ރަމަޟާން 1443 - ދިވެހިން ފެނުނީ ހޭލަމޭލަވެ އުޅޭތަން
ރަމަޟާން މަހުގެ ފުރަތަމަ ދުވަހަކީ އެޕްރީލް 2 ވީ ހޮނިހިރު ދުވަހެވެ. ރޯދަމަހަކީ އަބަދުވެސް އާންމުން އެންމެ ބޮޑަށް ތައްޔާރުވާ މަހެވެ. އަޅުކަމުގައި ގިނަ ވަގުތު ހޭދަކުރާ މައްސަރެވެ. މީގެ އިތުރުން ކާބޯތަކެއްޗަށް ކުރަންޖެހޭ ހޭދަތައްވެސް އެހެނިހެން މަސްތަކާއި އަޅާބަލާއިރު އިތުރު މަހެކެވެ.
ޖުމްހޫރީ މައިދާން - މީހަކު ކޮތަރަށް ކާން ދެނީ - ފޮޓޯ: ރާއްޖެއެމްވީ
މަސް މާރުކޭޓް - ބަޔަކު މަސް ގަތުމަށް ކިއު ހަދާފައި - ފޮޓޯ: ރާއްޖެއެމްވީ
ލޯކަލް މާރުކޭޓް - މާރުކޭޓްތައް ވެސް ފުރިފައިވާއިރު، ކޮންމެ ރޯދަމަހެއްގައި ވެސް އެންމެ ޑިމާންޑް ބޮޑުވަނީ ކަރަލާއި، މިރުހަށް - ފޮޓޯ: ރާއްޖެއެމްވީ
ލޯކަލް މާރުކޭޓް - ކޮންމެ އަހަރެއްގެ ރޯދަ މަހުވެސް ގިނަ ބައެއްގެ ޝަކުވާއަކަށް ވެފައި އޮންނަނީ މިރުހުގެ އަގު މައްޗަށް އަރައިގެން ދިއުން، ކަނޑޫދޫ މިރުސް އަގުބޮޑުވެ ޝަކުވާއަކަށް ވެފައިވާއިރު، ކަނޑޫދޫ ދަނޑުވެރިއަކު ބުނީ މިރުސް އަގުބޮޑު ނުވާނެ ކަމަށާއި، މީގެ ކުރީ އަހަރުތަކުގައި ވެސް މިރުހުގެ އަގު ބޮޑުކޮށްފައިވަނީ މާރުކޭޓުގައި މަސައްކަތް ކުރާ ވިޔަފާރިވެރިން މިރުސް ލިބުން ދަތިވުމާއެކު އަގުބޮޑު ކުރުމުން ކަމަށް - ފޮޓޯ: ރާއްޖެއެމްވީ
މަސް މާރުކޭޓް - މަސް ގަންނަން ގޮސް ތިބި ބަޔަކު މާރުކޭޓުގައި، އެހެން މަސް މަހާއި އަޅާބަލާއިރު ރޯދަމަހު މަސް ގަންނަންދާ މީހުން އިތުރުކަން ފާހަގަކުރެވޭ - ފޮޓޯ: ރާއްޖެއެމްވީ
ލޯކަލް މާރުކޭޓް - މިއަހަރުގެ ރޯދައަށް ވެސް ރާއްޖޭގެ އެކި ހިސާބުތަކުން ވަނީ ގިނަ އަދަދެއްގެ ބާވަތްތައް މާރުކޭޓަށް ފޯރުކޮށްދީފައި - ފޮޓޯ: ރާއްޖެއެމްވީ