ފީފާ ވާރލްޑް ކަޕް 2018 - މެޗް ޑޭ 4
ފީފާ ވާރލްޑް ކަޕް 2018- މެޗް ޑޭ 4 ގައި ތިން މެޗް ކުޅެވިފައިވާއިރު މިއަދު ވަނީ ގްރޫޕް ޖީގެ ދެ މެޗާއި ގްރޫޕް އެފްގެ އެއް މެޗް ކުޅެފައިއެވެ. ގްރޫޕް އެފްގެ މެޗުގައި މިމުބާރާތް 2002 ވަނަ އަހަރު ބޭއްވި ސައުތު ކޮރެއާ ވަނީ 1-0 ގެ ނަތީޖާއަކުން ސްވިޑެން އަތުން ބަލިވެފައެވެ. ގްރޫޕް ޖީގެ ފުރަތަމަ މެޗުގައި ބެލްޖިއަމްއިން ވަނީ 3-0 ވާރލްޑް ކަޕްގައި އަލަށް ވާދަކުރާ ޕެނަމާ ބަލިކޮށްފައެވެ. ހަމައެހެންމެ މި މުބާރާތް 1966 ވަނަ އަހަރު ކާމިޔާބުކުރި އިނގިރޭސިވިލާތް ވަނީ އެފްރިކާގެ ގައުމެއް ކަމަށްވާ ޓިއުނީޝިއާގެ މައްޗަށް 2-1 ގެ ނަތީޖާއަކުން ކުރި ހޯދާފައެވެ. ސްވިޑެންގެ މެޗު ނިޒްހިނީ ނޮވްގޯރޑް ސްޓޭޑިއަމްގައި ކުޅުނުއިރު ބެލްޖިއަމް ކުޅުނު މެޗު ކުޅެފައިވަނީ ފިޝްޓް އޮލިމްޕިކް ސްޓޭޑިއަމްގައެވެ. ހަމައެހެންމެ އިނގިރޭސިވިލާތް ކުޅުނު މެޗު ކުޅެފައިވަނީ ވޮޮލްގޮގްރަޑް އެރީނާގައެވެ. ވާރލްޑް ކަޕްގެ ކުޅުން ރަޝިއާގެ 11 ސިޓީއެއްގައި ހުންނަ 12 ސްޓޭޑިއަމެއްގައި އަންނަ ޖުލައި މަހުގެ 15 ވަނަ ދުވަހާ ހަމަޔަށް ކުރިޔަށްދާނެއެވެ.
ފީފާ ވާރލްޑް ކަޕްގް ގްރޫޕް ޖީގައި އިނގިރޭސިވިލާތާއި ޓިއުނީޝީއާ ކުޅުނު މެޗުގެ ތެރެއިން އިނގިރޭސިން ފޮނުވާލި ހަމަލާއެއް ޓިއުނީޝިއާގެ ކީޕަރު މުއާޒް ހަސަން ދިފާއުކުރަނީ. މި މެޗުގެ 15 ވަނަ މިނެޓުގައި އަނިޔާވުމުގެ ސަބަބުން އޭނާ ވަނީ ދަނޑުން ބާލާފައި. މި މެޗު 2-1 ގެ ނަތީޖާއަކުން ކާމިޔާބުކުރީ އިނގިރޭސިވިލާތް
ފީފާ ވާރލްޑް ކަޕްގް ގްރޫޕް ޖީގައި އިނގިރޭސިވިލާތާއި ޓިއުނީޝީއާ ކުޅުނު މެޗުގެ ތެރެއިން އިނގިރޭސިވިލާތުގެ ޑިފެންޑަރު ޖޯން ސްޓޯންސްއަށް ޓިއުނީޝިއާގެ ކުޅުންތެރިޔަކު ޓެކަލްއެއް ޖަހަނީ. މި މެޗު 2-1 ގެ ނަތީޖާއަކުން ކާމިޔާބުކުރީ އިނގިރޭސިވިލާތް
ފީފާ ވާރލްޑް ކަޕްގް ގްރޫޕް ޖީގައި އިނގިރޭސިވިލާތާއި ޓިއުނީޝީއާ ކުޅުނު މެޗުގެ ތެރެއިން އިނގިރޭސިވިލާތުގެ ކައިލް ވޯކަރ ބޯލުން ޖަހާއިރު އޭނާއެއެކު ޓިއުނީޝިއާގެ ކެޕްޓަން ބޯޅައަށް މަސައްކަތްކުރަނީ. މި މެޗުގައި ވޯކަރ ގެ ސަބަބުން ޓިއުނީޝިއާއަށް ޕެނަލްޓީއެއް ލިބުނު ނަމަވެސް އެޓީމަށް މެޗު ކާމިޔާބުކުރެވިފައެއް ނުވޭ. މި މެޗު 2-1 ގެ ނަތީޖާއަކުން ކާމިޔާބުކުރީ އިނގިރޭސިވިލާތް
ފީފާ ވާރލްޑް ކަޕްގް ގްރޫޕް ޖީގައި އިނގިރޭސިވިލާތާއި ޓިއުނީޝީއާ ކުޅުނު މެޗުގެ ތެރެއިން އިނގިރޭސިވިލާތުގެ ޖޯން ސްޓޯންސް ހަމަލާއެއް ފޮނުވާލަނީ. މިމެޗުގެ ކުރިން މި ދެ ޓީމު ވާރލްޑް ކަޕެއްގައި ކުޅުނު 1998 ވަނަ އަހަރު ފްރާންސްގައި ބޭއްވި ވާރލްޑް ކަޕްގައި.
ފީފާ ވާރލްޑް ކަޕްގް ގްރޫޕް ޖީގައި ޕެނަމާ އަދި ބެލްޖިއަމް ބައްދަލުކުރި މެޗުގެ ތެރެއިން ބެލްޖިއަމްގެ ޑްރައިސް މާޓެންސް އަތުން ބޯޅަ ހޯދުމަށް ޕެނަމާގެ ދެ ކުޅުންތެރިން މަސައްކަތްކުރަނީ. މިއީ ވާރލްޑް ކަޕްގެ ތާރީހުގައި ވެސް ޕެނަމާ ކުޅުނު ފުރަތަމަ މެޗަށްވާއިރު މި މެޗުން އެގައުމު ބަލިވީ 3-0 ގެ ނަތީޖާއަކުން
ފީފާ ވާރލްޑް ކަޕްގް ގްރޫޕް ޖީގައި ޕެނަމާ އަދި ބެލްޖިއަމް ބައްދަލުކުރި މެޗުގެ ތެރެއިން ބެލްޖިއަމްގެ ކެވިން ޑެބްރައިން އަދި ޕެނަމާގެ ކުޅުންތެރިޔަކު ބޯޅަ ހޯދުމަށް މަސައްކަތްކުރަނީ. މި މެޗުގައި ޑެބްރައިން މޮޅު ކުޅުމެއް ދެއްކިއިރު އޭނާ ވަނީ އެއް ލަނޑު ޖެހުމަށް އެހީތެރިވެދީފައި. މި މެޗު 3-0 ގެ ނަތީޖާއަކުން ކާމިޔާބުކުރީ ބެލްޖިއަމް.
ފީފާ ވާރލްޑް ކަޕްގް ގްރޫޕް ޖީގައި ޕެނަމާ އަދި ބެލްޖިއަމް ބައްދަލުކުރި މެޗުގެ ތެރެއިން ބެލްޖިއަމްގެ ޔަނިކް ފެރެއިރާ ކަރާސްކޯ އަތުން ބޯޅަ ހޯދުމަށް ޕެނަމާގެ ކުޅުންތެރިޔަކު މަސައްކަތްކުރަނީ. ބެލްޖިއަމް އެންމެފަހުން ކުޅުނު 20 މެޗުގެ ތެރެއިން އެޓީމު އެއްވެސް މެޗަކުން ބަލިވެފައެއް ނުވޭ. މި މެޗު ވެސް އެޓީމުން ވަނީ 3-0 އިން ކާމިޔާބުކޮށްފައި.
ފީފާ ވާރލްޑް ކަޕްގް ގްރޫޕް ޖީގައި ޕެނަމާ އަދި ބެލްޖިއަމް ބައްދަލުކުރި މެޗުގެ ތެރެއިން ޑްރައިސް މާޓެންސް ޖެހި ލަނޑު ޕެނަމާގެ ގޯލުގެ ތެރެއަށް ވަންނަނީ. މާޓެންސް ބެލްޖިއަމްއަށް އެންމެފަހުން ލަނޑު ޖެހި 12 މެޗުގައި ވެސް އެ ޓީމު ވަނީ މޮޅުވެފައި. މި މެޗު ވެސް އެޓީމުން ވަނީ 3-0 އިން ކާމިޔާބުކޮށްފައި.
ފީފާ ވާރލްޑް ކަޕްގެ ގްރޫޕް އެފްގައި ސްވިޑެން އަދި ސައުތު ކޮރެއާ ކުޅުނު މެޗުގެ ތެރެއިން. މި މެޗު 1-0 އިން ކާމިޔާބުކުރީ ސްވިޑެން. މި މެޗު ވެގެންދިޔައީ 1958 ވަނަ އަހަރުގެ ފަހުން ވާރލްޑް ކަޕްގެ ގްރޫޕް ފިޔަވަހީގެ ފުރަތަމަ މެޗުން ސްވިޑެން މޮޅުވި ފުރަތަމަ މެޗަށް.
ފީފާ ވާރލްޑް ކަޕްގެ ގްރޫޕް އެފްގައި ސްވިޑެން އަދި ސައުތު ކޮރެއާ ކުޅުނު މެޗުގެ ތެރެއިން. މި މެޗު 1-0 އިން ކާމިޔާބުކުރީ ސްވިޑެން. މި މެޗު ވެގެންދިޔައީ 1998 ވަނަ އަހަރުގެ ވާރލްޑް ކަޕްގެ ފަހުން ގްރޫޕް ފިޔަވަހީގައި ކުޅުނު ފުރަތަމަ މެޗަކުން ސައުތު ކޮރެއާ ބަލިވި ފުރަތަމަ މެޗަށް.
ފީފާ ވާރލްޑް ކަޕްގެ ގްރޫޕް އެފްގައި ސްވިޑެން އަދި ސައުތު ކޮރެއާ ކުޅުނު މެޗުގެ ތެރެއިން ސްވިޑެންގެ ސެބެސްޓިއަން ލާސަން ބޯޅަ ހޯދުމަށް މަސައްކަތްކުރަނީ. މި މެޗު 1-0 އިން ސްވިޑެން ކާމިޔާބުކުރިއިރު މިއީ އެގައުމު ކުޅޭ 12 ވަނަ ވާރލްޑް ކަޕް.
ފީފާ ވާރލްޑް ކަޕްގެ ގްރޫޕް އެފްގައި ސްވިޑެން އަދި ސައުތު ކޮރެއާ ކުޅުނު މެޗުގެ ތެރެއިން ސްވިޑެންގެ ލަނޑު ޖެހުމަށްފަހު އެގައުމުގެ ޑިފެންޑަރު އަންދްރެއާސް ގްރަންކަވިސްޓް އުފާފާޅުކުރަނީ. އޭނާ މި ލަނޑު ޖެހީ ލިބުނު ޕެނަލްޓީއަކުން. މި ޕެނަލްޓީއަކީ 2002 ވަނަ އަހަރުގެ ވާރލްޑް ކަޕްގައި ނައިޖީރިއާ ކޮޅަށް ހެންރިކް ލާސަން ޕެނަލްޓީއަކުން ލަނޑު ޖެހިފަހުން ސްވިޑެންގެ ކުޅުންތެރިޔަކު ވާރލްޑް ކަޕްގައި ޖެހި ފުރަތަމަ ޕެނަލްޓީ. މި މެޗު 1-0 އިން ކާމިޔާބުކުރީ ސްވިޑެން.