10:20
ރާއްޖޭގެ މަދަނީ އަދުލުގެ ނިޒާމު ވެސް ތަހުޒީބީ ޑިމޮކްރަޓިކް މުޖުތަމައުތަކުގައި އޮންނަ ފަދަ ލުއިފަސޭހަ ހަރުދަނާ އުސޫލަކަށް ބަދަލުކުރުމަށްޓަކައި މަދަނީ އިޖުރާއަތުގެ ބިލެއް އެކުލަވާލައި މި އަހަރުތެރޭގައި މަޖިލީހަށް ހުށަހެޅުމަށް އަޅުގަނޑު ގަސްދުކުރަން. -ރައީސް
7 ފެބްރުއަރީ 2019 | ބުރާސްފަތި 10:20
10:19
އަޅުުގަނޑުމެންގެ އަންހެން ކުދިން ބޮޑެތި ކުރަން ބޭނުންވަނީ ހަމަހަމަ ފުރުސަތު ފަހިވެފައިވާ މާހައުލެއްގައި. އިޖުތިމާއީ އަދި އިގްތިސޯދީ ބައިވެރިވުމާއި މާލީ ގޮތުން ބާރުވެރިކުރުވުމާއި އިންސާފު ލިބިދިނުމުގައި ވެސް އަންހެނުންނަށް ވީތީ ހުރި ހުރަސްތައް ނައްތާލުމަށް ސަރުކާރުން ސިޔާސަތުތައް ކަނޑައަޅާނަން. ރައީސް
7 ފެބްރުއަރީ 2019 | ބުރާސްފަތި 10:19
10:18
ލާމަރުކަޒީ ގާނޫނު އިސްލާހުކޮށް، ކައުންސިލްތަކަށް އިތުރު ބާރާއި އިހްތިޔާރުތައް ލިބޭއިރު، މާލީ ބާރުވެރިކަމާއި މާލީ ފުދުންތެރިކަން ވެސް ލާމަރުކަޒީ ކުރެވިގެންދާނެ. ހަމައެއާއެކު ރަށު ތަރައްގީގައި އަންހެނުންނަށް ވެސް ހަމަހަމަ ފުރުސަތު ލިބިގެންދާނެ.- ރައީސް
7 ފެބްރުއަރީ 2019 | ބުރާސްފަތި 10:18
10:17
ހިޔާނާތުގެ މައްސަލަތަކާއި މަރުގެ މައްސަލަތައް ބެލުމުގެ ބިލް އަވަހަށް ނިންމަވައި ދެއްވުން އެދެން
ރައްޔިތުންގެ މަޖިލީހަށް 14 ބިލެއް ހުށަހަޅައި އޭގެ ތެރެއިން ރައްޔިތުންގެ މަޖިލީހުން ފާސްކުރެއްވި 10 ބިލެއް އަޅުގަނޑު މިހާރު ތަސްދީގުކޮށްފިން. އަދި ދައުލަތުގެ ފައިސާ އާއި މުދަލަށް ހިޔާނާތްތެރިވުމުގެ މައްސަލަތަކާއި ގޮތް ނޭނގޭ މަރުތަކުގެ މައްސަލަތައް ބެލުމުގެ ބިލު ވެސް ވީހާ އަވަހަކަށް ނިންމަވައި ދެއްވުމަށް އަޅުގަނޑު އެދެން. - ރައީސް
7 ފެބްރުއަރީ 2019 | ބުރާސްފަތި 10:17
10:15
ދައުލަތުގެ ގާނޫނީ އޮނިގަނޑު އިސްލާހުކުރުމުގެ މަސައްކަތުގެ ދަށުން އަޅުގަނޑު މިހާރު ވާނީ މިވަގުތަށް އެންމެ ބޭނުންތެރި ގާނޫނުތަކުގެ ދެލިކޮޕީ ރައްޔިތުންގެ މަޖިލީހަށް ފޮނުވާފައި. ނުހައްގު މުއްސަނދިކަން ހޯދައި ލިބިގަތުމާއި ކޮރަޕްޝަން ހުއްޓުވުމުގެ ފިޔަވަޅެއްގެ ގޮތުން ގާނޫނުލް އުގޫބާތަށް އެ ކުށް އިތުރުކުރުމުގެ ބިލް މިހާރު އޮންނާނީ މި އިއްޒަތްތެރި މަޖިލީހަށް ފޮނުވާފައި. ސަރުކާރުން މި ބިލް އެކުލަވާލާފައި ވަނީ ދައުލަތުގެ އިސް މަގާމުތަކުގައި ތިބޭ މީހުން، އެ ކުށްކުރާ ހާލަތުގައި ލިބޭ އަދަބުގެ ދަރަޖަ މަތިކުރެވޭ ގޮތަށް. - ރައީސް
7 ފެބްރުއަރީ 2019 | ބުރާސްފަތި 10:15
10:13
އަމާން ދިރިއުޅުމެއް ހޯދައި ދިނުމަށްޓަކައި ރައްޔިތުންނާ ގާތުން ދިވެހި ފުލުހުންގެ ޚިދުމަތް ދެވޭނެ ގޮތަށް ފުލުހުންގެ މުއައްސަސާއަށް ކޮންމެހެން ގެންނަންޖެހޭ ބަދަލުތައް މިހާރު މި އަންނަނީ ގެންނަމުން. - ރައީސް
7 ފެބްރުއަރީ 2019 | ބުރާސްފަތި 10:13
10:12
ބޭރުގެ ތަޖުރިބާކާރުންގެ ފަންނީ އެހީތެރިކަމާއެކު ތަހްގީގުތައް ފަށާފައިވާއިރު ބޭރު ގައުމުތަކުގެ އިދާރާތަކުގެ އެހީތެރިކަން މި އަންނަނީ ހޯދަމުން. ދައުލަތުގެ މުދަލާއި ފައިސާއާ ގުޅޭ ކޮރަޕްޝަނާއި ހިޔާނާތުގެ ހުރިހާ މައްސަލައެއްގެ ހަގީގަތާ ހަމައަށް ވާސިލުވެ އެ ފައިސާ ދައުލަތަށް ހޯދުމުގެ މަސައްކަތް މި އަންނަނީ ކުރަމުން.- ރައީސް
7 ފެބްރުއަރީ 2019 | ބުރާސްފަތި 10:12
10:10
އެ ހާލަތަށް ގައުމު ދިޔައިރު ކޮރަޕްޝަން ހުއްޓުވާނެ ގާނޫނުތަކާއި ގަވާއިދުތައް ނެތީއެއް ނޫން. އެފަދަ މައްސަލަތައް ތަހްގީގުކޮށް ދައުވާކުރާނެ އިދާރާތައް ވެސް ހުރީ އާންމު އުސޫލުން ހިނގަހިނގާ. ނަމަވެސް ކޮރަޕްޝަންގެ މޫތައް މުޅި ރާއްޖެއަށް ފެތުރިގެން ދިޔައީ ހިޔާނާތާއި ފަސާދައިގެން ކުރިމަތީގައި އެ މުއައްސަސާތައް ކުޑަކަކޫ ޖެހުމުން. - ރައީސް
7 ފެބްރުއަރީ 2019 | ބުރާސްފަތި 10:10
10:10
މިދިޔަ ހަތަރު އަހަރުގެ ތެރޭގައި މި އިއްޒަތްތެރި މަޖިލިސްވެސް އޮތީ ގާނޫނު އަސާސީން މި މަޖިލީހަށް ހަވާލުކޮށްފައިވާ ޒިންމާތައް އަދާކުރިޔަ ނުދީ ކަސްތޮޅު އަޅުވާފައި. އެހެންކަމުން ދުސްތޫރީ ނިޒާމުގެ ރޫފަ ހެޔޮކުރުމަށްޓަކައި ރައްޔިތުންގެ މަޖިލީހުގެ ހިންގުން މިހާރަށް ވުރެ ހަރުދަނާކުރަންޖެހޭ- ރައީސް
7 ފެބްރުއަރީ 2019 | ބުރާސްފަތި 10:10
10:07
އަޅުގަނޑު މިރާއްޖޭގެ ވެރިކަމާ ހަވާލުވީ ރާއްޖޭގެ ސިޔާސީ މަސްރަހު ވަރަށް ބޮޑަށް ހަލަބޮލިވެ، ތަޣައްޔަރުވެފައި އޮތް ދުވަސްވަރެއްގައި. އިޖުތިމާއީ ފޭރާން އޮތީ ވީދި ހަސްވެފައި. ރާއްޖޭގެ ހުރިހާ ސިޔާސީ ލީޑަރުންނާއި އިސްލާހަށް މަސައްކަތް ކުރި ގިނަ ބަޔަކު ތިބީ ނުހައްގު ހުކުމްތަކެއްގައި ކަސްތޮޅު އެޅުވިފައި- ރައީސް
7 ފެބްރުއަރީ 2019 | ބުރާސްފަތި 10:07
10:05
10:02
09:51
09:49
ރައްޔިތުންގެ މަޖިލީހުގެ ރައީސް ޤާސިމް އިބްރާހިމް ރިޔާސީ ބަޔާން އިއްވާ ޖަލްސާއަށް ވަޑައިގެންފި. އެމަނިކުފާނަށް މަޖިލީހުގެ ނައިބު ރައީސް މޫސާ މަނިކު މަރުހަބާ ދެންނެވި. ގިނަ ވަޒީރުންނާއި މަޖިލިސް މެމްބަރުންވެސް ހާޒިރުވެ ވަޑައިގެންފި.
7 ފެބްރުއަރީ 2019 | ބުރާސްފަތި 09:49
09:36
ރައްޔިތުންގެ މަޖިލީހުގެ މިއަހަރުގެ ފުރަތަމަ ދައުރުގެ ފުރަތަމަ ޖަލްސާ 10 ޖަހާއިރު ފެށޭނެ. މި ޖަލްސާގައި ރައީސުލްޖުމްހޫރިއްޔާ @ibusolih ރިޔާސީ ބަޔާން އިއްވަވާނެ. pic.twitter.com/6jzc96KX6x
— People's Majlis (@mvpeoplesmajlis) February 7, 2019
7 ފެބްރުއަރީ 2019 | ބުރާސްފަތި 09:36
09:34
09:26
09:08
09:05