ސީޕްލޭން އިން ނުވަ މީހުން ދަތުރު ކުރި އިރު ދެ މީހަކަށް ވަނީ އަނިޔާވެފަ

މަންތާ އެއަރގެ ސީޕްލޭން ބޯޓެއް ޖައްސަން އުޅުމުގެ ތެރޭގައި ބޯޓު ފުރޮޅާލައި 2 މީހަކަށް އަނިޔާވެއްޖެއެވެ.

އެއަރޕޯޓުން މައުލޫމާތު ދިން ފަރާތަކުން ބުނީ، މަންތާ އެއަރގެ ސީޕްލޭނެއް، ހުޅުލޭގެ ސީޕްލޭޓް ލެގޫނަށް ޖައްސަން އުޅުމުގެ ތެރޭގައި އަރިއަޅާލައި، ހާދިސާއެއް ހިނގާފައިވާ ކަމަށެވެ.

ހާދިސާ ހިނގީ 7:45 ގައި ލޭންޑިންގްގައި ކަމަށް އެޕޯޓްސް ކޮމްޕެނީ އިން މައުލޫމާތު ދެއެވެ.

މި ހާދިސާ ހިނގި އިރު ބޯޓުގައި ތިބީ ޖުމްލަ 9 މީހުން ކަމަށާއި އޭގެ ތެރޭގައި ހިމެނެނީ 6 ފަސިންޖަރުންނާއި 3 ކްރޫއިން ކަމަށް އެމްއެންޑީއެފް އިން ވަނީ މައުލޫމާތު ދީފައެވެ.

މި ހާދީސާގައި އެއްމެންވެސް ސަލާމަތްކުރެވިފައިވާއިރު އެކަކެއްގެ ކޮނޑުހުޅު ނެއްޓިފައިވާ ކަމަށް އެމްއެންޑީއެފް އިން ބުނެއެވެ. އަދި އިތުރު މީހެއްގެ ކޮނޑަށް ތަދުވާތީ އުޅޭ ކަމަށް މައުލޫމާތުދެއެވެ.

މި ހާދީސާގައި ވެއްޓުނު ސީޕްލޭންގްގައި ހުރި ލަގެޖްތައް ރިކަވާކުރުމުގެ މަސައްކަތް އެމްއެންޑީއެފްގެ މާލޭ އޭރިޔާގެ ކޯސްޓްގާޑުގެ ޑައިވަރުން ކުރަމުންދާ ކަމަށް އެމްއެންޑީއެފް އިން މައުލޫމާތުދެއެވެ. އަދި އެއްމެންގެ މެޑިކަލް ޗެކަޕް ހެދުމަށް ސީޕްލޭން އިން ދަތުރު ކުރި އެއްމެން ގެންދެވޭނެ ކަމަށް އެމްއެންޑީއެފް އިން މައުލޫމާތުދެއެވެ.

ހާދިސާ ހިނގާފައިވާތަނަށް ހުޅުމާލޭ ހޮސްޕިޓަލްގެ މެޑިކަލް ޓީމެއް މިހާރު ގޮސްފައިވާ ކަމަށްވެސް އެމްއެންޑީއެފް އިން މައުލޫމާތުދެއެވެ.