އޮސްޓްރޭލިއާގެ ކްރިކެޓް ތަރި ޝޭން ވޯރން މަރުވެއްޖެ
ޝޭން މަރުވީ އުމުރުން 52 އަހަރުގައި ހާޓް އެޓޭކެއް ޖެހިގެން
އޮސްޓްރޭލިއާގެ ކްރިކެޓް ލެޖެންޑް ޝޭން ވޯރން
އޮސްޓްރޭލިއާގެ ކްރިކެޓް ތަރި ޝޭން ވޯރން މަރުވެއްޖެއެވެ.
ގްރޭޓެސްޓް ލެގް-ސްޕިނަރ އޮފް އޯލްޓައިމްގެ ގޮތުގައި ފާހަގަކުރެވިފައިވާ ޝޯން މަރުވީ ތައިލެންޑުގެ ކޯހް ސަމުއީ ސިޓީގަ ހުންނަ އޭނާގެ އަމިއްލަ ވިލާގައި ހުއްޓާ ހުކުރު ދުވަހުއެވެ. އޭނާގެ މެނޭޖަރުންގެ ޓީމުން ބުނިގޮތުގައި އުމުރުން 52 އަހަރުގައި ޝޯން މަރުވީ ހާޓް އެޓޭކްއެއް ޖެހިގެންނެވެ. އަދި ހާޓް އެޓޭކް އެއް ޖެހުމައެކު އޭނާގެ މެޑިކަލް ސްޓާފުން ކުރި މަސައްކަތުންވެސް އޭނާ ސަލާމަތްކުރެވިފައި ނުވާކަމަށް ޝޯންގެ މެނޭޖްމަންޓް ޓީމުން ވަނީ މީޑިއާއަށް މައުލޫމާތު ދީފައެވެ.
ޝޯން ހުކުރު ދުވަހު މަރުވެފައިވާއިރު، މިއީ ހަމަ އެދުވަހު މަރުވި އޮސްޓްރޭލިއާގެ ދެވަނަ ކްރިކެޓް ލެޖެންޑެވެ. އޮސްޓްރޭލިއާގެ ކްރިކެޓް ކުޅުންތެރިޔާ ރޮޑް މާޝް ވެސް ވަނީ ހާޓް އެޓޭކެއް ޖެހިގެން ހަމަ އެދުވަހު މަރުވެފައެވެ. މާޝް މަރުވިތާ އިރުކޮޅެއް ތެރޭ ޝޯން ވަނީ އެކަމުގެ ހިތާމަ ފާޅުކޮށް ޓްވީޓެއް ކޮށްފައެވެ.
ބައިނަލްއަގްވާމީ ފެންވަރުގައި ކްރިކެޓް ކުޅުމުގައި 15 އަހަރަށްވުރެ ގިނަ ދުވަސް ހޭދަކޮށްފައިވާ ޝޯން އަކީ 708 ޓެސްޓް ވިކެޓާއެކު އެގައުމުގެ އެއްވަނައިގައި ފާހަގަކުރެވިފައިވާ ކުޅުންތެރިޔާއެވެ. އަދި ދުނިޔޭގެ ފެންވަރިގައިވެސް ފާހަގަ ކޮށްލެވޭ ކުޅުންތެރިއެކެވެ.
ޝޯން މަރުވިއިރު އޭނާގެ ތިން ކުދިން އެބަތިއްބެވެ.
