އިލްކްޝަންސް ކަމިޝަނުގެ ތިޖޫރި ފަޅާލި މައްސަލަ ދަނީ ތަހުގީގު ކުރަމުން: ޕޮލިސް
ގެއްލުނު ފައިސާގެ އަދަދެއް ހާމަކޮށްފައެއް ނުވޭ
އިލެކްޝަންސް ކަމިޝަންގެ އިދާރާ
އިލެކްޝަންސް ކަމިޝަނުގެ(އީސީގެ) ތިޖޫރި ފަޅާލައި ގިނަ އަދަދެއްގެފައިސާ ނެގި މައްސަލަ ތަހުގީގު ކުރަމުން ދާކަމަށް ފުލުހުން ބުނެފިއެވެ.
އީސީގެ ތިޖޫރި ފަޅާލި މައްސަލާގައި އެއްވެސް މީހަކު މިހާތަނަށް ހައްޔަރުކޮށްފައިވާނެތޯ ރާއްޖެއެމްވީއިން ސުވާލުކުރުމުން ފުލުހުން ބުނީ އެ މައްސަލައާއި ގުޅިގެން މިވަގުތު ބުނެވެން އޮތީ އެ މައްސަލަ ތަހުގީގު ކުރަމުން ދާކަމަށެވެ.
ޕޯޓްސް ބިލްޑިންގްގެ ފަސް ވަނަ ފަންގިފިލާގައި ހުންނަ އިލެކްޝަން ކޮމިޝަންގެ ދޮރު ހަލާކުކޮށްލައިގެން އެތަނަށް ވަދެ ތިޖޫރިފަޅާލާއިފައިވާކަން އެނގިފައި ވަނީ އެ ކޮމިޝަންގެ މުވައްޒިފުން އާދީއްތަ ދުވަހު ހެނދުނު އޮފީހަށް ނިކުތުމުންނެވެ. ތިޖޫރީން ވަގަށް ނަގާފައިވަނީ ކިހާ އަދަދެއްގެ ފައިސާކަމެއއަދި މިހާތަނަށް ހާމަކޮށްފައެއް ނުވެއެވެ.
އިލެކްޝަން ކަމިޝަން ހުންނަ ޕޯޓް ބިލްޑިންގް އިމާރާތަކީ ސީސީޓީވީ ހަރުކޮށް މޮނިޓަ ކުރަމުންދާ އިމާރާތެކެވެ. އަދި އިމާރާތުގެ ތިރީގައި ސެކިއުރިޓީ އޮފިސަރެއް އަބަދުވެސް އިނދެއެވެ.
