ޣައްޒާގައި ގެދޮރު ގެއްލިފައިވާ މީހުން ތިބި ސްކޫލަކަށް އިޒްރޭލުން ހަމަލާ ދިނުން

ޣައްޒާގެ އުތުރުގައި އޮންނަ ޖަބާލިއާ ރެފިއުޖީ ކޭމްޕްގައި ގެދޮރު ގެއްލިފައިވާ މީހުންގެ ހިޔާވަހިކަން ދޭ ސްކޫލަކަށް އިޒްރޭލުން ދިން ހަމަލާގައި ޝަހީދުވި ފަލަސްތީނުގެ މީހުންގެ ޖަނާޒާ - ފޮޓޯ: އޭއެފްޕީ

މި ހަމަލާއަކީ ގާތްގަނޑަކަށް އަހަރެއްހާ ދުވަސް ވަންދެން ހަނގުރާމަތައް ހިނގަމުން އަންނަ ޣައްޒާގައި ގެދޮރު ގެއްލިފައިވާ ފަލަސްތީނު މީހުން ދިރިއުޅޭ ސްކޫލް އިމާރާތްތަކަށް އިޒްރޭލުން ދިން ސިލްސިލާ ހަމަލާތަކުގެ ތެރެއިން އެންމެ ފަހުގެ ހަމަލާ - ފޮޓޯ: އޭއެފްޕީ

ވަށާލާފައިވާ އެންކްލޭވްގެ 2.3 މިލިއަން މީހުންގެ ތެރެއިން ގިނަ ބަޔަކު ވަނީ ހަނގުރާމައިގެ ސަބަބުން އެތައް ފަހަރެއްގެ މަތިން ގެދޮރު ގެއްލިފައި - ފޮޓޯ: އޭއެފްޕީ

ޣައްޒާގެ މަދަނީ ދިފާއީ އިދާރާގެ ތަރުޖަމާނު މަހްމޫދު ބަސަލް ވިދާޅުވީ ޖަބަލިއާގެ ސްކޫލަށް އިޒްރޭލުން ދިން ބޮމުގެ ހަމަލާތަކުގައި ކުޑަކުދިންނާއި އަންހެނުން ހިމެނޭ ގޮތަށް 15 މީހުން މަރުވެ އެތައް ބަޔަކު ޒަޚަމްވެފައިވޭ - ފޮޓޯ: އޭއެފްޕީ

ޣައްޒާގެ މެދުތެރޭގެ ނުސީރަތު ރެފިއުޖީ ކޭމްޕްގައި ހުންނަ އދއިން ހިންގާ އަލް ޖައޫނީ ސްކޫލަށް ދިން ހަމަލާއެއްގައި 18 މީހުން މަރުވެފައިވާއިރު އޭގެ ތެރޭގައި ފަލަސްތީނުގެ ރެފިއުޖީންނާ ބެހޭ އދގެ އެޖެންސީ (އުންރްވާ)ގެ ހަ މުވައްޒަފަކު ވެސް ހިމެނޭ - ފޮޓޯ: އޭއެފްޕީ

އިޒްރޭލުން ޣައްޒާއަށް އެނބުރި އައި ފަލަސްތީނުގެ 88 މީހެއްގެ ހަށިގަނޑު، ދެކުނުގެ ޚާން ޔުނިސްގައި ކަމާބެހޭ ފަރާތްތަކުން ވަޅުލާފައިވާއިރު، އިޒްރޭލުގެ އަސްކަރިއްޔާއިން އެ ހަށިތަކާ މެދު އަމަލުކުރަމުން ދިޔަ ލާއިންސާނީ އަމަލުތައް ހެލްތު މިނިސްޓްރީން ވަނީ ކުށްވެރިކޮށްފަ - ފޮޓޯ: އޭއެފްޕީ

އިޒްރޭލުގެ އަސްކަރިއްޔާއިން މި ހަފުތާގައި 88 މީހުންގެ ހަށިގަނޑު ހިމެނޭ ކޮންޓެއިނަރެއް އަނބުރާ ފޮނުވާލީ "ދެނެގަނެވޭނެ އެއްވެސް މައުލޫމާތެއް ނެތި" - ފޮޓޯ: އޭއެފްޕީ