‏ށ. ފޭދޫ ސިއްހީ މަރުކަޒުގެ ޖާގަ އިތުރުކުރުމަށް އަޅާ އިމާރާތުގެ މަސައްކަތް ކުރުމަށް ބަޔަކާއި ހަވާލުކޮށް އެއްބަސްވުމުގައި ސޮއިކޮށްފިއެވެ.

މިނިސްޓްރީ އޮފް ހެލްތުން މައުލޫމާތު ދިން ގޮތުގައި އެ މިނިސްޓްރީގެ ފަރާތުން މި މަސައްކަތް ހަވާލުކޮށްފައި ވަނީ ރައިސަރ ޕްރައިވެޓް ލިމިޓެޑާއެވެ.

މި މަސައްކަތަށް އެކުންފުންޏާއި ހަވާލުކޮށްފައިވަނީ 150 ދުވަހުގެ ތެރޭގައި ނިންމާ ގޮތަށް 4,100,958.67 ރުފިޔާ އަށެވެ.

މި މަސައްކަތް ކޮންޓްރެކްޓަރަކާއި ހޯމަ ދުވަހު ހަވާލުކުރުމާއި ގުޅިގެން ފޭދޫ ސިއްހީ މަރުކަޒުން ބުނީ، މި މަސައްކަތުގެ ސަބަބުން އެ މަރުކަޒަށް ދިމާވެފައިވާ ޖާގައިގެ ދަތިކަން ހައްލުވެގެން ދާނެ ކަމަށެވެ. އަދި އެ މަރުކަޒު މެދުވެރިކޮށް އާންމު ރައްޔިތުންނަށް ފޯރުކޮށްދެވޭ ޚިދުމަތްތަކަށް އިތުރު ފުރިހަމަކަމެއް ލިބިގެން ދާނެ ކަމަށް ވެސް އެ މަރުކަޒުން ބުނެއެވެ.