ރާއްޖޭން ޑައިވިންގެ ދުނިޔޭގެ ރެކޯޑު މުގުރާލުން
ރާއްޖެ އިން އެންމެ ގިނަ ޑައިވަރުން އެއް ފަހަރާ ފްރީޑައިވް ކުރުމުގެ ރެކޯޑް ހެދީ 521 ޑައިވަރުންނާ އެކު އެކު ޑައިވްކޮށްގެންނެވެ. އިޓަލީން މި ރެކޯޑް 2009 ވަނަ އަހަރު ހަދާފައި ވަނީ 280 މީހުންނާ އެކު އެވެ. މި ރެކޯޑް މުގުރާލުމަށް ޑައިވަރުން 30 ސިކުންތު ވަންދެން މޫދު އަޑީގައި ތިބެން ޖެހެ އެވެ.
ރާއްޖެއިން ފްރީޑައިވިންގް ރެކޯޑް ހެދުމުގައި ރައީސުލްޖުމްހޫރިއްޔާއާއެކު ޖުމްލަ 521 ޑައިވަރުން މިއަދު ފީނާފައިވޭ
ޑައިވަރުން މި ރެކޯޑް ހެދުމަށް 30 ސިކުންތު ވަންދެން 3 މީޓަރު އަޑިއަށް ފީނާފައިވޭ
މި ޙަރަކާތުގައި ދުނިޔޭގެ ވަރލްޑް ރިކޯޑް ދެފަހަރަށް ހާސިލުކޮށް، ވަރލްޑް ޗެންޕިއަން ފްރީޑައިވަރގެ މަޤާމު ހާސިލުކޮށްފައިވާ ނިއުޒީލެންޑްގެ ރައްޔިތެއްކަމަށްވާ ވިލިއަމް ޓްރޫބްރިޖް ވެސް ވަނީ ބައިވެރިވެފަ
މިނިސްޓަރު އަލީ ވަހީދު ވިދާޅުވީ މިއަދަކީ ރާއްޖޭގެ ތާރީހުގައި ވަރަށް މުހިންމު ދުވަހެއް ކަމަށް
މި ފްރީޑައިވިންގް ޙަރަކާތް ކާމިޔާބުކަމާއެކު ނިންމާލުމުން ގިނިސް ވަރލްޑް ރިކޯޑުގެ އޮފިޝަލުން ވަނީ "ނޭވާ" ފްރީޑައިވިންގް ޙަރަކާތަކީ ދުނިޔޭގެ އާ ވަރލްޑް ރިކޯޑެއްކަމުގައި ކަނޑައަޅައި ރައީސުލްޖުމްހޫރިއްޔާއަށް އެކަމުގެ ހަނދާނީ ލިޔުން ޙަވާލުކޮށްފަ -- ފޮޓޯ: ރައީސް އޮފީސް
"ނޭވާ" ގެ ނަމުގައި ހިންގި މި ފްރީޑައިވިންގް ޙަރަކާތަކީ 2009 ވަނަ އަހަރު 280 މީހުންނާއެކު އިޓަލީގެ ވެރޯނާގައި ޤާއިމުކޮށްފައިވާ ވަރލްޑް ރިކޯޑް މުގުރާލުމަށް ރާއްޖެއިން ހެދި އާ ފްރީ ޑައިވިންގް ރެކޯޑެއް
އަލީ ވަހީދު ވިދާޅުވީ ފުރަތަމަ ފަހަރަށް ރާއްޖޭގެ ރައީސަކު މިފަދަ ހަރަކާތެއްގައި ބައިވެރިވުމަކީ ކާމިޔާބީގެ އުފާވެރިކަން އިތުރުވެގެންދާކަމެއް ކަމަށް -- ފޮޓޯ: ރާއްޖެ.އެމްވީ
މިއަދު ހަވީރު ބަރޮސް މޯލްޑިވްސްގެ ފަޅުގައި ކުރިއަށްގެންދިޔަ މި ހަރަކާތުގައި ދައުލަތުގެ ވަޒީރުންނާއި ބައެއް އިސް ފަރާތްތަކުގެ އިތުރުން ދުނިޔޭގެ ނަން މަޝްހޫރު ފްރީ ޑައިވަރުން ބައިވެރިވި -- ފޮޓޯ: ރައީސް އޮފީސް
