މާޒިޔާއިން ލީގު ޗެމްޕިއަންކަން ދިފާއުކޮށްފި

ދަ ގްރާންޑޭ ބަލިކޮށް ހޯދި ތިން ޕޮއިންޓާއެކު ދިވެހި ޕްރިމިއަރ ލީގުގެ ޗެމްޕިއަންކަން މާޒިޔާއިން ދިފާއުކޮށްފިއެވެ.

މިއީ ލީގުގެ ޗެމްޕިއަންކަން ވިދިވިދިގެން މާޒިޔާއިން ހޯދި ތިންވަނަ ފަހަރެވެ. ބާކީ ދެ މެޗު އޮއްވާ މާޒިޔާއިން ލީގު ޗެމްޕިއަންކަން ކަށަވަރުކުރީ 54 ޕޮއިންޓާއެކުއެވެ. ދެވަނައިގައި އޮތް އީގަލްސްއަށް ލިބިފައިވަނީ 46 ޕޮއިންޓެވެ. އީގަލްސް ކުރިއަށް އޮތް ދެ މެޗުން މޮޅުވިޔަސް އެޓީމަށް ލިބޭނީ 52 ޕޮއިންޓެވެ. ލީގު ކަށަވަރުކުރި މެޗު ތާވަލްގެ ފުލުގައި އޮތް ދަ ގްރާންޑޭ އަތުން މޮޅުވީ އުނދަގުލުންނެވެ. މެޗުން މާޒިޔާ މޮޅުވީ 1-0 ނެވެ. މެޗުގެ ހަމައެކަނި ލަނޑު ފުރަތަމަ ހާފްގައި ޖެހީ ޓަނާއެވެ.

މާޒިޔާއިން ފުރަތަމަ ފަހަރަށް ލީގު ހޯދީ 2016 ވަނަ އަހަރުއެވެ. އޭގެ ފަހުން އެންމެ ފަހުން ތިން ސީޒަންގައި ލީގު ހޯދީ މާޒިޔާއިންނެވެ. މާޒިޔާއިން ހަތަރު ފަހަރު ލީގު ހޯދީ ހަތަރު ކޯޗުންގެ އިރުޝާދުގެ ދަށުންނެވެ.