އޮކްޓޯބަރުގެ ނިޔަލަށް ރާއްޖެއަށް 80 މިލިއަން ރުފިޔާގެ ސެންޓު އެތެރެކޮށްފި
2019 ވަނަ އަހަރު ރާއްޖެއަށް މުޅި ޖުމްލަ އެތެރެ ކޮށްފައިވަނީ 92،485.25 ލީޓަރުގެ ސެންޓު
ޕޮއިސް ޕާރފިއުމްސް ގެ ސެންޓު
ރާއްޖެއަށް ކޮވިޑް-19 އައި ފަހުން، އޮކްޓޯބަރ މަހުގެ ނިޔަލަށް ރާއްޖެއަށް 80 މިލިއަން ރުފިޔާގެ ސެންޓު އެތެރެ ކުރި ކަމަށް ކަސްޓަމްސްއިން ބުނެފިއެވެ.
2019 ވަނަ އަހަރު ރާއްޖެއަށް އެންމެ ގިނަ އަދަދެއްގެ ސެންޓު އެތެރެ ކޮށްފައިވަނީ އޭޕްރިލް އަދި މެއި މަހުގައި ކަމަށް ތަފާސް ހިސާބުތަކުން ދައްކައެވެ. އަދި 2019 ވަނަ އަހަރު ރާއްޖެއަށް މުޅި ޖުމްލަ އެތެރެ ކޮށްފައިވަނީ 92،485.25(ނުވަދިހަ ދެ ހާސް ހަތަރުސަތޭކަ އައްޑިހަ ފަހެއް ޕޮއިންޓް ދޭއް ފަހެއް) ލީޓަރުގެ ސެންޓް ކަމަށް ތަފާސްހިސާބުތަކުން ދައްކައެވެ.
ނަމަވެސް 2020 ވަނަ އަހަރުގެ އޭޕްރީލް އަދި މޭއި މަހަކީ ރާއްޖެއަށް އެންމެ މަދު އަދަދެއްގެ ސެންޓު އެތެރެ ކޮށްފައިވާ ދެ މަސް ކަމަށް ތަފާސް ހިސާބުތަކުން ދައްކައެވެ. 2020 ވަނަ އަހަރު ރާއްޖެއަށް މުޅި ޖުމްލަ އެތެރެ ކޮށްފައިވަނީ 88،544.36(އައްޑިހަ އަށްހާސް ފަސް ސަތޭކަ ސާޅީސް ހަތަރެއް ޕޮއިންޓް ތިނެއް ހަޔެއް) ލީޓަރުގެ ސެންޓެވެ.
އެހެންކަމުން، 2019 ވަނަ އަހަރާ އަޅާ ބަލާއިރު 2020 ވަނަ އަހަރުގައި ރާއްޖެއަށް އެތެރެ ކުރެވުނު ސެންޓުގެ އަދަދު ވަނީ ދަށްވެފައެވެ.
މީގެއިތުރުން، 2021 ވަނަ އަހަރުގެ އޭޕްރީލް އަދި އޮގަސްޓް މަހަކީ ރާއްޖެއަށް އެންމެ ގިނަ އަދަދެއްގެ ސެންޓު އެތެރެ ކޮށްފައިވާ ދެ މަސް ކަމަށް ތަފާސް ހިސާބުތަކުން ދައްކައެވެ. އެގޮތުން 2021 ވަނަ އަހަރު ރާއްޖެއަށް އެތެރެ ކޮށްފައިވަނީ މުޅި ޖުމްލަ 85،192.98(އައްޑިހަ ފަސް ހާސް އެއް ސަތޭކަ ނުވަދިހަ ދޭއް ޕޮއިންޓް ނުވައެއް އަށެއް) ލީޓަރުގެ ސެންޓެވެ.
2020 ވަނަ އަހަރާ އަޅާ ބަލާއިރު 2021 ވަނަ އަހަރުގެ އޮކްޓޯބަރ މަހުގެ ނިޔަލަށް ރާއްޖެއަށް އެތެރެ ކުރެވުނު ސެންޓުގެ އަދަދު ވަނީ ދަށްވެފައެވެ.
ރާއްޖެއަށް ސެންޓު އެތެރެ ކުރެވުނު އަދަދަށް ބަލާއިރު 2019 ވަނަ އަހަރު 73،732،449.76(ހަތްދިހަ ތިން މިލިއަން ހަތް ލައްކަ ތިރީސް ދެ ހާސް ހަތަރު ސަތޭކަ ސާޅީސް ނުވަ ރުފިޔާ ހަތްދިހަ ހަލާރި)ގެ އަދަދެއްގެ ސެންޓެ އެތެރެ ކޮށްފައި ވެއެވެ. އަދި 2020 ވަނަ އަހަރު 59،098،822.23(ފަންސާސް ނުވަ މިލިއަން ނުވަދިހަ އަށްހާސް އައްސަތޭކަ ބާވީސް ރުފިޔާ ތޭވީސް ލާރި)ގެ އަދަދެއްގެ ސެންޓު އެތެރެ ކޮށްފައިވެއެވެ.
އެހެންކަމުން، 2019 ވަނަ އަހަރާ އަޅާބަލާއިރު 2020 ވަނަ އަހަރު ރާއްޖެއަށް ސެންޓު އެތެރެކުރެވުނު އަދަދު ފައިސާގެ ގޮތުން ވަނީ ދަށްވެފައެވެ.
މީގެއިތުރުން، 2021 ވަނަ އަހަރު ރާއްޖެއަށް އެތެރެ ކޮށްފައި ވަނީ 80،979،617.04(އައްޑިހަ މިލިއަން ނުވަ ލައްކަ ހަތްދިހަ ނުވަ ހާސް ހަ ސަތޭކަ ސަތާރަ ރުފިޔާ ހަތަރު ލާރި)ގެ އަދަދެއްގެ ސެންޓެވެ.
މިގޮތުން 2020 ވަނަ އަހަރާއި 2021 ވަނަ އަހަރާ އަޅާ ބަލާއިރު، ރާއްޖެއަށް އެތެރެ ކުރެވުނު ސެންޓުގެ އަދަދު ފައިސާއިން ވަނީ އިތުރު ވެފައެވެ.
