'ލޫޓުވައިފި، ލޫޓުވައިފި' ބޮޑު އެއްވުން

"ލޫޓުވައިފި ލޫޓުވައިފި" މުޒާހަރާ އާއި ގުޅިގެން ވިލިމާލެ ދާއިރާގެ ޕީއެންސީ މެންބަރު މުހައްމަދު އިސްމާއިލް ގެ އިންޒާރެއް މީރޭގެ އެއްވުމުގައި ބައިވެރިވާ ރައްޔިތުންނަށް ދީފި އެވެ.

ކޮންގްރެސް ރީޓުވީޓްސް ކިޔާ ގުރޫޕެއްގައި މުހައްމަދު އިސްމާއިލް ކުރި މެސެޖެއްގައި ވިދާޅުވީ "އެމްޑީޕީގެ ގައްދާރުންތަކަށް މިރޭ ހޭ އަރުވާލަންވާނެ" މިހެންނެވެ.

މުހައްމަދު އިސްމާއިލް އާއި ޕީއެންސީގެ އިތުރު އެހެން މެންބަރުން ހިމެނޭ އެ ގުރޫޕަކީ ޖުމުލަ 195 މީހުން ހިމެނޭ ގުރޫޕެކެވެ.

ނަސަންދުރާ ކުރިމަތީގައި ޓްރެފިކް ބާރު ބޮޑުވެ، ފުލުހުން ޓްރެފިކް ބަލަހައްޓަން ފަށައިފިއެވެ. އިތުރު ފުލުހުން ދަނީ އެ ސަރަހައްދުގައި ހަރަކާތްތެރިވަމުންނެވެ.

ޓްރެފިކް ބާރު ބޮޑުވަނީ މިރޭ އޮންނަ އެއްވުމަށް މާލެ އަރާ މީހުންގެ އަދަދު އިތުރުވުމާއި ގުޅިގެންނެވެ.

"ލޫޓުވައިފި ލޫޓުވައިފި" މުޒާހަރާއަށް މަހިބަދޫގެ ރައްޔިތުން ފުރައިގެން މާލެ ދިއުމަށް ދަތުރުފަށައިފި އެވެ. ބޮޑު އެއްވުން އޮންނާނީ މިރޭ 8:30 ގައި އަރޓިފިޝިއަލް ބީޗުގަ އެވެ.

މީގެ އިތުރުން އަތޮޅުތަކުގެ އިތުރު އެހެން ރައްރަށުގެ ރައްޔިތުން ވެސް މާލެ ޖަމާވާން ވަނީ ފަށައިފަ އެވެ.

ސުލްޙަވެރި ސިޔާސީ ޙަރަކާތަކީ އަސާސީ ޙައްޤެއްް ކަމަށާއި، އެކަމަށް މާލޭގެ މަގުތަކާއި ޢާންމު ޖާގަތައް ވަނީ ހުޅުވިގެން ކަމަށް މާލެ ސިޓީގެ ގަލޮޅު އުތުރު ދާއިރާގެ ކައުންސިލަރ ސައިފް ފާތިހު ވިދާޅުވެއްޖެއެވެ.

އެކްސްގައި ކުރި ޕޯސްޓެއްގައި ވިދާޅުވީ ވެރިކަންކުރާ ޕާޓީގެ ވެރިންނާއި ސަލާމަތީ ބާރުތައް ކެނޑިނޭޅި ބިރުދައްކަމުން ދާ ދިއުމަކީ އެޙައްޤަށް ހުރަސްއެޅުން ކަމަށެވެ. އަދި ބިރުދެއްކުމާއި އިންޒާރުތައް ހުއްޓާލަން ކައުންސިލް މެންބަރެއްގެ ޙައިސިއްޔަތުން ވަނީ ގޮވާލާފައެވެ.

ސޯޝަލް މީޑިއާގައި ފުލުހުން ކުރި ޕޯސްޓެއްގައި ބުނެފައިވަނީ "ފުލުހުން ކުރިއަށްގެންދާ އޮޕަރޭޝަނަކާ ގުޅިގެން މިއަދާއި މިރޭގެ އެކި ވަގުތުތަކުގައި އާންމު ޓްރެފިކަށާއި ހިނގާ މީހުންނަށް މާލޭގެ އެކި ސަރަހައްދުތައް ބަންދުކުރެވޭނެ ވާހަކަ ދަންނަވަން. މިކަމުގައި ރައްޔިތުންގެ ފުރިހަމަ އެއްބާރުލުމާއި އެހީތެރިކަމަށް އެދެން. އަދި މިކަމުގެ ސަބަބުން ރައްޔިތުންނަށްް ދިމާވެދާނެ އެންމެހައި ދަތިތަކަށް ނިހާޔަތަށް މާފަށް އެދެން" ކަމަށެވެ.

"ލޫޓުވައިފި ލޫޓުވައިފި" ގެ ނަމުގައި އެމްޑީޕީން ބާއްވާ ބޮޑު އެއްވުމަށް ލޯންޗުތަކުގައާއި ވައިގެ މަގުންވެސް މީހުން ދަނީ މާލެ އަށް ޖަމާވަމުންނެވެ.

"ލޫޓުވައިފި ލޫޓުވައިފި" މުޒާހަރާއަށް އާރޓިފިޝިއަލް ބީޗު ތައްޔާރު ކުރުމުގެ މަސައްކަތް ދަނީ ކުރަމުންނެވެ. ބުރާސްފަތި ދުވަހުގެ ރޭވެސް އަދި މިވަގުތުވެސް އެސަރަހައްދުގައި ގިނަ އަދަދެއްގެ ބަޔަކު ދަނީ ހަރަކާތްތެރިވަމުންނެވެ.

އެމްޑީޕީން ހުކުރު ދުވަހުގެ ރޭ އާރޓިފިޝިއަލް ބީޗުގައި ބާއްވާ ބޮޑު އެއްވުމަށް ރާއްޖޭގެ އެކި ކަންކޮޅުތަކުން ރައްޔިތުން މާލެ ޖަމާވާން ފަށައިފި އެވެ.

"ލޫޓުވައިފި ލޫޓުވައިފި" ގެ ނަމުގައި އެމްޑީޕީން ބާއްވާ ބޮޑު އެއްވުމަށް ލޯންޗުތަކުގައާއި ވައިގެ މަގުންވެސް މީހުން މާލެ އަންނަން ދަތުރު ފަށާފައިވާކަމަށް މައުލޫމާތު ލިބެ އެވެ.

އޭގެ އިތުރުން ބުރާސްފަތި ދުވާހާއި ހުކުރު ދުވަހުގެ މެންދުރާ ހަމައަށްވެސް ގިނަ ބަޔަކު މާލެ އަރާފައިވާއިރު އެމީހުން މާލެ އަރާފައި ވަނީ އެމްޑީޕީގެ ދިދަވެސް ހިފައިގެންނެވެ. އަދި މިހާރުވެސް ގިނަ އަދަދެއްގެ ލޯންޗުތައް މާލެ އައުމަށް ވަނީ ދަތުރު ފަށައިފަ އެވެ. ގިނަ ބަޔަކު މާލެއަށް ދަތުރު ފަށާފައިވާއިރު، ކަނޑުދަތުރުކުރާ އުޅަނދުތައް ބަލައިފާސްކުރަން ސިފައިން ހާއްސަ އޮޕަރޭޝަނެއް ވަނީ ފަށާފަ އެވެ.

ލޯންޗުތަކާއި ބޯޓުތައް އަދި ދުރު ސަރަހައްދުތަކުން ވައިގެ މަގުން މާލެއަށް މީހުން ދަތުރުކުރާ ފޮޓޯތަކާއި ވީޑިއޯތައް ސޯޝަލް މީޑިއާގައި ދަނީ ދައުރުވަމުންނެވެ. އޭގެތެރޭގައި ރާއްޖޭގެ ދެކުނާއި އުތުރު އަދި މެދު ރާއްޖެތެރޭގެ ސަރަހައްދުތަކުން ދަތުރުކުރާ މީހުން ހިމެނެ އެވެ.

އެޗްޑީސީ އިން އެކްސް ގައި ކުރި ޕޯސްޓެއްގައި ބުނެފައިވަނީ ހުޅުމާލެ ފޭސް 1 ގެ ބީޗް ސަރަހައްދުގެ ޗެނެލް ޕާކު ސަރަހައްދުގައި މިޔުޒިކް ޝޯވ ދެނީ "ޓޫ އޮފް އަސް" އިން ކަމަށެވެ. ޝޯވ ފަށަން ހަމަޖައްސާފައިވާ ގަޑިއަކީ ރޭގަނޑު 8:45 އެއް ކަމަށް ވެސް ބުނެފައިވެއެވެ.

ލޫޓުވައިފި،ލޫޓުވައިފި ބޮޑު އެއްވުމަށް ކުރެންދޫ ޓީމު މާލެ އަންނަން ފުރައިފިއެވެ. ކުރެންދޫން ވާހަކަ ދެއްކި ފަރާތަކުން ބުނީ އެ ރަށުން ގިނަ އަދަދެއްގެ ބަޔަކު މި އެއްވުމުގައި ބައިވެރިވާނެ ކަމަށެވެ.

އެމްޑީޕީ އިން ބާއްވާ އެއްވުމާއި ގުޅިގެން ހަމަނުޖެހުން ހިނގައިފާނެ ކަމަށް ބެލެވޭތީ ކަމަށް ބުނެ އަނިޔާ ވެގެން ގެންނަ ފަރާތްތަކަށް ފަރުވާ ދިނުމަށް އައިޖީއެމްއެޗްގެ އީއާރު ތައްޔާރީ ހާލަތަކަށް ގެންނަކަން އިއުލާންކޮށް މުވައްޒަފުންނަށް އެކަން އަންގައިފިއެވެ.

އަދި ލެވެލް މަތިކުރަން ޖެހިއްޖެނަމަ އެކަންވެސް އަންގާނެ ކަމަށް ޑިޕާޓްމަންޓްތަކަށް ފޮނުވި މެސެޖުގައި ބުނެފައިވެއެވެ.

އެމްޑީޕީ އިން ބާއްވާ އެއްވުމާއި ގުޅިގެން ފުލުހުންގެ އެލަރޓް ލެވެލް މަތިކުރަންޖެހިދާނެ ކަމަށް އަންގާ ތައްޔާރީ ހާލަތުގައި ތިބުމަށް ފުލުހުންނަށް އަންގައިފިއެވެ.

https://raajje.mv/171398

ލޫޓުވައިފ، ލޫޓުވައިފި މުޒާހަރާ އަށް ހައްދުން މަތިން މާލެ އަންނަ ޓީމުތައް ބުރާސްފަތި ދުވަހު ހަވީރު އެ އަތޮޅުން ފުރައިފިއެވެ.

ގާލާ ޑިނަރ އަކާ އެކު އޮންނަ މި ދަތުރުގައި ފުރުމަށް ހަމަ ޖެހިފައިވަނީ ހުކުރު ދުވަހު މެންދުރު ފަހު 1:30 ހާ އިރު ކަމަށް މައުލޫމާތު ލިބިފައިވެއެވެ.

އިދިކޮޅު އެމްޑީޕީން އިސް ނަގައިގެން ހުކުރު ދުވަހުގެ ރޭ ބާއްވާ މުޒާހަރާގައި ރަސްމީކޮށް ބައިވެރިވާނެކަން އަދާލަތު ޕާޓީން އިއުލާނުކޮށްފި އެވެ.

އޮކްޓޯބަރު 3 ވާ ހުކުރު ދުވަހުގެ ރޭ އާޓިފިޝަލް ބީޗުން ފެށުމަށް ހަމަޖެހިފައިވާ "ލޫޓުވައިފި ލޫޓުވައިފި" އެއްވުމަށް ހުރަސް އެޅުމަށް ދިވެހި ފުލުހުންގެ ހިދުމަތުން ނެރެފައިވަނީ ދޮގު ތުހުމަތުތަކެއްގެ މައްޗަށް ބިނާކޮށްފައިވާ ބަޔާނެއް ކަމަށާއި އެއްވުމަށް ހުރަސް ނޭޅުމަށް އެމްޑީޕީ އިން ފުލުހުންނަށް ގޮވާލައިފި އެވެ.

ހުކުރު ދުވަހުގެ ރޭ އާޓިފިޝަލް ބީޗުގައި ބާއްވާ ބޮޑު އެއްވުމަށް ދައުވަތު ދިނުމުގެ ގޮތުން މާލޭގައި ބުދަ ދުވަހު ހަވީރު އެމްޑީޕީ އިން ސައިކަލު ބުރެއް ބާއްވައިފިއެވެ.

ފުލުހުންގެ އޮޕަރޭޝަނަލް ރެޑިނަސް ބެލުމުގެ ގޮތުން ކުރިއަށް ގެންދާ ސިލްސިލާ އެކްސަސައިޒްތަކުގެ ތެރެއިން އެކްސަސައިޒްތަކެއް 2025 އޮކްޓޫބަރު 1 އަދި 2 ވަނަ ދުވަހު މާލެއާއި ހުޅުޅުމާލޭގައި ކުރިއަށްދާނެ ކަމަށް ފުލުހުން ބުނެފި.

ލޫޓުވައިފި، ލޫޓުވައިފި ބޮޑު އެއްވުމަށް ވަގުތު ކުޑަތަންވެފައި ވަނިކޮށް ފުލުހުންގެ ރަޔަޓު ގިޔަރުގައި މާލެސިޓީ މަގުތަކައް ނުކުމެއްޖެެ

އަންނަ މަހުގެ 3 ވަނަ ދުވަހު މާލޭގައި "ލޫޓުވައިފި، ލޫޓުވައިފި" ނަމުގައި ބޮޑު ހަރަކާތެއް ބޭއްވުމަށް އެމްޑީޕީން ވަނީ ނިންމާފައެވެ.