ފީފާ ވާރލްޑް ކަޕް 2018 – މެޗް ޑޭ 8
ފީފާ ވާރލްޑް ކަޕްގެ މެޗް ޑޭ 8 ގައި ޖުމްލަ ތިން މެޗެއް ކުޅެފައިވެއެވެ. މި މެޗް ޑޭގައި ކުޅެފައިވަނީ ގްރޫޕް ޑީގެ އެއް މެޗާއި ގްރޫޕް އީގެ ދެ މެޗެވެ. އެގޮތުން ގްރޫޕް ޑީގައި ކުޅުނު މެޗުގައި ނައިޖީރިއާއިން ވަނީ ވާރލްޑް ކަޕްގައި އަލަށް ވާދަކުރާ އައިސްލޭންޑް ބަލިކޮށްފައެވެ. ގްރޫޕް އީގެ ފުރަތަމަ މެޗުގައި 2-0 އިން ކޮސްޓަ ރިކާ އަތުން ބްރެޒިލް މޮޅުވިއިރު މި ބައްޔާއެކު ކޮސްޓަ ރިކާ ވަނީ މުބާރާތުން ކަޓާފައެވެ. ހަމައެހެންމެ ގްރޫޕް އީގެ ދެވަނަ މެޗުގައި ސްވިޓްޒަލޭންޑުން ވަނީ ފަހަތުން އަރައި 2-1 އިން ސާބިއާ ބަލިކޮށްފައެވެ.
ގްރޫޕް އީގެ ފުރަތަމަ މެޗުގައި ބްރެޒިލް އަދި ކޮސްޓަ ރިކާ ކުޅުނު މެޗުގެ ތެރެއިން ބްރެޒިލްގެ ވިލިއަންއަށް ކޮސްޓަ ރިކާގެ ކުޅުންތެރިޔަކު ފައުލް ކުރަނީއެވެ. މި މެޗު 2-0 ގެ ނަތީޖާއަކުން ކާމިޔާބުކުރީ ބްރެޒިލްއެވެ. މީގެކުރިން މި ދެ ޓީމު ވަނީ ބައިނަލްއަގްވާމީ 10 މެޗެއް ކުޅެފައެވެ. އޭގެ ތެރެއިން ނުވަ މެޗު ބްރެޒިލްއިން ކާމިޔާބުކުރިއިރު ކޮސްޓަ ރިކާ މޮޅުވެފައިވަނީ 1960 ވަނަ އަހަރުގެ މާޗް މަހު ކުޅުނު މެޗެއްގައެވެ. ހަމައެހެންމެ މިއީ ވާރލްޑް ކަޕެއްގައި މި ދެ ޓީމު ކުޅުނު ތިންވަނަ މެޗެވެ. މި މެޗުން ބަލިވުމާއެކު ކޮސްޓަ ރިކާ ވަނީ މުބާރާތުން ކަޓާފައެވެ.
ގްރޫޕް އީގެ ފުރަތަމަ މެޗުގައި ބްރެޒިލް އަދި ކޮސްޓަ ރިކާ ކުޅުނު މެޗުގެ ތެރެއިން ކޮސްޓަ ރިކާގެ ކުޅުންތެރިޔެއްގެ ކައިރިން ބްރެޒިލްގެ ނޭމާ ބޯޅަ ހިފައިގެން ނައްޓާލަން މަސައްކަތްކުރަނީއެވެ.މި މެޗު 2-0 ގެ ނަތީޖާއަކުން ކާމިޔާބުކުރީ ބްރެޒިލްއެވެ. މި މެޗުގައި ބްރެޒިލްއިން ޖެހި ދެވަނަ ލަނޑު ޖެހީ ނޭމާ ކަމަށްވާއިރު ނޭމާ ވެގެންދިޔައީ ބްރެޒިލްގެ ތާރީހުގައި ވެސް އެޓީމަށް ތިންވަނައަށް އެންމެ ގިނަ ލަނޑު ޖަހައިދިން ކުޅުންތެރިޔާއަށެވެ. އޭނާ ވަނީ ބްރެޒިލްގެ ގައުމީ ޓީމަށް 56 ލަނޑު ޖަހާފައެވެ.
ގްރޫޕް އީގެ ފުރަތަމަ މެޗުގައި ބްރެޒިލް އަދި ކޮސްޓަ ރިކާ ކުޅުނު މެޗުގެ ތެރެއިން ބްރެޒިލްގެ ނޭމާ އަތުން ބޯޅަ ހޯދުމަށް ކޮސްޓަ ރިކާގެ ކުޅުންތެރިޔަކު މަސައްކަތްކުރަނީއެވެ. މި މެޗު 2-0 ގެ ނަތީޖާއަކުން ކާމިޔާބުކުރީ ބްރެޒިލްއެވެ. މި މެޗުގައި ބްރެޒިލްއިން ޖެހި ދެވަނަ ލަނޑު ޖެހީ ނޭމާ ކަމަށްވާއިރު ނޭމާ ވެގެންދިޔައީ ބްރެޒިލްގެ ތާރީހުގައި ވެސް އެޓީމަށް ތިންވަނައަށް އެންމެ ގިނަ ލަނޑު ޖަހައިދިން ކުޅުންތެރިޔާއަށެވެ. އޭނާ ވަނީ ބްރެޒިލްގެ ގައުމީ ޓީމަށް 56 ލަނޑު ޖަހާފައެވެ.
ގްރޫޕް އީގެ ފުރަތަމަ މެޗުގައި ބްރެޒިލް އަދި ކޮސްޓަ ރިކާ ކުޅުނު މެޗުގެ ތެރެއިން ބްރެޒިލްގެ ފުރަތަމަ ލަނޑު ޖެހުމަށްފަހު ކުޓީނިއޯ އުފާ ފާޅުކުރަނީއެވެ. އޭނާ ވަނީ މި ވާރލްޑް ކަޕްގައި ބްރެޒިލް ކުޅުނު ދެ މެޗުގައި ވެސް ލަނޑު ޖަހާފައެވެ.
ގްރޫޕް ޑީގެ މެޗުގައި ނައިޖީރިއާ އަދި އައިސްލޭންޑް ކުޅުނު މެޗުގެ ތެރެއިން އައިސްލޭންޑްގެ ގިލްފީ ސިގާޑްސަން ބޯޅަ ހޯދުމަށް މަސައްކަތްކުރަނީއެވެ. މި މެޗު 2-0 ގެ ނަތީޖާއަކުން ކާމިޔާބުކުރީ ނައިޖީރިއާއެވެ. މި މެޗުގައި އައިސްލޭންޑަށް ޕެނަލްޓީއެއް ލިބުނު ނަމަވެސް ސިގާޑްސަން އެ ޕެނަލްޓީ ޖެހީ ބޭރަށެވެ.
ގްރޫޕް ޑީގެ މެޗުގައި ނައިޖީރިއާ އަދި އައިސްލޭންޑް ކުޅުނު މެޗުގެ ތެރެއިން ނައިޖީރިއާގެ ވިކްޓަރ މޯސެސް އަތުން އައިސްލޭންޑްގެ ކުޅުންތެރިޔަކު ބޯޅަ ހޯދަނީއެވެ. މި މެޗު 2-0 ގެ ނަތީޖާއަކުން ކާމިޔާބުކުރީ ނައިޖީރިއާއެވެ. އައިސްލޭންޑް އަދި ނައިޖީރިއާގެ މެދުގައި މީގެކުރިން މެޗެއް ކުޅެފައިވަނީ 1981 ވަނަ އަހަރުއެވެ. އެފަހަރުގެ މެޗު 3-0 އިން ކާމިޔާބުކުރީ އައިސްލޭންޑެވެ.
ގްރޫޕް ޑީގެ މެޗުގައި ނައިޖީރިއާ އަދި އައިސްލޭންޑް ކުޅުނު މެޗުގެ ތެރެއިން ނައިޖީރިއާގެ ދެ ލަނޑު ވެސް ޖެހި އަހުމަދު މޫސާ އުފާ ފާޅުކުރަނީއެވެ. މި މެޗު 2-0 ގެ ނަތީޖާއަކުން ކާމިޔާބުކުރީ ނައިޖީރިއާއެވެ. ވާރލްޑް ކަޕްގައި ނައިޖީރިއާ އެންމެފަހުން ޖެހި ހަތަރު ލަނޑު ވެސް މޫސާ ޖެހިއިރު އޭނާއަކީ އެގައުމުގެ ތާރީހުގައި ވެސް ވާރލްޑް ކަޕްގައި އެންމެ ގިނަ ލަނޑު ޖެހި ކުޅުންތެރިޔާއެވެ.
ގްރޫޕް ޑީގެ މެޗުގައި ނައިޖީރިއާ އަދި އައިސްލޭންޑް ކުޅުނު މެޗުގެ ތެރެއިން ނައިޖީރިއާގެ އެޓޭބޯ ހަމަލާއެއް ފޮނުވާލުމަށް މަސައްކަތްކުރަނީއެވެ. މި މެޗު 2-0 ގެ ނަތީޖާއަކުން ކާމިޔާބުކުރީ ނައިޖީރިއާއެވެ. ނައިޖީރިއާއިން ވަނީ ވާރލްޑް ކަޕްގައި ޔޫރަޕުގެ ޓީމުތަކާއި ދެކޮޅަށް ކުޅުނު ހުރިހާ މެޗެއް ވެސް ކާމިޔާބުކޮށްފައެވެ.
ގްރޫޕް އީގެ ދެވަނަ މެޗުގައި ސްވިޓްޒަލޭންޑް އަދި ސާބިއާ ކުޅުނު މެޗުގެ ތެރެއިން ސްވިޓްޒަލޭންޑްގެ ފުރަތަމަ ލަނޑު ޖެހި ގްރަނިޓް ޒާކާ (ވ) ލަނޑު ޖެހުމަށްފަހު އުފާ ފާޅުކުރަނީއެވެ. މި މެޗު ފަހަތުން އަރައި 2-1 އިން ކާމިޔާބުކުރީ ސްވިޓްޒަލޭންޑެވެ. ގްރަނިޓް ޒާކާ ގައުމީ ޓީމަށް ޖަހައިދިން 10 ލަނޑުގެ ތެރެއިން ފަސް ލަނޑު އޭނާ ޖަހާފައިވަނީ އޭރިއާ ބޭރުންނެވެ.
ގްރޫޕް އީގެ ދެވަނަ މެޗުގައި ސްވިޓްޒަލޭންޑް އަދި ސާބިއާ ކުޅުނު މެޗުގެ ތެރެއިން ސްވިޓްޒަލޭންޑް މެޗުން މޮޅުވި ލަނޑު ޖެހުމަށްފަހު ޝަގީރީ އުފާފާޅުކުރަނީއެވެ. މި މެޗު 2-1 އިން ކާމިޔާބުކުރީ ސްވިޓްޒަލޭންޑް ކަމަށްވާއިރު އެޓީމު މެޗުން މޮޅުވި ލަނޑު ޝަގީރީ ޖެހީ މެޗުގެ އެންމެ ފަހު މިނެޓުގައެވެ. މިއީ މިއަހަރުގެ ވާރލްޑް ކަޕްގައި ފަހަތުން އަރައި ޓީމެއް މެޗަކުން މޮޅުވި ފުރަތަމަ ފަހަރެވެ.
ގްރޫޕް އީގެ ދެވަނަ މެޗުގައި ސްވިޓްޒަލޭންޑް އަދި ސާބިއާ ކުޅުނު މެޗުގެ ތެރެއިން ސާބިއާގެ އެލެކްޒެންޑަރ މިޓްރޮވިޗް (ކ) ލަނޑު ޖެހުމަށްފަހު އުފާފާޅުކުރަނީއެވެ. މިޓްރޮވިޗް ލަނޑު ޖެހި ނަމަވެސް ސާބިއާ ވަނީ 2-1 އިން ބަލިވެފައެވެ. މި ލަނޑަކީ އެންމެފަހުން ގައުމީ ޓީމަށް ކުޅުނު 18 މެޗުގައި މިޓްރޮވިޗް ޖެހި 15 ވަނަ ލަނޑެވެ.
ގްރޫޕް އީގެ ދެވަނަ މެޗުގައި ސްވިޓްޒަލޭންޑް އަދި ސާބިއާ ކުޅުނު މެޗުގެ ތެރެއިން ސާބިއާގެ ޑޫސާން ޓަޑީޗް ހުރަހެއް ނެގުމަށް ތައްޔާރުވަނީއެވެ. މި މެޗުގައި 2-1 އިން ސާބިއާ ވަނީ ބަލިވެފައެވެ. އެޓީމުން ޖެހި ލަނޑު ޖެހުމަށް އެހީތެރިވެދިނީ ޓަޑިޗްއެވެ. މިއީ މިއަހަރުގެ ވާރލްޑް ކަޕްގައި ފަހަތުން އަރައި ޓީމެއް މެޗަކުން މޮޅުވި ފުރަތަމަ ފަހަރެވެ.