ކޮވިޑް-19: އެންމެ ފަހުގެ

16,605,835
  • ކޮވިޑް-19: ވައިރަސްގައި 178 ޤައުމަކުން 10،000 މަރު
  • އައިލެންޑް ސަފާރީން ކޮވިޑް-19އަށް ޕޮޒިޓިވްވި މީހަކު ދަރުމަވަންތަ ހޮސްޕިޓަލަށް ބަދަލުކުރަނީ
  • ކޮވިޑް-19: ލޮކްޑައުން މުއްދަތުގައި ވިސާ ހަމަވެފައިވާ ދިވެހިންނަށް މެލޭޝިޔާއިން ފުރައިގެން ދެވޭނެ
 
Writer Profile Picture
ޒިހްނަތު ހަސަން
ކޮވިޑް-19: ވައިރަސްގައި 178 ޤައުމަކުން 10،000 މަރު

ކޮވިޑް19- ގެ އެންމެ ފަހުގެ ޑޭޓާއަށް ބަލާލާއިރު، ދުނިޔޭގެ 178 ޤައުމަކަށް މިހާރު ވަނީ ވައިރަސް ފޯރާފައެވެ. އެންމެ ފަހުގެ ތަފާސް ހިސާބުތަކަށް ބަލާއިރު:

* ވައިރަސް ޖެހުނު މީހުންގެ އަދަދު:244,097

* ވައިރަސްޖެހި މަރުވީ މީހުންގެ އަދަދު:10,005

* ފަރުވާ ހޯދައިގެން ރަނގަޅުވީ މީހުންގެ އަދަދު:86,714

* ފަރުވާ ހޯދަމުންދާ މީހުންގެ އަދަދު:147,378

20 މާރޗް 2020 | ހުކުރު 02:38
Writer Profile Picture
އަމްނާ އިމާދު
އައިލެންޑް ސަފާރީން ކޮވިޑް-19އަށް ޕޮޒިޓިވްވި މީހަކު ދަރުމަވަންތަ ހޮސްޕިޓަލަށް ބަދަލުކުރަނީ
20 މާރޗް 2020 | ހުކުރު 00:29
Writer Profile Picture
ޒިހްނަތު ހަސަން
ކޮވިޑް-19: ލޮކްޑައުން މުއްދަތުގައި ވިސާ ހަމަވެފައިވާ ދިވެހިންނަށް މެލޭޝިޔާއިން ފުރައިގެން ދެވޭނެ

މެލޭޝިޔާގައި ހުންނަ ދިވެހި ރާއްޖޭގެ ހައިކޮމިޝަނުން ބުނެފައިވަނީ، މެލޭޝިޔާ ސަރުކާރުން އިޢުލާންކޮށްފައިވާ "ލޮކްޑައުން" މުއްދަތުގެ ތެރޭގައި، އެޤައުމުގައި ދިރިއުޅެމުންދާ ދިވެހިންނަަށް މުއްދަތު ހަމަނުވާ ޕާސްޕޯޓެއް އޮތްނަމަ މެލޭޝިޔާއިން ފުރޭނެކަމަށް، އެކޮމިޝަނަށް އަންގާފައިވާކަމަށެވެ.

20 މާރޗް 2020 | ހުކުރު 00:19
Writer Profile Picture
ޒިހްނަތު ހަސަން
ކޮވިޑް-19: ވައިރަސްއަށް ޝައްކުކުރެވޭތީ، އެކުއެޓަރ ސަފާރީ ގައި ހުރި ދިވެއްސަކު ޓެސްޓުކުރަނީ

ރައްކާތެރިކަމުގެ ގޮތުން ޢަމަލު ކުރަމުންދާ އުޞޫލުގެ ދަށުން، ކޮވިޑް19އަށް ޝައްކުކުރެވޭ އަލާމާތްތައް ހުރެގެން އެކުއެޓަރ ސަފާރީ ގައި ހުރި ދިވެއްސެއްގެ ސާމްޕަލް ނަގާ ޓެސްޓްކުރުމުގެ މަސައްކަތް ކުރިޔަށްދާކަމަށް ހެލްތު ޕްރޮޓެކްޝަން އޭޖެންސީން ބުނެފިއެވެ. އަދި ޓެސްޓްގެ ނަތީޖާ ލިބެންދެން އެއުޅަނދު މޮނިޓަރިންގްއަށް ލެވިފައިވާކަމަށްވެސް އެޗްޕީއޭއިން ބުނެއެވެ.

20 މާރޗް 2020 | ހުކުރު 00:10
Writer Profile Picture
ޒިހްނަތު ހަސަން
ކޮވިޑް-19: ވައިރަސް ފެނުނު ޗައިނާއަށްވުރެ ގިނަ މީހުން އިޓަލީއިން ވައިރަސްގައި މަރުވެއްޖެ

ކޮވިޑް-19 ޖެހިގެން އިޓަލީވިލާތުން މަރުވީ މީހުންގެ އަދަދު 3،405 އަށް އަރައިފިއެވެ.

މިއީ މި ވައިރަސް ފުރަތަމަ ފެނުނު ޗައިނާއިން މަރުވެގެން ރެކޯޑް ކުރި 3،245 އަށް ވުރެ، އިތުރު އަދަދެކެވެ. ފާއިތުވެދިޔަ 24 ގަޑިއިރުގެ ތެރޭގައި އެކަނިވެސް އިޓަލީވިލާތުން 427 މީހަކު ވަނީ މަރުވެފައެވެ.

އިޓަލީވިލާތުން ޖުމްލަ 41،035 ކޭސްއެއް ވަނީ ރެކޯޑްކޮށްފައެވެ. އަދި އާބާދީގެ ކޮންމެ އެއް މިލިއަން މީހުންގެ ތެރެއިން 679 މީހުންނަށް ވައިރަސް ވަނީ ޖެހިފައެވެ. މިއީ މުޅި ދުނިޔެއަށް ބަލާއިރު ރެކޯޑް އަދަދެކެވެ.

މާހިރުން ގަބޫލުކުރާ ގޮތުގައި، އިޓަލީވިލާތުން ކޮވިޑް-19 އަށް ޕޮޒިޓިވްވެފައިވާ މީހުންގެ އަދަދު މިހާރު ހުރި އަދަދުތަކަށް ވުރެ ވެސް ގިނަވާނެއެވެ. މި ވަގުތު އިޓަލީވިލާތުގައި ޓެސްޓް ކުރެވެމުން ދަނީ ހަމައެކަނި ވައިރަސްގެ އަލާމާތްތައް ފެނިގެން ހޮސްޕިޓަލަށް އަންނަ ފަރާތްތައް އެކަންޏެވެ.

20 މާރޗް 2020 | ހުކުރު 00:03
Writer Profile Picture
ޒިހްނަތު ހަސަން
ކޮވިޑް-19: ކާބޯތަކެތީގެ ޚިދުމަތް ދޭ ތަންތަނުގައި ޝީޝާ ބުއިމާއި ޝީޝާގެ ޚިދުމަތް ދިނުން މަނާކޮށްފި

ދިވެހިރާއްޖޭގައި ހިންގާ ކެފޭތަކާއި، ރެސްޓޯރަންޓްތަކާއި، ކާބޯތަކެތީގެ ޚިދުމަތް ދޭ އެހެނިހެން ތަންތަނުގައި ޝީޝާ ބުއިމާއި ޝީޝާގެ ޚިދުމަތް ދިނުން މަނާކޮށްފިއެވެ.

މިއީ، ރާއްޖޭގައި ކޮވިޑް-19 ކޮންޓްރޯލްކުރުމަށް ކުރަމުންދާ މަސައްކަތުގައި، ޢާންމު ރައްޔިތުންގެ ޞިއްޙަތާއި ރައްކާތެރިކަމަށްޓަކައި ޢާންމު ޞިއްޙަތުގެ ޤާނޫނުގެ ދަށުން، އެޅި ފިޔަވަޅެކެވެ.

19 މާރޗް 2020 | ބުރާސްފަތި 23:55
Writer Profile Picture
ޒިހްނަތު ހަސަން
ޞިއްޙީ ނުރައްކަލުގެ ޙާލަތު ނިމެންދެން "މަޑިސީލަ" ޕްރޮގުރާމް ހުއްޓާލަން އަންގައިފި

ޢާންމު ޞިއްޙަތުގެ ކުއްލި ނުރައްކަލުގެ ޙާލަތު ނިމެންދެން ޗެނެލް 13 އިން ދައްކަމުން އަންނަ "މަޑިސީލަ" ޕްރޮގުރާމް ހުއްޓާލަން އަންގައިފިއެވެ.

19 މާރޗް 2020 | ބުރާސްފަތި 23:45
Writer Profile Picture
ޒިހްނަތު ހަސަން
މުސާރަ ލިބޭގޮތައް ޔުނިވަރސަލްގެ މުވައްޒަފުންނަށް 3 މަހުގެ ޗުއްޓީއެއް ދީފި

މުސާރައާއި ރޯދަ އިނާޔަތް އަދި މިމަހުގެ ސަރވިސް ޗާޖް ލިބޭ ގޮތަށް ޔުނިވަރސަލްގެ ރިސޯޓް މުވައްޒަފުންނަށް 3 މަހުގެ ޕޭ ލީވް އެކުންފުނިން ދޭން ނިންމައިފިއެވެ. ޔުނިވަރސަލްއިން ނެރުނު ނޫސްބަޔާނުގައި ބުނެފައިވަނި އެއްވެސް އުނިކުރުމެއް ނެތި ހުރިހާ މުވައްޒިފުންނަށް ޤާނޫނުގައި ވާގޮތުގެ މަތިން މުސާރަ ދޭނެކަމަށެވެ.

ޔުނިވަރސަލް އިން ޢާންމު ކުރި ބަޔާން
19 މާރޗް 2020 | ބުރާސްފަތި 23:37
Writer Profile Picture
ޒިހްނަތު ހަސަން
މާލެ، ހުޅުމާލެ، އަދި ވިލިގިލީގައި ތިބި ރައްޔިތުން މާދަމާ ގޭގައި ކުރާނީ 4 ރަކުޢަތުގެ މެންދުރު ނަމާދެއް: އިސްލާމިކް މިނިސްޓްރީ

މިނިސްޓްރީ އޮފް އިސްލާމިކް އެފެއަރޒުން ބުނީ، ހުކުރު ، ޢީދު، ކޭތަ، އިސްތިސްޤާ ނަމާދު ފަދަ ޝިޢާރުތައް ޤާއިމުކުރުމަކީ ޝަރީޢަތުގައި ޙާކިމާއާ މަތިކުރެވިގެންވާ ޒިންމާއެއްކަމަށެބެ. އަދި ކޮވިޑް-19 ގެ ބަލިމަޑުކަމާއި ގުޅިގެން، އެމިނިސްޓްރީން ނެރެފައިވާ ސަރކިއުލާގުޅިގެން މާލެ، ހުޅުމާލެ، އަދި ވިލިގިލީގައި ތިބި ރައްޔިތުން މާރޗް 20 ވާ ހުކުރު ދުވަހު ގޭގައި ކުރާނީ 4 ރަކުޢަތުގެ މެންދުރު ނަމާދެއްކަމަށް އެމިނިސްޓްރީން ބުނެއެވެ.

19 މާރޗް 2020 | ބުރާސްފަތި 22:41
Writer Profile Picture
ޒިހްނަތު ހަސަން
މެލޭޝިޔާގައި ދިރިއުޅޭ އަދި މިވަގުތު ތިބި ދިވެހިންގެ ސަމާލުކަމަށް

19 މާރިޗު 2020 މުޅި ދުނިޔޭގައި ކޮވިޑް-19 ހަލުވިކަމާއެކު ފެތުރެމުން އަންނާތީ، 18 މާރިޗު 2020 އިން 31 މާރިޗު 2020 އަށް މެލޭޝިޔާ ސަރުކާރުން ކުރިއަށް ގެންދާ "މޫވްމަންޓް ކޮންޓްރޯލް އޯޑަރ" ގެ ދަށުން، އެ ޤައުމުގައި ތިއްބާ ވިސާގެ މުއްދަތު ހަމަވާ ބިދޭސީންނަށް، މުއްދަތު ހަމަނުވާ ޕާސްޕޯޓެއް އޮތްނަމަ، ސްޕެޝަލް ޕާސް އަކާ ނުލާ ފުރޭނެކަމަށް އެ ޤައުމުން ވަނީ އަންގާފައެވެ.

އެހެންކަމުން، މިވަގުތު މެލޭޝިޔާގައި ތިބި ދިވެހިން މިކަމަށް ސަމާލުވުމަށާއި، އަދި މި ފިޔަވަޅުތަކަށް ބަދަލުއައުން އެކަށީގެންވުމާއެކު، ދަތުރުކުރުމުގެ ކުރިން މައުލޫމާތު ސާފުކުރުމަށް ފޮރިން މިނިސްޓްރީން ވަނީ އެދިފައެވެ. މީގެ އިތުރުން، މި ދަނޑިވަޅުގައި ކޮންމެހެން ކުރަންޖެހޭ ދަތުރުތައް ފިޔަވައި، އެހެން ދަތުރުތައް ނުކުރުމަށް ފޮރިން މިނިސްޓްރީން ވަނީ އިލްތިމާސްކޮށްފައެވެ.

އަދި މެލޭޝިޔާގައި މި ވަގުތު ދިރިއުޅެމުންދާ ދިވެހި ރައްޔިތުން އެޤައުމުގެ ސަރުކާރުގެ ނިންމުންތަކާއި އެންގުންތަކަށް ސަމާލުވުމަށްވެސް ފޮރިން މިނިސްޓްރީން ވަނީ އިލްތިމާސްކޮށްފައެވެ.

19 މާރޗް 2020 | ބުރާސްފަތި 22:38
Writer Profile Picture
ޒިހްނަތު ހަސަން
އިންޑިއާއަށް ދަތުރުކުރާ އަދި އިންޑިއާގައި ދިރިއުޅޭ ދިވެހިންގެ ސަމާލުކަމަށް

19 މާރިޗު 2020 މުޅި ދުނިޔޭގައި ކޯވިޑް-19 ހަލުވިކަމާއެކު ފެތުރެމުން އަންނާތީ، އިންޑިއާ ސަރުކާރުން ވަނީ މި ބަލި އިތުރަށް ފެތުރުނަނުދިމަށްޓަކައި، މި މަހުގެ 22 ން 29 އަށް (އިންޑިއާ ގަޑިން 0530 އިން ފެށިގެން)، ފަސިންޖަރުން ގޮވައިގެން ދަތުރުކުރާ ބައިނަލްއަޤްވާމީ ކޮމާޝަލް އެއާލައިންތަކުގެ ދަތުރުތައް ވަގުތީގޮތުން ހުއްޓާލަން ނިންމާފައެވެ. އެހެންކަމުން، މި ދުވަސްތަކުގައި އިންޑިއާއަށް ދަތުރުކުރަން ގަސްދުކުރާ ދިވެހިން މިކަމަށް ސަމާލުވުވެ، އަދި މި ފިޔަވަޅުތަކަށް ބަދަލުއައުން އެކަށީގެންވުމާއެކު، ދަތުރުކުރުމުގެ ކުރިން މައުލޫމާތު ސާފުކުރުމަށް ފޮރިން މިނިސްޓްރީން ވަނީ އިލްތިމާސްކޮށްފައެވެ. މީގެ އިތުރުން، މި ދަނޑިވަޅުގައި ކޮންމެހެން ކުރަންޖެހޭ ދަތުރުތައް ފިޔަވައި، އެހެން ދަތުރުތައް ނުކުރުމަށާއި، އަދި އިންޑިއާގައި މި ވަގުތު ދިރިއުޅެމުންދާ ދިވެހި ރައްޔިތުން އެޤައުމުގެ ސަރުކާރުގެ ނިންމުންތަކާއި އެންގުންތަކަށް ސަމާލުވުމަށްވެސް ފޮރިން މިނިސްޓްރީން ވަނީ އިލްތިމާސްކޮށްފައެވެ.

އަދި ރާއްޖޭން ބޭރަށް ދަތުރުކުރާ ދިވެހި ރައްޔިތުންނާއި ރާއްޖޭން ބޭރުގައި ދިރިއުޅޭ ދިވެހި ރައްޔިތުން، އެ މިނިސްޓްރީގައާއި އެންމެ ކައިރީގައި ހުންނަ ރާއްޖޭގެ ޑިޕްލޮމެޓިކް މިޝަންގައި ރެޖިސްޓަރ ކުރުމަށްވެސް ވަނީ އިލްތިމާސްކޮށްފައެވެ. އެގޮތުން، އިންޑިއާއަށް ދަތުރުކުރާ، އަދި އެ ޤައުމުގައި ދިރިއުޅޭ ދިވެހި ރައްޔިތުން އިންޑިއާގައި ހުންނަ ދިވެހިރާއްޖޭގެ ހައި ކޮމިޝަން ނުވަތަ ތިރުވަނަންތަޕޫރަމްގައި ހުންނަ ދިވެހިރާއްޖޭގެ ކޮންސުލޭޓް ޖެނެރަލްގައި ރެޖިސްޓަރ ކުރުމަށް ފޮރިން މިނިސްޓްރީން ވަނީ އެދިފައެވެ. ހަމައެހެންމެ، ރާއްޖޭން ބޭރަށް ދަތުރުކުރާ ދިވެހިން ޓްރެވަލް އިންޝުއަރެންސް ހޯދުމަކީވެސް، ޚާއްޞަކޮށް މި ދުވަސްވަރު ވަރަށް ބޭނުންތެރި ކަމެއްކަމުގެ ގޮތުގައި މި މިނިސްޓްރީން ވަނީ ފާހަގަކޮށްފައެވެ.

19 މާރޗް 2020 | ބުރާސްފަތި 22:35
Writer Profile Picture
ޒިހްނަތު ހަސަން
އޮސްޓްރޭލިއާގައި ދިރިއުޅޭ އަދި އެ ޤައުމަށް ދަތުރުކުރާ ދިވެހިންގެ ސަމާލުކަމަށް

19 މާރިޗު 2020 މުޅި ދުނިޔޭގައި ކޯވިޑް-19 ހަލުވިކަމާއެކު ފެތުރެމުން އަންނާތީ، އޮސްޓްރޭލިއާގެ ސަރުކާރުން ވަނީ އެ ޤައުމުގެ ރައްޔިތުން ފިޔަވައި، އެހެން ފަރާތްތަކުން އެ ޤައުމަށް އެތެރެވުން 20 މާރިޗު 2020 (އޮސްޓްރޭލިއާ އީސްޓަން ސްޓެންޑަޑް ޓައިމްއިން ރޭގަނޑު 9 ން ފެށިގެން) މަނާކޮށްފައެވެ.

އޮސްޓްރޭލިއާގެ ރައްޔިތުންނާއި، ދާއިމީ ރައްވެހިންނާއި، އެމީހުންގެ ގާތް އާއިލީ ބޭފުޅުން (ފުރަތަމަ ދަރަޖައިގެ އާއިލީ ގުޅުން އޮންނަ ބޭފުޅުން) އޮސްޓްރޭލިއާއަށް އެތެރެވުމަށްފަހު، 14 ދުވަހު ގޭގައި ހޯމް އައިސޮލޭޝަންގައި ތިބެން ޖެހޭނެކަމަށްވެސް އިއުލާނުކޮށްފައިވެއެވެ. އެހެންކަމުން، މި ދުވަސްތަކުގެ ތެރޭގައި އޮސްޓްރޭލިއާގައި ދިރިއުޅޭ އަދި އޮސްޓްރޭލިއާއަށް ދަތުރުކުރުމަށް ގަސްދުކުރާ ދިވެހިން މިކަމަށް ސަމާލުވުމަށް ދިވެހި ޚާރިޖިއްޔާއިން ވަނީ އިލްތިމާސްކޮށްފައެވެ. އަދި މި ފިޔަވަޅުތަކަށް ބަދަލުއައުން އެކަށީގެންވުމާއެކު، ދަތުރުކުރުމުގެ ކުރިން މައުލޫމާތު ސާފުކުރުމަށްވެސް އެދެމެވެ.

މީގެ އިތުރުން، މި ދަނޑިވަޅުގައި ކޮންމެހެން ކުރަންޖެހޭ ދަތުރުތައް ފިޔަވައި، އެހެން ދަތުރުތައް ނުކުރުމަށް އިލްތިމާސްކުރަމެވެ. އަދި އޮސްޓްރޭލިއާގައި މި ވަގުތު ދިރިއުޅެމުންދާ ދިވެހި ރައްޔިތުން އެޤައުމުގެ ސަރުކާރުގެ ނިންމުންތަކާއި އެންގުންތަކަށް ސަމާލުވުމަށްވެސް އިލްތިމާސްކުރަމެވެ. އަދި ރާއްޖޭން ބޭރަށް ދަތުރުކުރާ ދިވެހި ރައްޔިތުންނާއި ރާއްޖޭން ބޭރުގައި ދިރިއުޅޭ ދިވެހި ރައްޔިތުން، މި މިނިސްޓްރީގައާއި އެންމެ ކައިރީގައި ހުންނަ ރާއްޖޭގެ ޑިޕްލޮމެޓިކް މިޝަންގައި ރެޖިސްޓަރ ކުރުމަށްވެސް އިލްތިމާސްކުރަމެވެ. އެގޮތުން، އޮސްޓްރޭލިއާއަށް ދަތުރުކުރާ ދިވެހި ރައްޔިތުންނާއި އޮސްޓްރޭލިއާގައި ދިރިއުޅޭ ދިވެހި ރައްޔިތުން ސިންގަޕޫރުގައި ހުންނަ ދިވެހިރާއްޖޭގެ ހައި ކޮމިޝަންގައި ރެޖިސްޓަރ ކުރުމަށްވެސް މިނިސްޓްރީން ވަނީ އެދިފައެވެ. ހަމައެހެންމެ، ރާއްޖޭން ބޭރަށް ދަތުރުކުރާ ދިވެހިން ޓްރެވަލް އިންޝުއަރެންސް ހޯދުމަކީވެސް، ޚާއްޞަކޮށް މި ދުވަސްވަރު ވަރަށް ބޭނުންތެރި ކަމެއްކަމުގައި މި މިނިސްޓްރީއިން ވަނީ ފާހަގަކޮށްފައެވެ.

19 މާރޗް 2020 | ބުރާސްފަތި 22:33
Writer Profile Picture
އަޒްލިފާ އަބްދުﷲ
އައިސޮލޭޝަން އަދި ކަރަންޓީނުގައި ތިބި ފަރާތްތައް

ވިލިވަރުގައި 25 މީހެއް

އެޗްއައިއެޗް ގައި 75 މީހެއް

ފަރުކޮޅުފުށީގައި މީހަކު ނެތް

ޑީއެޗް 11 ގައި އެޑްމިޓްކޮށްފައި 2 މީހެއް

ވެލިދޫ އައިސޮލޭޝަންގައި 16 މީހެއް

ފަން އައިލެންޑްގައި ކަރަންޓީނުކޮށްފައި 51 މީހެއް

މީގެ އިތުރުން ޓެސްޓް ކުރެވިފައިވާ ސާމްޕަލްތަކުގެ ތެރެއިން 506 ސާމްޕަލް ވަނީ ނެގެޓިވް ވެފައި ކަމަށާއި

ޕެންޑިންގައި 11 ސާމްޕަލް އެއް ހުރި ކަމަށް މަބްރޫކް ވިދާޅުވިއެވެ.

19 މާރޗް 2020 | ބުރާސްފަތި 21:43
Writer Profile Picture
އަޒްލިފާ އަބްދުﷲ
މާލެ ތެރެއަށް ބޭހެއް ޖަހުމަށް އެންމެން ގޭގައި މަޑުކުރަން ދެކެވޭ ވާހަކަ އަކީ ހަޤީގަތާއި ޚިލާފް ވާހަކަތަކެއް: މަބްރޫކް

މާލެ ތެރެއަށް ބޭހެއް ޖަހަން މިރޭ ބަންދު ކުރާ ކަމަށާއި މިކަމާއި ގުޅިގެން އެންމެން ގޭގައި މަޑުކުރުމަށް ސޯޝަލް މީޑިއާގައި ދެކެވޭ ވާހަކަ މަބްރޫކް ދޮގުކުރައްވައިފިއެވެ. މަބްރޫކް ވިދާޅުވީ އެއީ ސްރީލަންކާގައި މިވަގުތު ދެކެވޭ ވާހަކައެއް ކަމަށާއި އެއީ ރާއްޖޭގައި ދެކެވޭ ވާހަކަ އެއް ނޫން ކަމަށެވެ.

19 މާރޗް 2020 | ބުރާސްފަތި 21:36
Writer Profile Picture
އަޒްލިފާ އަބްދުﷲ
ކޯވިޑް-19: ކަރަންޓީން އަދި އައިސޮލޭޝަންގައި ތިބި ފަރާތްތަކަށް އާއިލާ ތަކުން ތަކެތި ފޮނުވުމުގެ އިންތިޒާމް ވަނީ ހަމަޖެހިފައި

ބޭރުގައުމުތަކުން ރާއްޖެ އައި މީހުންގެ ތެރެއިން ކަރަންޓީން އަދި އައިސޮލޭޝަންގައި ތިބި ފަރާތްތަކަށް އެފަރާތްތަކުގެ އާއިލާ ތަކުން ތަކެތި ފޮނުވުމުގެ އިންތިޒާމް ވަނީ ހަމަޖެހިފައި ކަމަށާއި އެ ތަކެތި ބަލައިގަތުމަށް ހަަމަޖެހިފައިވަނީ ހެނދުނު 9:00 އިން 11:00 އަށެވެ. އެކަމަށް ކަނޑައަޅާފައިވާ ހޮޓް ލައިން ނަމްބަރަކީ 7290223 އެވެ. ހެނދުނު 9:00 އިން ރެގަނޑު 23:00 އަށް މި ނަމްބަރު އެކްޓިވް ވާނެ ކަމަށް މަބްރޫކް ވިދާޅުވިއެވެ. ހުކުރު ދުވަހު މެންދުރު ފަހު 14:30 އިން ރޭގަނޑު 23:00 އަށެވެ.

19 މާރޗް 2020 | ބުރާސްފަތި 21:31
Writer Profile Picture
އަޒްލިފާ އަބްދުﷲ
ކޯވިޑް-19: ހޮލިޑޭ ވިލެޖް (ބޮޑު ފުޅަދޫ) މޮނިޓަރިންގެ ހާލަތުގައި

ހޮލިޑޭ ވިލެޖް ( ބޮޑު ފުޅަދޫ) އެއް ބިދޭސީއެއް ކޮވިޑް-19 ގެ އަލާމާތްތައް ފެނިގެން ރިސޯޓްވަނީ މޮނިޓަރިންގެ ހާލަތުގައި ކަމަށާއި ޑޮކްޓަރުންގެ ޓީމެއް ދަރުތު ކުރަމުންދާ ކަމަށް ކޯވިޑް- 19 ގެ ތަރުޖަމާނު މަބްރޫކް އަޒީޒް ވަނީ ވިދާޅުވެފައެވެ.

އީކުއޭޓަރ ސަފާރީން އެއް ދިވެއްސެއް ބަލީގެ އަލާމާތްތައް ހުރިކަމަށް ރިޕޯޓްކޮށްފައިވާތީ އެސަފާރީވެސް ވަނީ މޮނިޓަރިންގެ ހާލަތަށް ގެނެވިފައި ކަމަށާއި ޑޮކްޓަރުންގެ ޓީމެއް ދަތުރުކުރަމުންދާ ކަމަށް މަބްރޫކް ވިދާޅުވިއެވެ.

19 މާރޗް 2020 | ބުރާސްފަތި 21:23
Writer Profile Picture
އަޒްލިފާ އަބްދުﷲ
ކޯވިޑް-19: އައިލެންޑް ސަފާރީ އޮތީ މޮނިޓަރިންގެ ހާލަތުގައި

އައިލެންޑް ސަފާރޯ އޮތީ އަދިވެސް މޮނިޓަރިންގެ ހާލަތުގައި ކަމަށް ކޯވިޑް-19 އާ ގުޅިގެން އުފައްދާފައިވާ ޓާސްކްޕޯސްގެ ތަރުޖަމާނު މަބްރޫކް އަޒީޒު ވިދާޅުވިއެވެ.

މީގެ އިތުރުން މައި ސްކައި އޮތީ ކަރަންޓީން ކުރެވިފައި ކަމަށް މަބްރޫކް ވިދާޅުވިއެވެ. ޕެރަޑައިސް އައިލެންޑް ރިސޯޓްވެސް އޮތީ މޮނިޓަރިންގައި ކަމަށް މަބްރޫކް ވިދާޅުވިއެވެ. އައިސޮލޭޝަންގައި ތިބި ފަރާތްތައް އެކަހެހެރި ކުރުމަށްފަހު ޝެވަލް ބްލޮންކް ރަންދެލި ވަނީ އާންމު ހާލަތަށް ގެނެވިފައި ކަމަށް މަބްރޫކް ވިދާޅުވިއެވެ.

19 މާރޗް 2020 | ބުރާސްފަތި 21:17
Writer Profile Picture
ޙުސައިން މަޚްތޫމް
ފިލިޕީންސްގައި "އެންހޭންސްޑް ކޮމިއުނިޓީ ކަރަންޓީން" ގެ ހާލަތު އިއުލާންކުރުމާއި ގުޅިގެން ދިވެހިން ސަމާލުވުމަށް އެދިއްޖެ

މުޅި ދުނިޔޭގައި ކޯވިޑް-19 ހަލުވިކަމާއެކު ފެތުރެމުން އަންނާތީ، ފިލިޕީންސްގެ ސަރުކާރުން އަޅަމުންގެންދާ ފިޔަވަޅުތައް އިތުރަށް ހަރުދަނާކުރުމުގެ ގޮތުން، 17 މާރިޗު 2020 ވަނަ ދުވަހުގެ ރޭ 00:00 އިން 13 އޭޕްރިލް 2020 ވަނަ ދުވަހުގެ ރޭ 00:00 އަށް، އެ ޤައުމުގައި "އެންހޭންސްޑް ކޮމިއުނިޓީ ކަރަންޓީން" ގެ ހާލަތު ވަނީ އިއުލާންކޮށްފައެވެ. މި މުއްދަތުގެ ތެރޭގައި އެ ޤައުމުން ފުރާ ފަރާތްތައް ފިޔަވައި، އެހެން ފަރާތްތަކަށް އަންނަނިވި ކަންތައްތައް މަނާކުރަން ވަނީ ނިންމާފައެވެ.

1) މިހާރު އޮތް ވިސާ އެހެން ކެޓެގަރީއެއްގެ ވިސާ އަކަށް ބަދަލުކުރުން.

2) ފިލިޕީންސްގެ ރައްޔިތަކަށް ވުމަށްޓަކައި ސިޓިޒަންޝިޕް އެޕްލިކޭޝަނެއް ހުށަހެޅުން.

3) ޓޫރިސްޓް ވިސާގެ މުއްދަތު އިތުރުކުރުމަށް ހުށަހެޅުން.

4) ހާއްސަ ވަރކް ޕަރމިޓަކަށް އެދުން.

މީގެ އިތުރުން، މަތީގައި ބަޔާންކޮށްފައިވާ "އެންހޭންސްޑް ކޮމިއުނިޓީ ކަރަންޓީން" ހާލަތުގެ މުއްދަތުގެ ތެރޭގައި އެއްވެސް ފަރާތެއްގެ ވިސާ ހަމަވެއްޖެނަމަ، "އެންހޭންސްޑް ކޮމިއުނިޓީ ކަރަންޓީން" ހާލަތުގެ މުއްދަތު ހަމަވުމުގެ ފަހުން، 30 ދުވަހުގެ ތެރޭގައި އެ ފަރާތެއްގެ ވިސާގެ މުއްދަތު އިތުރުކުރަން ހުށަހެޅޭނެކަމަށް ވަނީ އަންގާފައެވެ.

ވީމާ، މި ދުވަސްތަކުގެ ތެރޭގައި ފިލިޕީންސްގައި ދިރިއުޅޭ އަދި މިވަގުތު ތިބި ދިވެހިން މިކަމަށް ސަމާލުވުމަށް އެދެމެވެ. އަދި މި ފިޔަވަޅުތަކަށް ބަދަލުއައުން އެކަށީގެންވުމާއެކު، ދަތުރުކުރުމުގެ ކުރިން މައުލޫމާތު ސާފުކުރުމަށްވެސް އެދެމެވެ.

މީގެ އިތުރުން، މި ދަނޑިވަޅުގައި ކޮންމެހެން ކުރަންޖެހޭ ދަތުރުތައް ފިޔަވައި، އެހެން ދަތުރުތައް ނުކުރުމަށް އިލްތިމާސްކުރަމެވެ. އަދި ފިލިޕީންސްގައި މި ވަގުތު ދިރިއުޅެމުންދާ ދިވެހި ރައްޔިތުން އެޤައުމުގެ ސަރުކާރުގެ ނިންމުންތަކާއި އެންގުންތަކަށް ސަމާލުވުމަށްވެސް އިލްތިމާސްކުރަމެވެ.

އަދި ރާއްޖޭން ބޭރަށް ދަތުރުކުރާ ދިވެހި ރައްޔިތުންނާއި ރާއްޖޭން ބޭރުގައި ދިރިއުޅޭ ދިވެހި ރައްޔިތުން، މި މިނިސްޓްރީގައާއި އެންމެ ކައިރީގައި ހުންނަ ރާއްޖޭގެ ޑިޕްލޮމެޓިކް މިޝަންގައި ރެޖިސްޓަރ ކުރުމަށްވެސް އިލްތިމާސްކުރަމެވެ. އެގޮތުން، ފިލިޕީންސްއަށް ދަތުރުކުރާ ދިވެހި ރައްޔިތުންނާއި ފިލިޕީންސްގައި ދިރިއުޅޭ ދިވެހި ރައްޔިތުން ބަންގްލަޑޭޝްގައި ހުންނަ ދިވެހިރާއްޖޭގެ ހައި ކޮމިޝަންގައި ރެޖިސްޓަރ ކުރުމަށް އެދެމެވެ.

ހަމައެހެންމެ، ރާއްޖޭން ބޭރަށް ދަތުރުކުރާ ދިވެހިން ޓްރެވަލް އިންޝުއަރެންސް ހޯދުމަކީވެސް، ޚާއްޞަކޮށް މި ދުވަސްވަރު ވަރަށް ބޭނުންތެރި ކަމެއްކަމުގައި ފޮރިން މިނިސްޓްރީއިން ފާހަގަކުރަމެވެ.

19 މާރޗް 2020 | ބުރާސްފަތި 20:21
Writer Profile Picture
އާއިޝަތު ޝިއުރާ
ރިޒޯޓްތަކުގައި ޤާއިމުކޮށްފައިވާ ސްޕާތައް ފިޔަވައި ދިވެހިރާއްޖޭގައި ހިންގާ އެހެނިހެން ސްޕާތައް ބަންދު ކުރުމަށް ނިންމައިފި

ރިޒޯޓްތަކުގައި ޤާއިމުކޮށްފައިވާ ސްޕާތައް ފިޔަވައި ދިވެހިރާއްޖޭގައި ހިންގާ އެހެނިހެން ސްޕާތައް ބަންދު ކުރުމަށް އެޗްޕީއޭއިން ނިންމައިފި އެވެ. އެޗްޕީއޭއިން ނެރެފައިވާ ބަޔާނެއްގައި ބުނެފައިވަނީ މަރޗް މަހުގެ 19 ވަނަ ދުވަހުގެ ރޭ 12:00 އިން ފެށިގެން މިނިންމުމަށް އަމަލުކުރަމުންދާނެ ކަމަށެވެ.

19 މާރޗް 2020 | ބުރާސްފަތި 20:04
Writer Profile Picture
އާއިޝަތު ޝިއުރާ
އެހެން ޤައުމަކުން ފުރާ ޔޮޓާއި ސަފާރީ ފަދަ އުޅަނދު ރާއްޖެ އައުމާއި ރާއްޖޭގެ އެއްވެސް ރަށެއްގައި ބަނދަރުކުރުން މަނާކޮށްފި

އެހެން ޤައުމަކުން ފުރާ ޔޮޓާއި ސަފާރީ ފަދަ އުޅަނދު ރާއްޖެ އައުމާއި ރާއްޖޭގެ އެއްވެސް ރަށެއްގައި ބަނދަރުކުރުން މަނާކަމެއް ކަމަށް އެޗްޕީއޭއިން ހާމަކޮށްފި އެވެ. އެކަން ހާމަކޮށް އެޗްޕީއޭއިން ނެރުނު ބަޔާނެއްގައި ބުނެފައިވަނީ މަރޗް މަހުގެ 19 ވަނަ ދުވަހުގެ 12:00 އިން ފެށިގެން ބަނދަރުކުރުން އެއީ މަނާކަމެއް ކަމަށެވެ.

19 މާރޗް 2020 | ބުރާސްފަތި 20:02
Writer Profile Picture
ޙުސައިން މަޚްތޫމް
ކޮވިޑް-19 ޖެހިގެން ރަޝިއާގައި ފުރަތަމަ ފަހަރަށް މީހަކު މަރުވެއްޖެ

ރަޝިއާއިން ބުނެފައިވަނީ ކޮވިޑް-19 ޖެހިގެން މަރުވެފައިވަނީ 79 އަހަރުގެ އަންހެނެއް ކަމަށް.

19 މާރޗް 2020 | ބުރާސްފަތި 19:48
Writer Profile Picture
ޙުސައިން މަޚްތޫމް
ކޮވިޑް-19 ޖެހިގެން ސްޕެއިންގައި މަރުވި މީހުންގެ އަދަދު 767 އަށް

މިއަދު އެކަނި ސްޕެއިން ވަނީ 209 މީހުން މަރުވެފައިވާކަން ހާމަކޮށްފައި. އަދި މިއާއެކު މިހާތަނަށް 767 މީހަކު މި ބަލީގައި އެގައުމުން ވަނީ މަރުވެފައި.

19 މާރޗް 2020 | ބުރާސްފަތި 19:46
Writer Profile Picture
އިސްމާޢީލް ޝާހް
ކޮވިޑް-19: އައިލެންޑާސް ފުޓްސަލް ޗެލެންޖު ފަސްކޮށްފި

މެދުރާއްޖެ ތެރޭގައި ބާއްވާ އެންމެ ބޮޑު ފުޓްސަލް މުބާރާތް ކަމަށްވާ އައިލެންޑާސް ފުޓްސަލް ޗެލެންޖު 2020 ފަސްކުރުމަށް ނިންމައިފި އެވެ.

މުބާރާތް އިންތިޒާމުކުރާ ޓީއެފްއެމް ސްޕޯޓްސް ކްލަބުން ބުނީ މުބާރާތް ފަސްކުރީ ރާއްޖެއިން މިހާރު ފެނިފައިވާ ކޮރޯނާވައިރަސް (ކޮވިޑް-19) އާ ގުޅިގެން ދައުލަތުގެ މުއައްސަސާތަކުން އިރުޝާދު ދެއްވާފައިވާ ގޮތަށް އަމަލުކުރުމަށް ކަމަށެވެ. އަދި މި މުބާރާތް ދެން ބާއްވާނެ ތާރީޚެއް ފަހުން އިއުލާނުކުރާނެ ކަމަށްވެސް ވަނީ ބުނެފައެވެ.

19 މާރޗް 2020 | ބުރާސްފަތި 19:06
Writer Profile Picture
އިސްމާޢީލް ޝާހް
ކޮވިޑް-19: އިނގިރޭސި ޕްރިމިއާ ލީގުގެ މެޗުތައް އަނެއްކާވެސް ފަސްކޮށްފި

ކޮރޯނާވައިރަސް (ކޮވިޑް-19) ގެ ސަބަބުން އިނގިރޭސި ޕްރިމިއާ ލީގުގެ މެޗުތައް އަނެއްކާވެސް ފަސްކޮށްފި އެވެ.

މީގެ ކުރިން ލީގު މެދު ކަނޑާލާފައި އޮތީ އަންނަ އޭޕްރީލް މަހުގެ ތިންވަނަ ދުވަހުގެ ނިޔަލަށެވެ. އެކަމަކު ބުރާސްފަތި ދުވަހު ކްލަބުތަކާއެކު ބޭއްވި ކުއްލި ބައްދަލުވުމުގައި ވަނީ އޭޕްރީލް 30 ގެ ނިޔަލަށް ލީގުގެ މެޗުތައް މެދުކަނޑާލަން ނިންމާފައެވެ.

19 މާރޗް 2020 | ބުރާސްފަތި 18:32
Writer Profile Picture
އާއިޝަތު ޝިއުރާ
ރޯދަ އެލަވަންސް ކުޑަކުރުމަށް ނުވަތަ ކަނޑާލަން ނުވިސްނަން

ރޯދަ އެލަވަންސް ކުޑަކުރުމަށް ނުވަތަ ކަނޑާލުމަށް ވިސްނާފައިނުވާކަމަށް އިކޮނޮމިކް މިނިސްޓަރ ވިދާޅުވެއްޖެ އެވެ.

19 މާރޗް 2020 | ބުރާސްފަތި 18:07