މަކުނުދޫ އެއަރޕޯޓް ރައީސް މުއިއްޒުގެ ވައުދު ލިސްޓުން ގެއްލިއްޖެ، ރައްޔިތުން ރަތަށް
ވެރިކަމަށް ހޮވުމަށްފަހު މަކުނުދޫއަށް ވަޑައިގެން މުއިއްޒު ވިދާޅުވީ، 2024 ވަނަ އަހަރު ނިމެންވާއިރު އެއަރޕޯޓް ހުޅުވޭނެ ކަމަށެވެ. ނަމަވެސް އެރަށު ރައްޔިތުން ބުނަނީ އެތަނުގައި އަދި އޮތީ ފަސްގަނޑެއް ކަމަށެވެ. އެހެންކަމުން މަކުނުދޫ އަށް މިނިސްޓަރު މުއްތަލިބު ވަޑައިގަތުމުން މަކުނުދޫގެ ގިނަ އަދަދެއްގެ ރައްޔިތުން ނުކުމެ ވަނީ އިހްތިޖާޖު ކޮށްފައެވެ.
މިނިސްޓަރު މަކުނުދޫ އަށް ވަޑައިގަތީ ހޮނިހިރު ދުވަހު އޮންނަ ލޯކަލް ކައުންސިލު ބައި-އިލެކްޝަން ގައި ވާދަ ކުރާ ޕީއެންސީ ގެ ކެންޑިޑޭޓަށް ކެމްޕެއިން ކޮށްދެއްވުމަށް - ފޮޓޯ: ރާއްޖެއެމްވީ
ރައްޔިތުންގެ ގިނަ ބަޔަކު ސަރުކާރާ މެދު ނުރުހުން ފާޅު ކުރަމުންދަނީ ބުރާސްފަތި ދުވަހު ރައީސުލް ޖުމްހޫރިއްޔާ އިއްވެވި ރިޔާސީ ބަޔާނުގައި މަކުނުދޫ އެއަރޕޯޓުގެ ވާހަކަ ނެތުމުންނާއި، ރަށުގެ ކަރަންޓު ހާލަތުު ދަށްވެ، އިރުއިރުކޮޅުން ކަރަންޓު ކެނޑޭ މައްސަލަ ހައްލު ނުވެ ދިގުލައިގެން ދިއުމުން ކަމަށް ބުނި - ފޮޓޯ: ރާއްޖެއެމްވީ
މިނިސްޓަރު މުއްތަލިބު މަކުނުދޫ އަށް ވަޑައިގެން ރައްޔިތުންނާ ބައްދަލު ކުރުމަށް ބޭއްވި ބައްދަލުވުމަށް ދިޔަ ގިނަ މީހުން ވެސް ތިބީ ޝުއޫރު ފާޅު ކުރުމަށް މެސެޖުތައް ހިފައިގެން - ފޮޓޯ: ރާއްޖެއެމްވީ
އިހްތިޖާޖު ކުރި މީހުން ވަނީ މިނިސްޓަރުގެ ފަހަތުން އެއަރޕޯޓު އަޅަން ހިއްކާފައި އޮތް ފަސްގަނޑަށް ވެސް ގޮސްފައި - ފޮޓޯ: ރާއްޖެއެމްވީ
އެރަށުގައި އިހުތިޖާޖް ކޮށްފައިވާއިރު، ދަތުރު ވަރަށް ކުރުކޮށްލާފައި ކައިގެން މީހުންތައް ވަނީ ފުރާފައި - ފޮޓޯ: ރާއްޖެއެމްވީ
އިހްތިޖާޖު ކުރި ފަރާތްތަކުން ގެންދިޔައީ ޝުއޫރު ފާޅުކޮށް އަޑު އުފުލަމުން - ފޮޓޯ: ރާއްޖެއެމްވީ
މިނިސްޓަރު ވަޑައިގަތީ ހޮނިހިރު ދުވަހު އޮންނަ ލޯކަލް ކައުންސިލް ބައި އިލެކްޝަންގައި ވާދަ ކުރާ ޕީއެންސީ ކެންޑިޑޭޓަށް ކެމްޕެއިން ކުރައްވަން - ފޮޓޯ: ރާއްޖެއެމްވީ
ހުކުރު ދުވަހު މަކުނުދޫގައި އިހްތިޖާޖު ކުރި މީހުން ވަނީ ރައީސް މުއިއްޒުގެ އިސްތިއުފާ އަށް ވެސް ގޮވާފައި - ފޮޓޯ: ރާއްޖެއެމްވީ