ކޮވިޑް-19: އެންމެ ފަހުގެ

ކޮންޓެކްޓް ޓްރޭސިންގ ގެ މަސައްކަތް މިހާރު ކުރިއަށްދާކަމަށް މަބްރޫކު ވިދާޅުވި، އަދި އެކަމުގެ ތަފްސީލުތައް ހާމަކުރައްވާނެކަމަށް ވިދާޅުވި،

އޭނާއަކީ މިހާރު ފެނިފައިވާ ބިދޭސީ ކްލަސްޓަރއަކާ ގުޅުމެއް އޮތް މީހެއްތޯ ދަނީ ބަލަމުން، ރޭ ދަންވަރު ޓެސްޓްގެ ނަތީޖާ ލިބުނީވެސް، މިރޭ ޖަވާބެއް ދެވޭނީ އެކަމަށް،

އޭނާގެ އުމުރަކީ 33 އަހަރު،

ނިޔާވި ބިދޭސީ މީހާގެ ޓެސްޓް ހެދީ އެއްފަހަރު

އެމްބަސީގެ ފަރާތުން އާއިލާއަށް ކޮމިއުނިކޭޓް ކޮށްފައިވޭ، ރާއްޖޭގައި އެސްއޯޕީގައި އޮންނަ ގޮތަށް ވަޅުލުމުގެ ކަންކަން ކުރަން އާއިލާއިން ކޮންސެންޓް ދީފައިވޭ

ބިދޭސީ މީހާ ނިޔާވީ މިއަދު ހެނދުނު، ސިކުނޑިއަށް ލޭއެޅިފައިވޭ، ދިމާވި އެންމެ ބޮޑު މައްސަލައަކީ އެއީ، ކުޑަ ވަގުތުކޮޅެއް ލިބުނީ،

ސިކުނޑީގެ ސީޓީ ސްކޭން ހެދިއިރު ސިކުނޑިއަށް ލޭ އެޅިފައިވޭ، ބެލެވެނީ ލޭ ހޮޅިއެއް ފަޅައިގެން ގޮސް ކަމަށް އަދި ކުރިންވެސް ހުރި ބައްޔެއް ކަމަށް ބޮޑަށް ބެލެވެނީ، މިސާލަކަށް ލޭ ހޮޅިއެއް އުފެދުމުގައި ހުރި އައިބެއް ކަހަލަ ކަމެއް ކަމަށް،

-ޑޮކްޓަރުން-

ކޮވިޑް-19 ޖެހިގެން ދެ ވަނަ މީހަކު ރާއްޖެއިން ނިޔާވެއްޖެ އެވެ. ރާއްޖެ އެމްވީއަށް އިތުބާރު ހުރި މަސްދަރަކުން އިނގިފައިވަނީ ނިޔާވެފައިވަނީ ދިވެއްސެއް ނޫން ކަމެވެ. މީގެކުރިން ކޮވިޑް-19 ޖެހިގެން ނިޔާވެފައިވަނީ ދިވެއްސެކެވެ. ރޭގެ ވަގުތެއްގައި ކޮވިޑް-19 އަށް ޕޮޒިޓިވްވެފައިވާ ބަންގްލަދޭޝް މީހަކަށް ވަނީ އައިޖީއެމްއެޗްގައި ފަރުވާދޭން ފަށާފަ އެވެ.

ދަރުމަވަންތަ ހޮސްޕިޓަލުގައި އޮތް 6 މީހުންގެ ޙާލަތު

- 80 އަހަރުގެ ފިރިހެން މީހާ: އޮކްސިޖަން ދޭން ފެށިފައި

- 58 އަހަރުގެ އަންހެން މީހާ: ޙާލު ސްޓޭބަލް

- 48 އަހަރުގެ ފިރިހެން މީހާ: ޙާލު ސްޓޭބަލް

- 70 އަހަރުގެ މިހާ: އޮކްސިޖަން ދޭން ފެށިފައި

- 88 އަހަރުގެ މީހާ: ވެންޓިލޭޓަރުގައި

- އެހެން ކަމަކާ ޑޮކްޓަރަށް ދެއްކި މީހެއް- ޙާލު ސްޓޭބަލް

ލޮކްޑައުންގެ ވަގުތުގައި މަގުމަތީގައި އުޅެގެން މިހާތަނަށް 139 މީހަކު ހައްޔަރުކޮށްފައިވާއިރު، ހޯމަ ދުވަހު އެކަނިވެސް 6 މީހުން ފުލުހުންގެ ބެލުމުގެ ދަށަށް ގެންދެވިފައިވޭ

ޑެލިވަރީއަށް 6000 ޕާމީޓް، ވެހިކަލްއަށް 4000 ޕާމިޓް ދޫކޮށްފައިވޭ

އަދި ސަޕޯޓް ސްޓާފުންނަށް 5000 ޕާމިޓް ދޫކޮށްފައިވޭ

ހޯމަ ދުވަހުގެރޭ ބޭއްވި ނޫސްވެރިންގެ ބައްދަލުވުމުގައި ކޮވިޑް-19 ތަރުޖަމާނު މަބްރޫކު އަޒީޒް ވިދާޅުވީ، މިހާތަނަށް 9231 ސާމްޕަލް ނެގިފައިވާ ކަމަށާއި، އޭގެ ތެރެއިން 545 މީހެއްގެ ނަތީޖާ ޕޮޒިޓިވްވެފައިވާ ކަމަށް.

އަދި 8344 މީހެއްގެ ނަތީޖާ ނެގެޓިވްވެފައިވާއިރު، ނަތީޖާ ނުލިބިވެސް 345 ސާމްޕަލްއެއްވާކަމަށް ވިދާޅުވި

މިހާތަނަށް 4049 ކޮންޓެކްޓެއް މި ކޭސްތަކާ ގުޅިގެން ފާހަގަވެފައިވާއިރު، 234 ތަނެއް ވަނީ މޮނިޓަރިންއަށް ލެވިފައި

އައިސޮލޭޝަންގައި މިވަގުތު ތިބީ 458 މީހުން އަދި ކަރަންޓީންގައި 1759 މީހުން

"ރާއްޖޭގައި ކޯވިޑް-19 ގެ ޙާލަތު ވަޒަންކުރައްވާ ޞިއްޙީ ތަޖުރިބާކާރުން އަންދާޒާ ކުރައްވަނީ، ކުރިއަށް މިއޮތް ދެ ހަފުތާގެ ތެރޭގައި، މާލޭގައި މި ބަލީގެ ޙާލަތު، މިހާރަށް ވުރެ މައްޗަށް ދިޔުން އެކަށީގެންވާ ކަމަށް.

އެހެންވީމާ، ކުރިއަށް މިއޮތް ދެ ހަފުތާއަކީ، އަޅުގަނޑުމެން ވަރަށް ފަރުވާތެރިކަމާއި ވިސްނުންތެރިކަމާ އެކު މަސައްކަތް ކުރަންޖެހޭ ދެ ހަފުތާ. އެ ދުވަސްކޮޅުގެ ތެރޭގައި އަޅުގަނޑުމެންނަށް ކުރެވޭ މަސައްކަތްތަކުން، މި ބަލިން އަވަހަށް އަރައިގަތުމުގެ އުންމީދު ވަރަށް ބޮޑު.

މި ބައްޔަށް އިތުރު މީހުން މިވަގުތު ޕޮޒިޓިވް ވިޔަސް، މި ބަލި ފެތުރުން ހުއްޓުވުމަށް މި ކުރާ މަސައްކަތް، އިރާދަ ކުރެއްވީތީ ކޮންޓްރޯލުން ނެއްޓިގެނެއް ނުދޭ. އަޅުގަނޑުމެންގެ ޞިއްޙީ ޚިދުމަތްތެރިންގެ އުންމީދެއްވެސް ނުގެއްލޭ."

ކޮވިޑް-19 ގެ ސަބަބުން، ރާއްޖެ މިވަނީ ވަރަށް ބޮޑަށް ސިއްހީ ހިދުމަތްތެރިންނަށް ބޭނުންވެފައިވާކަމަށާއި ހިދުމަތުން ރިޓަޔަރކުރައްވައިގެން ތިއްބެވި ބޭފުުޅުންނާއި ހިދުމަތާ ދުރަށް ޖެހިވަޑައިގެން އުޅުއްވާ ބޭފުޅުންގެ އެހީތެރިކަން ބޭނުންވާކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވެއްޖެ އެވެ.

ކޮވިޑް-19 އިން ރާއްޖޭގެ އެންމެހައި ރައްޔިތުން ރައްކާތެރިކުރުމަށް، ޞިއްޙީ މާހިރުންގެ ލަފަޔާއި އިރުޝާދާއެކު، ސަރުކާރުން އަންނަނީ، ވަރަށް ގިނަ މަސައްކަތްތަކެއް ކުރަމުން ކަމަށް ރައީސް ސޯލިހު ވިދާޅުވިއެވެ. އަދި

މި މަސައްކަތުގައި ސަރުކާރުގެ އެންމެ އިސް ސިޔާސަތަކީ، ކިތަންމެ ބޮޑު ޤުރުބާނީއެއް ވެގެންވިޔަސް، ރައްޔިތުންގެ ފުރާނަ ސަލާމަތް ކުރުން ކަމަށެވެ.

ރާއްޖޭގައި ޤަވާޢިދާ ޚިލާފަށް އުޅޭ ބީދޭސީންގެ ތެރެއިން 1500 ބަންގްލަދޭޝް މީހުން ގައުމަށް ފޮނުވާލުމުގެ މަސައްކަތް ކުރިއަށް އޮތް ހަފްތާގައި ފެށިގެންދާނެ ކަމަށް ރައިސުލްޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވެއްޖެ އެވެ.

ހޯމަ ދުވަހު ގައުމާ މުޚާތަބު ކުރައްވާ ރައީސް ސޯލިހު ވިދާޅުވީ ބަންގްލަދޭޝް ސަރުކާރާ ވާހަކަ ދައްކައިގެން، އެ ޤައުމުގެ 1500 މީހަކު، ޤައުމަށް ފޮނުވައިލުމުގެ މަސައްކަތް، ކުރިއަށް އޮތް ހަފުތާގައި ފެށިގެންދާނެ ކަމަށެވެ.

ރައީސް ވިދާޅުވީ ގިނަ ޢަދަދެއްގެ ބިދޭސީންތަކެއް، ވަންނާނެ ގެދޮރެއް، އާމްދަނީ ހޯދާނެ ވަޒީފާއެއް، އަދި ރަސްމީ ލިޔެކިޔުމެއް ނެތި، ރާއްޖޭގައި އުޅެމުންދާއިރު، އެމީހުން ރާއްޖެއަށް ގެނައި ބަޔަކު ތިބޭނެ ކަމަށެވެ.

ރާއްޖެއިން ކޮވިޑް-19 ޖެހުނު މީހުންގެ އަދަދު 541 އަށް އަރައިފި އެވެ.

މިކަން އިއުލާންކުރެއްވީ، ކޮވިޑް-19 އާއި ގުޅިގެން ރާއްޖެއިން މިހާރު އަޅަމުންދާ ފިޔަވަޅުތަކާއި ބެހޭގޮތުން ގައުމާ މުހާތަބް ކުރައްވާ ވާހަކަ ދައްކަވަމުން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު އެވެ.

ރާއްޖެއިން ކޮވިޑް-19 ފެނުނު ފަހުން، އެބަލި ޖެހިފައިވާ މީހުންގެ ތެރޭގައި ހިމެނެނީ 185 ދިވެހިންނާއި 356 ބިދޭސީންނެވެ. އަދި މިހާރު އެ ބައްޔަށް ފަރުވާ ހޯދަމުން އަންނަ 523 މީހުންގެ ތެރެއިން، ވަރަށް މަދު މީހެއް ފިޔަވައި، އެންމެންގެ ހާލު ރަނގަޅުކަމަށް ރައީސް ވިދާޅުވި އެވެ.

ރަށްރަށުން އައިސް މާލޭގައި ތާށިވެފައި ތިބި މީހުންނާ ބެހޭ އުސޫލަށް ބަދަލުތަކެއް އެބައާދޭ، ކައުންސިލްތަކާ އެބަ މަޝްވަރާ ކުރޭ އަމަލުކުރަން ބޭނުންވާ ގޮތާމެދު، އަދި އުސޫލު އެކުލަވާލުމުގެ ކުރިން ކޮންމެހެން ބަލަންޖެހޭ ކަންކަން އެބަހުރި،

-މަބްރޫކް-

އެކްޓިވް ސަވައިލެންސްގެ ދަށުން ރަނގަޅަށް ކްލިއަރވެ ބެލިފައިވަނީ 7 ސައިޓް، އިތުރު ސައިޓްތައްވެސް ބެލުމުގެ މަސައްކަތް ދަނީ ކުރިއަށް، ސާމްޕަލް ނަގާ ވަރަކަށް އިތުރަށް ޕޮޒިޓިވް ވުމުގެ ފުރުސަތު އެބައޮތް، ވޭތުވެ 3 ދުވަހު މަދުން ފެނުނު ނަމަވެސް ކުއްލިއަކަށް އިތުރު ކްލަސްޓަރތަކެއް ފެނުން އެކަށީގެންވޭ

-ޑރ އަފްޒަލް -

އައިސީޔޫގައި ފަރުވާދެމުން ދިޔަ އުމުރުން ދުވަސްވީ މީހެއްގެ ޙާލު ސީރިއަސްވެ ނޭވާލާން އުނދަގޫވެ ވެންޓިލޭޓަރަށް ލެވިފައިވޭ، ހަށިގަނޑަށް އޮކްސިޖަން ލިބޭ މިންވަރު މަދު، މިއަދު މެންދުރު ވެންޓިލޭޓަރަށް ލާފައިވަނީ، މިވަގުތަށް ޙާލަތު އިތުރަށް ގޯސްވަމުންނެއް ނުދޭ،

- ޑރ މުޙައްމަދު އަލީ-

އައިސީޔޫގައި ފަރުވާދެމުން ދިޔަ އުމުރުން ދުވަސްވީ މީހެއްގެ ޙާލު ސީރިއަސްވެ ނޭވާލާން އުނދަގޫވެ ވެންޓިލޭޓަރަށް ލެވިފައިވޭ، ހަށިގަނޑަށް އޮކްސިޖަން ލިބޭ މިންވަރު މަދު، މިއަދު މެންދުރު ވެންޓިލޭޓަރަށް ލާފައިވަނީ، މިވަގުތަށް ޙާލަތު އިތުރަށް ގޯސްވަމުންނެއް ނުދޭ،

- ޑރ މުޙައްމަދު އަލީ-

މިހާތަނަށް ވިޔަފާރިތަކަށް ދޫކޮށްފައިވާ ޕާމިޓްތަކުގެ ތެރެއިން 27860 ގްރޯސަރީ ޕާމިޓެއް ވަނީ ދޫކުރެވިފައި، އަދި ވިޔަފާރި ޕާމިޓްވެސް 14،000ށް ވުރެ ގިނައިން ދޫކުރެވިފައިވޭ

ނޭޝަނަލް އިމަރޖެންސީ އޮޕަރޭޝަންސް ސެންޓަރ (އެންއީއޯސީ)ގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ކޮވިޑް-19 ޓާސްކްފޯހުގެ ތަރުޖަމާނު މަބްރޫކު އަޒީޒް ވިދާޅުވީ، ނ ކެނދިކުޅުދޫގެ މޮނިޓަރިންގެ އުވާލާފައިވާ ކަމަށް،

ނ މަނަދޫއިން ޕޮޒިޓިވްވި ކޭސްއާ ގުޅިގެން 15 މީހުން ވަނީ އެކަހެރި ކުރެވިފައި. އަދި ހޮސްޕިޓަލުގައި މީހުން ބަލާ ގަޑިވެސް ވަނީ މަދުކޮށްފައި،

ތަކަންދޫން ޕޮޒިޓިވްވި ކުއްޖާ ކަރަންޓީނަށް ގެންދިޔުމަށް މަސައްކަތްކުރާ ކަމަށާއި ކަރަންޓީނަށް ގެންދެވުނީ ޕޮޒިޓިވްވި މީހެއްގެ ކްލޯޒް ކޮންޓެކްޓެއް ކަަމަށް މަބްރޫކް ވިދާޅުވި އެވެ.

މިވަގުތު ފޯކަސް ކުރަމުންދަނީ ބަލިމަޑުކަމުން އަރައިގަތުމަށް ކަމަށާއި އެއަށްފަހު އިގްތިޞާދީ ހާލަތު ރަނގަޅު ކުރުމަށް މަސައްކަތްކުރާނެ ކަމަށް މަބްރޫކް ވިދާޅުވި އެވެ.

ބިދޭސީން ދިރިއުޅޭ ތަންތަން މިހާރުވެސް ބަލަމުންދާ ކަމަށާއި މީގައި އުނދަގޫވަނީ ރަޖިސްޓްރީކޮށްފައި ނުވާތީ ކަމަށް މަބްރޫކް ވިދާޅުވި އެވެ. ނަމަވެސް އެތަންތަން ބަލަމުންދާ ކަމަށް މަބްރޫކް ވިދާޅުވި އެވެ. ގުޅީފަޅުގައި ހުންނާނީ 674 މީހުންގެ ޖާގައިގެ ތަނެއް ނިމިފައި ހުރީ 600 ޖާގައިގެ ތަނެއް ކަމަށް މަބްރޫކް ވިދާޅުވި އެވެ.

ހުޅުމާލޭގައި ހަދަނީ އިކޮނޮމިކް މިނިސްޓްރީ އަދި ހޯމް މިނިސްޓްރީން ހަދާ ތަންތަން ކަމަށް މަބްރޫކް ވިދާޅުވި އެވެ.

މިއަދު އައު ކޮންޓެކްޓް ތަކެއް ލިބިފައިނުވާ ކަމަށް ޑރ އިބްރާހިމް އަފްޒަލް ވިދާޅުވި އެވެ.

އަމާޒު ބޯޓާ ގުޅިގެން އިތުރު 3 ކޭސް ފެނިފައިވާ ކަމަށާއި މިއީ ކްރޫންގެ އާއިލާގެ މީހުން ކަމަށް ޑރ އިބްރާހިމް އަފްޒަލް ވިދާޅުވި އެވެ.

މާލޭގައި އަތޮޅުތަކުގެ ހޮސްޕިޓަލްތަކުގެ ޑޮކްޓަރުން މިހާރު ތަމްރީން ކުރަމުންދާ ކަމަށާއި އެމީހުން ތަމްރީން ވުމަށްފަހު އަނބުރާ ރަށަށްދާނެ ކަމަށް މަބްރޫކް ވިދާޅުވި އެވެ.