އައްޑޫ ސިޓީގައި ހިންގި މާރާމާރީ އިތުރަށް ތަހުގީގު ކުރަމުންދާ ކަމަށާއި، މިހާތަނަށް މީހަކު ހައްޔަރުކޮށްފައިނުވާ ކަމަށް ފުލުހުން ބުނެފިއެވެ.
ފުލުހުން ބުނީ ހުކުރު ދުވަހު އައްޑޫ ސިޓީ ފްލެޓް ސަރަހައްދުގައި ތޫނު އެއްޗަކުން ހަމަލާ ދީ ޒަހަމްކޮށްލާފައިވާ ކަމުގެ މައުލޫމާތު 12:08 ހާއިރު ލިބިފައިވާ ކަމަށެވެ. މި މާރާމާރީގައި އަނިޔާވެފައިވަނީ 29 އަަހަރުގެ ފިރިހެނަކަށް ކަމަށް ފުލުހުން ބުނެއެވެ.
އެމީހާއަށް ހޮސްޕިޓަލްގައި ދަނީ ފަރުވާ ދެމުންނެވެ.
މި މައްސަލައާ ގުޅިގެން އަދި މީހަކު ހައްޔަރުކޮށްފައިނުވާ ކަމަށް ފުލުހުން ބުނެފައިވާއިރު، މައްސަލަ ދަނީ ތަހުގީގު އިތުރަށް ތަހުގީގު ކުރަމުންނެވެ.
ރާއްޖެއެމްވީއަށް މައުލޫމާތު ލިބޭ ގޮތުގައި މިމާރާމާރީގައި ދެ ޒުވާނަކަށް ވަނީ ވަރަށް ބޮޑަށް އަނިޔާވެފައެވެ. އަދި މާރާމާރީ ހިންގާފައިވަނީ ދެ ގުރޫޕެއްގެ ދެމެދުގައެވެ.
