މަސީހުގެ އިތުބާރު ނެތް ކަމުގެ މައްސަލަ- ސިޔާސީ މަސްރަހު

އެމްޑީޕީ އޮފީސް ހުންނަ ސަރަހައްދުގައި ގިނަ އަދަދެއްގެ އެސްއޯ ފުލުހުން ދަނީ ހަރަކާތްތެރިވަމުން، މާފަންނު ކުނޫޒް ސަރަހައްދުގައި އޮްތް ޖަލްސާ އެތަނަށް ނުވަދެވޭގޮތަށް ބަންދު ކުރުމުން ފަހުން ވަނީ އެމްޑީޕީ އޮފީސް ހުންނަ ސަރަހައްދަ ބަދަލުކުރި ނަމަވެސް މިހާރު އެސަރަހައްދުވެސް ވަނީ ފުލުހުން ވަށާލާފައި، އަދި ފުލުހުންގެ އެހެން ޑިޕާޓްމެންޓްތަކުގެ ފުލުހުން ވެސް ވަނީ ނެރެފައިއެގޮތުން ޑްރަގް އެންފޯސްމެންޓް ޑިޕާޓްމެންޓްގެ ފުލުހުންވެސް ދަނީ އެސަރަހައްދުގައި ހަރަކާތްތެރިވަމުން، އެ ސަރަހައްދުގައި އެއްވުން ބޭއްވިޔަ ނުދިނުމަށް މަސައްކަތްކުރަމުންދާފަދަ ގޮތަކަށް ފުލުހުންގެ ހަރަކާތްތައް ހުރިކަން ފާހަގަކުރެވޭ- ރިޕޯޓަރ ނާއިލް

ގާނޫނު އަސާސީގައި ބުނާގޮތުން މަޖިލިސް އިދާރާ ބެލެހެއްޓުމަކީ ފުލުހުން ކުރަން ޖެހޭކަމެއް ނޫން، ފުލުހުން ކުރަން ނުޖެހޭ ކަމެއްގައި އެހީތެރިކަން ފޯރުކޮށްދޭން ޖެހޭކަމަށް ގަބ؟ޫލެއް ނުކުރަން، ރައްޔިތުން މަޖިލިސް މާނަމި ކުރަނީ ބޭރު ހަތަރު ފާރެއް ނޫން، މަޖިލީހުގެ މެންބަރުންވެސް އޭގައި ހިމެނޭ، މީ ރައްޔިތުންގެ މަންދޫބުން، މިއަދު އަޅުގަނޑުމެންނަށް މި ކުރި ގޯނާއާއި އަނިޔާއަކީ، ބަލައިގެނެވޭނޭކަމެއް ނޫން، އެބޭފުޅުން އަމިއްލައަށް ޖެހުނު މަޅިގައިދެން އެޅޭނީ ހުސް ޅަ އެއްޗެހި، މާދަންވެސް އަޅުގަނޑުމެންނަށް އެތަނަށް ވަދެވޭނެ،މިއަދު އެ ކުރީ ގޮތް ހުސްވެގެން ހެދުނު ކޮހެއް، އބޭފުޅުްނވެސް އަމިއްލައަށް ލަދުގަނަންނާނެ، މީ އެބޭފުޅުންވެސް އުއްމީދު ކުރާކަމެއްނޫން-ނާޒިމް

ގައުމެއްގެ ގަދަރު ހިފެހެއްޓުމުގައި ކުރީ ސަފުގައި ތިއްބަވާނީ ސަލާމަތީ ބާރުތައް، މަގާމުތަކަށް ވަޑައިގަގެން އެބޭފުޅުން މިއަދު ކަން ކުރައްވާގޮތާއި މެދު ހިތާމަކުރަން ، އެބޭފުޅުންނަށް ރިޒުގު ދެއްވަނީ ރައީސް ޔާމީނެއްނޫން

އިލެކްޝަންސް ކޮމިޝަނަކީ ގާނޫނު އަސާސީ މާނަކުރަން އޮތްތަނެއްނޫން، ކީއްވެގެންތޯ ސްޕްރީމްކޯޓަށް ވަޑައި ނުގަތީ، ތާ އަބަދު އެގޮތަށް މަގާމުތަކުގައި ތިއްބެވޭނޭކަމަށް އެބޭފުޅުންނަށް ހީވުމަކީ ކުއްހީއެއް،މަގާމުގައި ދެމި ތިބެވޭނީ ރައީސް ޔާމީންގެ ބްލެސިންގައި ކަމަށް ހީވުމަކީ ކުށްހީއެއް- އަމީތު

މަޖިޅިހުގެ ގޮނޑިގެއްލިއްޖެ ކަމުގެ ބާރު ކަނޑައެޅުމުގެ ބާރު އީސީއަށް ދީގެން އޮންނަށް ސްޕްރީމް ކޯޓް ލަދު ގަންނަށް ޖެހޭނެ،ސްޕްރީމް ކޯޓުން މިއަދު އެ މައްސަލަ ބަލައިގަނެފައި ވިޔަސް އަބަހަށް މިކަމަށް ގޮތެއް ކަނަޑައަޅަން އެބަ ޖެހޭ- ނާޒިމް

މިފަދަ ގާނޫނީ އަމުރުތަކަށް ތަބާވުމް އޭގެ ގެއްލުން ލިބެނީ އާދައިގެ ވަކި ވަކި ފުލުހުންނަށް، އެގޮތަށް އަންނަ ޣައިރު ގާނޫނީ އަމުރުތަކަށް ތާބަނުވުމަށް އަޅުގަނޑުމެން މި ގޮވާލަނީ.ބޯ ކަނޑަލިޔަސް ބޯ ގުދެއް ނުކުރާނަން-އަމީތު

އަޅުގަނޑުމެންގެ ސިކުނޑީގައި މިހުރި ވިސްނުން ބަދަލެއް ނުވާނެ، ގާނޫނު ތަކަށް ބަދަލުވެސް ގެނެވޭނެ، މަޖިލީހަކުން ގޮނޑިއެއް މިގޮތަކަށް ގޮނޑިއެއް ގެއްލުވައެއް ނުލެވޭނެ- ނާޒިމް

އެއްވެސް އާއްމުންގެ މީހަކު ކުނޫޒަށް ނުވަދެވޭ، އަދި އެތަނުގެ އިދާރީ މުއައްޒަފުންނަށްވެސް ކުނޫޒަށް ނުވަދެވޭގޮތަށް ވަނީ ބަންދުކޮށްފައި-ޖޭޕީގެ ސްޕޯކްސް ޕާސަން އަލީ ސޯލިހު

މާފްންނު މެރީ ބްރައުން ހުންނަ ސަރަހައްދުގައި ހުރި ޕެލެޓްތަކެއްގައި ރޯކޮށްލާފައިވާކަމުގެ މައުލޫމާތު ވަނީ ލިބިފައި

ކުނޫޒު ހިމެނޭ ސަރަހައްދުގައި މިވަގުތު ގިނަ އަދަދެއްގެ އެސްއޯ ފުލުހުން ދަނީ ހަރަކާތްތެރިވަމުން

ގުޅިފައިވާ ޕާޓީތަކުގެ ޕާލަމެންޓްރީ ގްރޫޕްގެ ބައްދަލުވުމެއް ކުނޫޒްގައި ފަށައިފި. މި ބައްދަލުވުމަށް ފަހު ނޫސްވެރިންނަށް މައުލޫމާތު ދޭނެ

ސިފައިންނާއި ފުލުހުން ވެގެން ރައްޔިތުންގެ މަޖިލީހުން މަމްބަރުން މަޖިލީހުން ނެރެފައިވަނީ ވަރަށް ބޮޑަށް އަނިޔާ ކޮށްގެން ކަމަށް އެމްޑީޕީ ޕާލަމެންޓްރީ ގްރޫޕްގެ ލީޑަރު އިބްރާހީމް މުހައްމަދު ސޯލިހު ވިދާޅުވެއްޖެ. އިބޫ ވިދާޅުވީ މަޖިލީހުގެ މެމްބަރަކު މަޖިލީހުގެ އިދާރާއިން ނެރުމުގެ ގާނޫނީ އެއްވެސް ހަމައެއް ނެތް. މިއަދު ފުލުހުންނާއި ސިފައިން ވަނީ މަޖިލިސް މެމްބަރުންނަށް ވަރަށް ބޮޑަށް އަނިޔާކޮށްފަ.

ރައްޔިތުންގެ މަޖިލީހުގެ އިދާރާގެ ހުރިހާ މުވައްޒަފުންނެރެ، މަޖިލީހުގެ އިދާރާ ބަންދު ކޮށްފައިވާ ކަމުގެ މައުލޫމާތު ލިބިއްޖެ.

މަޖިލީހުގެ އިދާރާއަށް ވަދެ މަޖިލީހުގެ މެމްބަރުން ނެރުނީ ސިފައިންގެ އެދުމުގެ މަތިން ކަމަށް ފުލުހުންގެ ސްޕޯކްސްޕާސަން އަހުމަދު ޝިފާން ވިދާޅުވެއްޖެ. އޭގެ އިތުރު ތަފްސީލެއް އޭނާ ނުދެއްވަ.

މަޖިލީހުގެ އިދާރާއަށް ފުލުހުންވަދެ ބައެއް މެމްބަރުން ނެރުމަށްފަހު، މެމްބަރު މުހައްމަދު އަމީތު އާއި މުހައްމަދު ވަހީދު އިބްރާހީމް ފުލުހުން ހައްޔަރު ކޮށްފި.

ރައްޔިތުންގެ މަޖިލީހުގެ ބައެއް މެމްބަރުން މަޖިލީހުގެ އިދާރާއިން ބޭރުކުރުން

ރައްޔިތުންގެ މަޖިލީހުގެ އިދާރާއަށް ގިނަ އަދަދެއްގެ ސިފައިން ރައިޓްގިޔަރުގައި ވަދެއްޖެ. މެމްބަރުން ނެރުމުގައި ސިފައިންވެސް ދަނީ ހަރަކާތްތެރިވަމުން.

ރައްޔިތުންގެ މަޖިލީހުގެ އިދާރާއަށް ފުލުހުން ވަދެ މެމްބަރުން ނެރުން

މަޖިލީހުގެ އިދާރާއަށް ފުލުހުން ވަނުން

މަޖިލީހުގެ އިދާރާއަށް ފުލުހުންވަދެ މެމްބަރުން ނެރެނީ

ފުލުހުން ޕެޕެރ ސްޕްރޭ ޖެހުމާއި އަމަލުކުރި ގޮތުން ގިނަ މެމްބަރުންނަށް ވަނީ އަނިޔާ ވެފަ.

މަޖިލީހުގެ ކުރީގެ ރައީސް އަބްދުﷲ ޝަހިދާއި އީވާ އަބްދުﷲ މަޖިލީހުން ނެރެފައިވާ ކަމުގެ މައުލޫމާތު މިވަނީ ލިބިފަ.

މަޖިލީހުގެ އިދާރާއަށް ފުލުހުން ވަނުމުން މަޖިލީހުގެ އިދާރާގެ ސަލާމަތީ ކަންކަން ބަލަހައްޓާ ސިފައިން މިވަނީ ފުލުހުން މަޖިލީހުގެ އިދާރާއިން ނެރެފަ.

ރައްޔިތުންގެ މަޖިލީހުގެ އިދާރާގެ ތެރެއަށް ފުލުހުން ވަދެފައިވާ ކަމުގެ މައުލޫމާތު ލިބިފައިވާއިރު، މަޖިލީހަށް ވަދެ މެމްބަރުން ހައްޔަރުކުރުމާއި މަޖިލިސް ހިންގުމަށް ހުރަސް އެޅުމަކީ ޣައިރު ގާނޫނީ އަމަލެއް.

ގުޅިފައިވާ ސިޔާސީ ޕާޓީތަކުގެ މެމްބަރުން މަޖިލީހަށް ވަޑައިގަންނަވަނިކޮށް ފުލުހުން ހުރަސް އެޅުމާއި، ޕެޕަރ ސްޕްރޭ ޖެހުމާއި ގުޅިގެން ބައެއް މެމްބަރުންނަށް ވަނީ އެކިވަރުގެ އަނިޔާތައް ވެފަ. އެގޮތުން މިވަގުތު ކާށިދޫ ދާއިރާގެ މެމްބަރު ފައިސަލް ނަސީމަށް ފާރުވާ ދިނުމަށް އޭޑީކޭ ހޮސްޕިޓަލަށް ވަނީ ގެންދެވިފަ. ފައިސަލް ނަސީމް ވަރަށް ބޮޑަށް އަނިޔާވެފައިވާކަމުގެ މައުލޫމާތު ލިބޭ.

މަޖިލީހުގެ ބައެއް މެމްބަރުން މަޖިލީހުގެ އިދާރާއަށް ވަޑައިގަންނަވަނިކޮށް ފުލުހުން ހުރަސް އެޅުމާއި ގުޅިގެން ބައެއް މެމްބަރުން މަގުމައްޗަށް ވެއްޓީ ބައެއް މެމްބަރުންނަށް ވަނީ އަނިޔާ ވެފަ. ނަމަވެސް ފުލުހުންގެ ހުރަސްތައް ގިރާކުރުމަށްފަހު މެމްބަރުންވަނީ މަޖިލީހުގެ އިދާރާއަށް ވަދެ ވަޑައިގަންނަވާފަ.

ގުޅިފައިވާ ސިޔާސީ ޕާޓީތަކުގެ މަޖިލިސް މެމްބަރުން މަޖިލީހުގެ އިދާރާއަށް ވަދެވަޑައިގަންނަވައިފި. އަދި މިހާރު މަޖިލިސް މެމްބަރުން މަސައްކަތް ކުރައްވަމުން ގެންދަވަނީ މަޖިލީހުގެ ޖަލްސާއެއް ބޭއްވޭނެ ގޮތެއް ހޯދުމަށް.

މެމްބަރުން ރައްޔިތުންގެ މަޖިލީހުގެ ތެރެއަށް ވަދެއްޖެ. މަޖިލީސް ތެރޭގައިވެސް ޕެޕާސްޕްރޭ ޖަހާފައިވާކަމަށް މެމްބަރު ރޮޒެއިނާ ވިދާޅުވި. ރޮޒެއިނާ ވިދާޅުވީ މަޖިލީހުގެ އަމީން އާންމާއި ބައްދަލުކޮށް ޖަލްސާ ފެއްޓެވުމަށް މަސައްކަތް ކުރައްވަމުން ދާކަމަށް

ގުޅިފައިވާ ސިޔާސީ ޕާޓީތަކުގެ މެމްބަރުން މަޖިލީހަށް ވަނިކޮށް، ފުލުހުން މަގު ބަންދު ކުރުމަށްފަހު، މިހާރު ވަނީ އެ ސަރަހައްދު ދޫކޮށް ގޮސްފަ. މަޖިލިސް މެމްބަރުން މިހާރު ހިންގަވަމުން ގެންދަވަނީ މަޖިލީހާ ދިމާލަށް.

މެމްބަރު އަލީ އާޒިމް: މިސަރުކާރަކީ ކޮރަޕްޝަނާއި ވައްކަން ކުރަމުންދާ ސަރުކާރެއް ކަމަށާއި މިސަރުކާރު ހިމާޔަތް ކުރުމުގެ ބަދަލުގައި ރައްޔިތުންނާއެކު އަޚުގަނޑުމެންނާއެކު ކުރިއަށް ދިއުމަށް ގޮވާލަން. ސީލްޑްތައް ބަހައްޓާފަ އަޅުގަނޑުމެންނާއެކު ކުރިއަށް ދިއުމަށް ތަކުރާރުކޮށް ގޮވާލަން. ޣައިރު ގާނޫނީ އަމުރުތަކަށްތަބާވާ ފުލުހުންނާ މެދު ފިޔަވަޅު އަޅާނަން:

ޣައިރު ގާނޫނީ އަމުރުތަކަށް ތަބާނުވުމަށް ގުޅިފައިވާ ސިޔާސީ ޕާޓީތަކުގެ މަޖިލިސް މެމްބަރުން ދަނީ ތަކުރާރުކޮށް ގޮވާލައްވަމުން. ފުލުހުންގެ އަމަލުތައް ހުރި ގޮތުން ބައެއް އާއްމު ރައްޔިތުންނަށް ދަނީ އަނިޔާވަމުން. ޕެޕަރ ސްޕްރޭވެސް ވަނީ ޖަހާފައި.

ގުޅިފައިވާ ސިޔާސީ ޕާޓީތަކުގެ ޖޮއިންޓް ޕާލަމެންޓްރީ ގްރޫޕްގެ މެމްބަރުން މ. ކުނުޒުން ނިކުމެވަޑައިގެން މަޖިލީހަށް ވަޑައިގަންނަވަމުންދަނިކޮށް، ކުނޫޒު ސަރަހައްދުން މެމްބަރުން ހިސޯރުކޮށްފައިވާ ކަމަށް ތޮއްޑޫ ދާއިރާގެ މެމްބަރު އިބްރާހީމް ހަސަން ވިދާޅުވެއްޖެ.

މީޑިއާއަށް ނުވަދެވިއްޖެނަމަ ފޭސްބުކް ލައިވްކޮށްގެން ވެސް ރައްޔިތުންނަށް މިއަދު ހިންގާ ކަންތައްތައް ހިއްސާ ކޮށްދޭނެކަމަށް ވަނީ ވިދާޅުވެފައި

މެމްބަރުުން ކުނޫޒުން ނިކުތުމަށް އެސްއޯ ފުލުހުން ހުރަސް އަޅައިފި

މިއަދު 12:45 ގައި މަޖިލީހަށް ވަނުމަށް ދާނަން. މަސީހަށް މަޖިލީހަށް ވަދެވޭނަމަ މެމްބަރުންނަށްވެސް ވަދެވޭނެ. މިއަދު މަޖިލީހަށް ނުވަދެވޭނަމަ ގާނޫނު އަސާސީން މަޖިލީހުގެ ބާބު ފޮހެވިގެންދާނެ. މަސީހާއި ދެކޮޅަށް ވޯޓު ނުނަގާ ދެން މަޖިލީހުގައި އިތުރު މަސައްކަތެއް ނުކުރެވޭނެ. މިއަދު މަޖިލީހަށް ދާނީ ވާޖިބު އަދާކުރުމަށް. އެކަކަށްވެސް ހުރަހެއް ނޭޅޭނެ: މެމްބަރު ރޮޒެއިނާ އާދަމް

ގުޅިފައިވާ ސިޔާސީ ޕާޓީތަކުގެ ޖޮއިންޓް ޕާލަމެންޓްރީ ގްރޫޕްގެ ބައްދަލުވުމުގެ ތެރެއިން

ރައްޔިތުުންގެ މަޖިލިސް އިދާރާ އަޅާފައިވަނީ ޕާކިސްތާން ސަރުކާރުގެ އެހީގައި، މިނިވަން ދުވަސް ފާހަގަކުރުމަށް އެގައުމުގެ ބޮޑުވަޒީރު ވަޑައިގަންނަވާއިރު، މަޖިލީހުގެ އިދާރާގައި މިވަނީ ތަޅު އަޅުވައި، ސިފައިންގެ ބެލުމުގެ ދަށަށް ގެންގޮސްފައި.

ގާނޫނު ހަދާ މަޖިލީހުގައި ތަޅު އެޅުވުމާއި ގާނޫނު ހަދާ މަޖިލީހުގެ މެމްބަރުންނަށް މަޖިލީހަށް ވަޑައި ނުގެންނެވޭނެ ގޮތަށް ކަންކަން ކުރުމަކީ ކަންބޮޑުވާ ކަމެއް. މިއަށްވުރެ ބޮޑަށް ގާނޫނުއަސާސީއާ ހިލާފެއް ނުވެވޭނެ.

މިއަދަކީ ރަސްމީ ދުވަހެއް، ހަފްތާގެ ހޯމަ ދުވަސް. ގާނޫނުހަދާ މަޖިލީހުގެ ޖަލްސާތައް ބާއްވަނީ ހޯމަ ދުވަހައާއި އަންގާރަ ދުވަހުގެ އިތުރުން ބުދަ ދުވަހު.

މަޖިލީހުގައި ތަޅު އެޅުވި އޮފިސަރުންގެ ތަފްސީލު ފައިލްކުރަންޖެހޭ ކަމަށާއި އެއީ ވަރަށް ބޮޑު ކުށެއް ކަމަށް ކުރީގެ ބަންޑާރަނައިބު ދިޔާނާ ސައީދު ވިދާޅވެއްޖެ.

"ސުޕީރިއާ އޯޑާރސް" އަކީ ގާނޫނު ބަލައިގަންނަ ދިފާއެއް ނޫން ކަމަށް ދިޔާނާ ވިދާޅުވި.

ބަލިވަން ފެށީމައި ބޯޅަ ކިހިއްޔަށް ޖަހައިގެން ގެއަށް ދިއުން ކަހަލަ ކަމެއް ތިކޮށްލީ: ހަސަން ލަތީފް

ސުޕްރީމް ކޯޓުގެ ފަނޑިޔާރުންނަށް އެ ކޯޓުން ނުވަދެވޭ ގޮތް ހެދުމާއި، ރައްޔިތުންގެ މަޖިލިސް މެންބަރުން މަޖިލީހަށް ވަނުން މަނާކުރުމުގައި ތަފާތެއް ނެތް ކަމަށް ގާނޫނީ ވަކީލު މައުމޫން ހަމީދު ވިދާޅުވެއްޖެ.