މީޑިއާ ކޮންޓްރޯލްކުރާ ބިލު ބޭރުކުރަން ގޮވާލާ ނޫސްވެރިން ކުރި އިހުތިޖާޖު
"މީޑިއާ ކޮންޓްރޯލް ބިލް" ދިރާސާ ކުރާ ކޮމެޓީ ސިއްރުކޮށް ކޮމެޓީގައި ތިބި ނޫސްވެރިން ނެރުމާއި ގުޅިގެން އަންގާރަ އަދި ބުދަ ދުވަހުވެސް، މަޖިލިސް ސަރަހައްދުގައި ނޫސްވެރިން ވަނީ އިހުތިޖާޖު ކޮށްފަ އެވެ.
އަވަސްއަރުވާލައިގެން މި ބިލު ފާސްކުރުމަށް ޕީއެންސީގެ މެޖޯރިޓީ އޮތް ރައްޔިތުންގެ މަޖިލީހުން މަސައްކަތް ކުރަމުންދާތީ، އެކަމާ ގުޅިގެން ކަންބޮޑުވުންފާޅުކޮށް ގިނަ އަދަދެއްގެ ނޫސްވެރިން ދަނީ މުޒާހަރާ ކުރަމުން - ފޮޓޯ: ރާއްޖެއެމްވީ
އިހުތިޖާޖު ކުރާ ނޫސްވެރިން ބުނަމުން ދަނީ މިނިވަން މީޑިއާ ކޮންޓްރޯލް ކުރާ ބިލަކީ ސަރުކާރުން ހިންގާ ހިޔާނާތާ ފަސާދަ ރައްޔިތުންނަށް ފޮރުވުމަށް ފާސް ކުރަން މަސައްކަތް ކުރާ ބިލެއް ކަމަށް- ފޮޓޯ: ރާއްޖެއެމްވީ
ބިލު ބޭރުކޮށްލުމަށް ގޮވާލައި ރައްޔިތުންގެ މަޖިލީހާއި ރައީސުލްޖުމްހޫރިއްޔާގެ އޮފީހަށް ނޫސްވެރިންގެ ފަރާތުން ޕެޓިޝަނެއް ވެސް ވަނީ ހުށަހަޅާފަ - ފޮޓޯ: ރާއްޖެއެމްވީ
މި ބިލު ބޭރުކޮށްލަން ގޮވާލާ ނޫސްވެރިން ދަނީ މުޒާހަރާ ކުރުމުގެ އިތުރުން ސޯޝަލް މީޑިއާގައި ބޮޑު ކެމްޕޭނެއް ވެސް ކުރިއަށް ގެންދަމުން - ފޮޓޯ: ރާއްޖެއެމްވީ
އަންގާރަ ދުވަހު "މީޑިއާ ކޮންޓްރޯލް ބިލް" ދިރާސާ ކުރާ ކޮމެޓީ ސިއްރުކޮށް ކޮމެޓީގައި ތިބި ނޫސްވެރިން ނެރުމާއި ގުޅިގެން މަޖިލިސް ސަރަހައްދުގައި ނޫސްވެރިން އިހުތިޖާޖު ކުރަނީ - ފޮޓޯ: ރާއްޖެއެމްވީ
މަޖިލިސް ދޮށުގައި ނޫސްވެރިން އަޑު އުފުލަނީ - ފޮޓޯ: ރާއްޖެއެމްވީ