އިރާނުގެ މަހްސާ އާމިނީގެ މަރުގެ މައްސަލައިގައި މުޅި ދުނިޔޭގައި މުޒާހަރާކުރަނީ

ގްރީސްގެ ވެރިރަށް އެތެންސްގައި ހުންނަ އިރާނު އެމްބަސީގެ ބޭރުގައި، މަހްސާ އާމިނީގެ މަރާއި ގުޅިގެން ކުރި މުޒާހަރާގެ ބައިވެރިން ރަޔަޓް ފުލުހުންނާ ދެމެދު ހިނގި ކުރިމަތިލުން - ފޮޓޯ: ރޮއިޓަރސް

އިރާނުގައި ފުލުހުންގެ ބެލުމުގެ ދަށުގައި ހުއްޓާ މަރުވި މަހްސާ އާމިނީގެ ފޮޓޯއެއް އެމެރިކާގެ ނިއު ޔޯކް ސިޓީގައި މުޒާހަރާކުރި ބައިވެރިން ހިފަހައްޓައިގެން - ފޮޓޯ: ރޮއިޓަރސް

ތުރުކީގެ އިސްތަންބޫލުގައި ހުންނަ އިރާނުގެ ކޮންސިއުލޭޓްގެ ބޭރުގައި މަހްސާ އާމިނީގެ މަރާއި ގުޅިގެން ކުރި މުޒާހަރާއެއްގައި ތުރުކީގައި ދިރިއުޅޭ އިރާނުގެ އަންހެނުން ބައިވެރިވެފައިވޭ - ފޮޓޯ: ރޮއިޓަރސް

ތުރުކީގައި ދިރިއުޅޭ އިރާނުގެ އަންހެނެއް ކަމަށްވާ ނާސިބޭ ސަމްސާއީ، ތުރުކީގެ އިސްތަންބޫލްގައި ހުންނަ އިރާނުގެ ކޮންސިއުލޭޓްގެ ބޭރުގައި މަހްސާ އާމީނީގެ މަރާއި ގުޅިގެން ކުރި މުޒާހަރާއެއްގައި އޭނާގެ އިސްތަށިގަނޑު ކޮށާލި- ފޮޓޯ: ރޮއިޓަރސް

ޖަރުމަނުވިލާތުގެ ވެރިރަށް ބާލިންގައި މަހްސާ އާމިނީގެ މަރާއި ގުޅިގެން އިރާނުގައި އަންހެނުންނާއެކު އެއްބައިވަންތަކަން ހާމަކުރުމުގެ ގޮތުން ކުރި މުޒާހަރާއެއްގެ ތެރެއިން މުޒާހަރާގެ ބައިވެރިން ވަނީ އެމީހުންގެ އިސްތަށިގަނޑު ކޮށާލާފައި - ފޮޓޯ: ރޮއިޓަރސް

އިރާނުގެ ވެރިރަށް ތެހެރާނުގައި، އިސްލާމިކް ރިޕަބްލިކްގެ "އަޚްލާގީ ފުލުހުން" ހައްޔަރު ކޮށްގެން ގެންދިޔަ މަހްސާ އާމިނީގެ މަރުގެ މައްސަލާގައި ކުރި މުޒާހަރާއެއްގައި ފުލުހުންގެ ސައިކަލެއްގައި ރޯކޮށްލާފައި- ފޮޓޯ: ރޮއިޓަރސް

އިރާނުގެ ވެރިރަށް ތެހެރާނުގައި ހުންނަ އީރާނުގެ "އަޚްލާޤީ ފުލުހުން" ހައްޔަރުކުރި މަހްސާ އާމިނީގެ ކަވަރ ފޮޓޯއެއް ނޫހެއްގައި - ފޮޓޯ: ރޮއިޓަރސް