ޅ. ހިންނަވަރު ރައްޔިތުންނާއި ރައީސުލްޖުމްހޫރިއްޔާ އިބްރާހިމް މުހައްމަދު ސާލިހް ބައްދަލުކުރެއްވުން
ޅ. އަތޮޅަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ކުރައްވަމުން ގެންދަވާ ދަތުރުފުޅުގެ ތެރެއިން، އެ އަތޮޅު ހިންނަވަރަށް ވަޑައިގެން ހިންނަވަރު ރައްޔިތުންނާއި ރައީސުލްޖުމްހޫރިއްޔާ އިބްރާހިމް މުހައްމަދު ސާލިހް ވަނީ ބައްދަލުކުރައްވާފައެވެ. ޖަޒީރާ ހޮޅުއަށީގެ ނަމުގައި ބޭއްވި މި ބައްދަލުވުމުގައި ރައީސް ވަނީ ރައްޔިތުންގެ ވާހަކަތައް އައްސަވާ ސަރުކާރުން އެކަންކަމާއި ގުޅޭގޮތުން ކުރަން ނިންމާފައިވާ ކަންތައްތަކުގެ މައުލޫމާތު ހިއްސާ ކުރައްވާފައެވެ.
ހިންނަވަރު ރައްޔިތުންނާ ބައްދަލު ކުރެއްވުން - ރަށުގައި ހޮސްޕިޓަލް އެޅުމަކީ މިސަރުކާރުގެ ރިޔާސީ ވައުދަކަށްވާއިރު މިއަހަރުގެ ބަޖެޓްގައިވެސް ރަށުގައި ހޮސްޕިޓަލު އެޅުމަށް ހިމަނާފަވޭ - ފޮޓޯ: ރައީސް އޮފީސް
ހިންނަވަރު ރައްޔިތުންނާ ބައްދަލު ކުރެއްވުން - ކައުންސިލުގެ އިމާރާތް ހެދުމުގެ މަސައްކަތް ބަޖެޓުގައި ހިމެނޭކަމަށާއި މަގު ހެދުމާއި ޔުނިވަރސިޓީގެ ކެމްޕަހެއް ޤާއިމުކުރުމާއި ކަރަންޓުގެ ވިއުގަ ރަނގަޅުކުރުމާއި 100 ހައުސިންގ ޔުނިޓް ޤާއިމުކުރުމުގެ މަސައްކަތް ވެސް ކުރިޔަށްދާނެކަމުގައި ރައީސުލްޖުމްހޫރިއްޔާ ވިދާޅުވި - ފޮޓޯ: ރައީސް އޮފީސް
ހިންނަވަރު ރައްޔިތުންނާ ބައްދަލު ކުރެއްވުން - ހިންނަވަރު ރައްޔިތުންނާއި ބައްދަލުކުރައްވައި ދެއްކެވި ވާހަކަފުޅުގައި ރައީސުލްޖުމްހޫރިއްޔާ ވަނީ ހިންނަވަރުގެ ތަރައްޤީގެ މަޝްރޫޢުތަކުގެ އިތުރު ތަފްޞީލުތައް ރައްޔިތުންނާއި ހިއްސާކުރައްވާފައި - ފޮޓޯ: ރައީސް އޮފީސް
ހިންނަވަރު ރައްޔިތުންނާ ބައްދަލު ކުރެއްވުން - ރައީސުލްޖުމްހޫރިއްޔާ ވަނީ ތަރައްޤީގެ ކަންކަން ސަރުކާރުން ކުރިޔަށް ގެންދަވާނީ ރައްޔިތުންގެ ޚިޔާލާ މަޝްވަރާ ހޯއްދަވައިގެން އެ ރަށެއްގެ ރައްޔިތުން އެންމެ އެދޭގޮތަށްކަން ފާހަގަކުރައްވާފައި - ފޮޓޯ: ރައީސް އޮފީސް
ހިންނަވަރު ރައްޔިތުންނާ ބައްދަލު ކުރެއްވުން - ޅ. ހިންނަވަރުގައި އަޅާ ހޮސްޕިޓަލަށް ބޭނުންވާ ފައިސާ ހަމަޖެހިފައިވާ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސާލިހް ވިދާޅުވި - ފޮޓޯ: ރައީސް އޮފީސް
ހިންނަވަރު ރައްޔިތުންނާ ބައްދަލު ކުރެއްވުން - މި ބައްދަލުކުރެއްވުމުގައި ސަރުކާރުގެ އެކި ވުޒާރާތަކުގެ އިސްވެެރިން ބައިވެރިވެވަޑައިގެންނެވި - ފޮޓޯ: ރައީސް އޮފީސް