ކ. މާލެ
|
26 މެއި 2021 | ބުދަ 22:18
ބީއެމްއެލް
ބީއެމްއެލް
ބެންކް އޮފް މޯލްޑިވްސް
ބީއެމްއެލްގެ ގޮފިތައް ބަންދުކުރުން
ބުރާސްފަތި ދުވަހުން ފެށިގެން ބީއެމްއެލްގެ ހުރިހާ ގޮފިތަކެއް ބަންދުކުރަނީ
 
ހުރިހާ ގޮފިތަކެއް ބަންދުކުރަނީ ޖޫންމަހުގެ 10 ވަނަ ދުވަހާއި ހަމައަށް
 
އެ މުއްދަތުގެ ތެރޭގައި އޮންލައިން ބޭންކިންގެ ޚިދުމަތާއި ފައިސާ ނެގުމާއި ފައިސާ ޖަމާކުރުމުގެ ޚިދުމަތް މެދުކެނޑިގެން ނުދާނެ
 
ބީއެމްއެލް ހުޅުވައިގެން ޚިދުމަތް ދިނުން މެދުކަނޑާލާފައި ވަނީ ކަސްޓަމަރުންނާއި މުވައްޒަފުންގެ ރައްކާތެރި ކަމަށް އިސްކަން ދިނުމުގެ ގޮތުން

ބުރާސްފަތި ދުވަހުން ފެށިގެން ޖޫންމަހުގެ 10 ވަނަ ދުވަހާއި ހަމައަށް ބޭންކް އޮފް މޯލްޑިވްސް (ބީއެމްއެލް) ގެ ހުރިހާ ގޮފިތަކެއް ވަގުތީ ގޮތުން ބަންދު ކުރުމަށް ނިންމައިފިއެވެ.

ބީއެމްއެލް އިން ބުނީ, މެއި މަހުގެ 27 ވަނަ ދުވަހުގެ ފެށިގެން, ކަސްޓަމާ ސާވިސް ސެންޓަރު ހިމެނޭހެން, ބޭންކުގެ ހުރިހާ ގޮފިތަކަކާއި ސާވިސް ސެންޓަރުތަކެއް ހުޅުވައިގެން ޚިދުމަތް ދިނުން ހުއްޓާލުމަށް ނިންމާފައި ވާކަމަށެވެ. އެހެން ނަމަވެސް އެ މުއްދަތުގެ ތެރޭގައި އޮންލައިން ބޭންކިންގެ ޚިދުމަތާއި ފައިސާ ނެގުމާއި ފައިސާ ޖަމާކުރުމުގެ ޚިދުމަތް މެދުކެނޑިގެން ނުދާނެ ކަމަށް ބީއެމްއެލްއިން ބުނެއެވެ.

މީގެ އިތުރުން ވެސް ބޭންކުން ދެމުން ގެންދާ އެހެނިހެން ބައެއް މުހިންމު ޚިދުމަތްތައް ހަފްތާ ބަންދު ނޫން ދުވަސްތަކުގައި ލިބެމުން ދާނެ ކަމަށް ބީއެމްއެލްއިން ބުނެއެވެ.

އޭގެ ތެރޭގައި ހިމެމެނީ ރާއްޖޭން ބޭރަށް ފައިސާ ފޮނުވުމާއި, އީމެއިލް މެދުވެރިކޮށް މުސާރަ ޖަމާކޮށްދިނުމުގެ ޚިދުމަތާއި, އޭޓީއެމް އަށް ޖަމާކުރާ ބީއެމްއެލްގެ ޗެކްތައް ޕްރޮސެސް ކުރުމެވެ. އެގޮތުން މެންދުރު 12:00 ގެ ކުރިން ޖަމާކުރާ ބީއެމްއެލް ޗެކެއް ވާނަމަ އެދުވަހު ޕްރޮސެސް ވާނެ ކަމަށް ބޭންކުން ބުނެއެވެ. އަދި އެމްއެމްއޭ ހުޅުވާފައި ހުންނަ ދުވަސްތައް ކަމުގައިވާ ހޯމަ, އަންގާރަ އަދި ބުރާސްފަތި ދުވަހު ހެނދުނު 10:00 ކުރިން ޖަމާކުރާ ޗެކްތައް ކްލިއާ ކުރުމަށް އެދުވަހަކު ފޮނުވޭނެ ކަމަށް ބީއެމްއެލްއިން ބުނެއެވެ.

އެމްއެމްއޭ ހުޅުވާފައި ހުންނަ ދުވަސްތަކުގައި ލޯކަލް ބޭންކް ޓްރާންސްފާގެ ޚިދުމަތާއި އެހެން ބޭންކްތަކުގެ ޗެކް ޕްރޮސެސް ކުރުމުގެ ޚިދުމަތް ލިބޭނެ ކަމަށް ވެސް ބީއެމްއެލް އިން ބުނެއެވެ. އެގޮތުން ހެނދުނު 11:00 ގެ ކުރިން އިންޓަނެޓް ބޭންކިން މެދުވެރިކޮށް ލިބޭ އޭ.ސީ.އެޗް ޓްރާންސްފާ ރިކުއެސްޓް, އެދުވަހަކު ޕްރޮސެސް ވާނެއެވެ. އަދި ހެނދުނު 11:00 ގެ ކުރިން އިންޓަނެޓް ބޭންކިން މެދުވެރިކޮށް ލިބޭ 100,000 ރުފިޔާ އަށްވުރެ މަތީ އާރް.ޓީ.ޖީ.އެސް ޓްރާންސްފާ ރިކުއެސްޓް ވެސް އެދުވަހަކު ޕްރޮސެސް ވާނެއެވެ. އޭގެއިތުރުން ހެނދުނު 11:00 ކުރިން އީމެއިލް މެދުވެރިކޮށް ލިބޭ އެމް.އާރް.ޓީ.ޖީ.އެސް ޓްރާންސްފާ ރިކުއެސްޓް އެދުވަހަކު ޕްރޮސެސް ވާނެކަމަށް ބޭންކުން ބުނެއެވެ.

ބީއެމްއެލް ހުޅުވައިގެން ޚިދުމަތް ދިނުން މެދުކަނޑާލާފައި ވަނީ, ކޮވިޑް 19 ބަލިމަޑުކަމުގެ ސަބަބުން ކަސްޓަމަރުންނާއި މުވައްޒަފުންގެ ރައްކާތެރި ކަމަށް އިސްކަން ދިނުމުގެ ގޮތުން ކަމަށް ބީއެމްއެލްއިން ބުނެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އިމާދު ލަތީފް
0%
0%
0%
50%
50%
0%
ކޮމެންޓް