ސަފަރު 11
ފަތިސް 04:41
އިރުއަރާ 05:52
މެންދުރު 12:01
އަސްރު 15:08
އިރުއޮއްސޭ 18:01
އިޝާ 19:12
ރޮމްބަސް ފުޓުބޯޅަ ފެސްޓިވަލް

ރޮމްބަސް ފުޓުބޯޅަ ފެސްޓިވަލް: އާބައިކާސް ބަލިކޮށް ޔަންގް އެފްސީ ފެށުން ރަނގަޅުކޮށްފި

  • އާބައިކާސްއާ ވާދަކޮށް ޔަންގް އެފްސީ މެޗު ކާމިޔާބުކުރީ 0-4 ގެ ނަތީޖާއަކުން

ކ. މާލެ | 19 ޖޫން 2017 | ހޯމަ 20:06 | 3,185

ޔަންގް އެފްސީ އާއި އާބައިކާސް ބައްދަލުކުރި މެޗު ފެށުމުގެ ކުރިން - ރާއްޖެއެމްވީ

ރަމަޟާން މަހަށް އަމާޒުކޮށްގެން ލ.ކުނަހަންދޫގައި ފެށި ރޮމްބަސް ފުޓުބޯޅަ ފެސްޓިވަލްގައި އާބައިކާސް ބަލިކޮށް ޔަންގް އެފްސީން މުބާރާތުގެ ފެށުން ރަނގަޅުކޮށްފިއެވެ.

މި މުބާރާތް އިފްތިތާހުކޮށްދެއްވީ ލ.މާމެންދޫ ޕޮލިސް ސްޓޭޝަންގެ އިންޗާޖު ޕޮލިސް ސާޖެންޓް މުހައްމަދު ސަލީމެވެ.

ހޯމަ ދުވަހު ހަވީރު ކުޅުނު މި މެޗު އާބައިކާސްއާ ވާދަކޮށް ޔަންގް އެފްސީން މެޗު ކާމިޔާބުކުރީ 0-4 ގެ ނަތީޖާއަކުންނެވެ.

މެޗުގައި އާބައިކާސްގެ އަލީ ރާބިހު ދެ ލަނޑު ޖެހިއިރު، އިބްރާހިމް ޝަކީބް އަދި އަލީ ޝަމީމް ކުރެ ކޮންމެ ކުޅުންތެރިޔަކު ވަނީ ލަނޑެއް ކާމިޔާބުކޮށްފައެވެ. މެޗުގެ މޮޅު ކުޅުންތެރިޔަކަށް ހޮވުނީ ޔަންގް އެފްސީގެ ދެ ލަނޑު ކާމިޔާބުކުރި އަލީ ރާބިހެވެ.

މުބާރާތުގައި އަންގާރަ ދުވަހުވެސް މެޗެއް ކުޅޭނެއެވެ. އަންގާރަ ދުވަހު ކުޅޭ މެޗުގައި ބައްދަލުކުރާނީ ބައިކާސް އެފްސީ އާއި ސެވެން ބަދަވިންނެވެ. މި މެޗު ފަށާނީ ހަވީރު 4:45 ގައެވެ.

އެންމެ ފަހުން އަޕްޑޭޓް ކުރީ: 6 މަސް ކުރިން | ރިވިއު ކުރީ: އިސްމާއިލް ނާއިލް ނަޝީދު

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.