ދަ ގްރާންޑޭ ބަލިކޮށް، ސަސް ތާވަލުގެ ހަވަނައި ގައި!

މިހާރު ކުރިޔަށްދާ ދިވެހި ޕްރިމިއަރ ލީގުގައި ފުރަތަމަ ބުރުގެ ފަހު މެޗުގައި ދަ ގްރާންޑޭ ބަލިކޮށް, ސުޕަރ ޔުނައިޓެޑް ސްޕޯރޓްސް (ސަސް) ފުރަތަމަ ބުރުން ހަވަނަ ހޯދައިފިއެވެ. މިމޮޅާއެކު ސަސްއަށް ފުރަތަމަ ބުރުން ހަވަނަ ގެއްލެން އޮތީ މާދަމާ އީގަލްސް އަތުން ގްރީން ސްޓްރީޓްސް ބޮޑު މޮޅެއް ހޯދައިފިނަމައެވެ.

މިރޭ ދަ ގްރާންޑޭ އަތުން ސަސް މޮޅުވީ ފަހަތުން އަރާ 2-1 ނެވެ. މެޗުގެ ފުރަތަމަ ލަނޑު ޖަހާ ފުރަތަމަ ހާފްގައި ދަ ގްރާންޑޭއަށް ކުރި ހޯދައިދިނީ އިސްމާއީލް ނަޒީހުއެވެ. ސަސްއަށް އެއްވަރުކޮށްދިނީވެސް އަދި މެޗުން މޮޅުކޮށްދިނީވެސް ކެޕްޓަން އަބުދުالله ހަނީފް (ބެންޖޯ) އެވެ. އޭނާ ދެ ލަނޑުވެސް ޖެހީ ފަހު 15 މިނިޓްގެ ތެރޭގައެވެ. މެޗުގެ މޮޅު ކުޅުންތެރިއަކީވެސް ބެންޖޯއެވެ.

މިމޮޅާއެކު ސަސް ވަނީ ފުރަތަމަ ބުރުގެ ހަތް މެޗުން 7 ޕޮއިންޓް ހޯދާފައެވެ. ދަ ގްރާންޑޭއަށް އަދި މޮޅެއް ނުލިބެއެވެ. ލީގުގައި މާދަމާ ހަވީރު ވާދަކުރާނީ ގްރީން ސްޓްރީޓްސްއާއި އީގަލްސްއެވެ. މާދަމާރޭ ވާދަކުރާނީ ވެލެންސިޔާއާއި މާޒިޔާއެވެ.