ކ. މާލެ
|
18 ޖޫން 2021 | ހުކުރު 08:06
ވެކްސިން ޖެހުމުގެ ޕްރޮގްރާމްގެ ތެރެއިން
ވެކްސިން ޖެހުމުގެ ޕްރޮގްރާމްގެ ތެރެއިން
ޝުރުފާ މުހައްމަދު
ކޮވިޑް-19ން ދިފާއުވުމަށް ވެކްސިންޖެހުން
އިތުރު 862 މީހުން ވެކްސިންގެ ދެ ޑޯޒް ފުރިހަމަކޮށްފި
 
ދެ ޑޯޒު ފުރިހަމަ ކޮށްފައިވަނީ ޖުމްލަ 181،118 މީހުން
 
އެޗްޕީއޭއިން އާންމުކުރި ތަފާސްހިސާބުތައް ދައްކާގޮތުން ފުރަތަމަ ޑޯޒު ޖެހީ 217 މީހުން

އިތުރު 862 މީހުން ވެކްސިންގެ ދެ ޑޯޒް ފުރިހަމަކޮށްފިއެވެ.

އެޗްޕީއޭއިން އާންމުކުރި ތަފާސްހިސާބުތައް ދައްކާގޮތުން ބުދަ ދުވަހު ފުރަތަމަ ޑޯޒު ޖެހީ 217 މީހުންނެވެ. އެއީ މާލެއިން ވެކްސިން ޖެހި 56 މީހުންނާއި އަތޮޅުތެރެއިން ވެކްސިން ޖެހި 161 މީހުންނެވެ. މީގެ އިތުރަށް ބުދަ ދުވަހު ދެވަނަ ޑޯޒު ޖެހީ 862 މީހުންނެވެ. އެއީ މާލެ ސަރަހައްދުން ވެކްސިން ޖެހި 282 މީހުންނާއި އަތޮޅުތެރެއިން ވެކްސިން ޖެހި 580 މީހުންނެވެ.

މިއާއެކު ވެކްސިންގެ ފުރަތަމަ ޑޯޒު ޖެހި މީހުންގެ ޖުމްލަ އަދަދު 314،755ށް އަރާފައިވާއިރު، ދެ ޑޯޒު ފުރިހަމަ ކޮށްފައިވަނީ 181،118 މީހުންނެވެ.

ރާއްޖޭގައި މިހާރު ޖަހަމުން އަންނަނީ ކޮވިޝީލްޑް ވެކްސިނާއި، ފައިޒަރ ވެކްސިން، އަދި ސިނޮފަރމް ވެކްސިނެވެ. މީގެތެރެއިން ކޮވިޝީލްޑް ވެކްސިންގެ ދެވަނަ ޑޯޒް ޖެހުން މާލެ ސަރަހައްދުގައި މެއި މަހުގެ 2 ވަނަ ދުވަހުން ފެށިގެން ވަނީ މެދުކަނޑާލާފައެވެ.

ރާއްޖެއިން ރަޝިޔާގެ ސްޕަޓްނިކްވީ ވެކްސިން ގެނައުމަށް މަސައްކަތް ކުރަމުން އަންނައިރު، އެސްޓްރަޒެނިކާ ވެކްސިން ގެނައުމަށް ވެފައިވާ އެއްބަސްވުމުގެ ދަށުން ދެ ލައްކަ ޑޯޒް މި މަހުގެ ފަހުކޮޅު ލިބޭނެކަމަށް ހެލްތު މިނިސްޓަރ އަޙުމަދު ނަސީމް ވަނީ ވިދާޅުވެފައެވެ. ރާއްޖެއިން ވަނީ އެސްޓްރަޒެނިކާ ވެކްސިންގެ ހަތް ލައްކަ ޑޯޒް ގަތުމަށް ފައިސާ ދައްކާފައެވެ.

މީގެއިތުރުން އެމެރިކާ އާއި ކެނެޑާއިން ވެސް ވަނީ ރާއްޖެއަށް ވެކްސިން ފޯރުކޮށްދޭނެކަމަށް ބުނެފައެވެ.

Advertisement
އެންމެ ފަހުން އަޕްޑޭޓް ކުރީ: 7 ގަޑިއިރު ކުރި
ރިވިއު ކުރީ: ނަހްދާ އާދަމް
0%
0%
0%
0%
0%
0%
ކޮމެންޓް