އެލްމަންޑް މިލްކު

އެލްމަންޑް ހޫނު ފެނަށް އަޅާފައި 2 ގަޑިއިރު ބަހައްޓާށެވެ. ނޫނީ ފެން އަޅާފައި އެއްރޭ ވެސް ބެހެއްޓިދާނެއެވެ. ދެން މި ގޮތަށް ބެހެއްޓުމަށް ފަހު ފެން އުކާލާފައި، ރީތި ފެނުން ރަނގަޅަށް ދޮވެލާށެވެ.

އެއަށްފަހު މިކްސަރަށް އެޅުމަށް ފަހު، ލޮނު، ވެނީލާ އެސެންސް، ކަދުރު އަޅައިގެން ގިރާލާށެވެ. ގިރާނީ އެންމެ ހައި ސްޕީޑުގައެވެ. މިގޮތަށް 2 މިނެޓް ވަރު ގިރާލެވޭއިރު ހުންނާނީ ބޭނުންވާ ވަރަށް އޮމާން ވެފައެވެ.

ދެން ފުރޭންޏެއްގެ މަތީގައި ހުދު ފޮތިކޮޅެއް އަޅާފައި، ފުރާނާލާށެވެ. ދެން އެލްމަންޑް ކިރާއި ދެން ހުރި ބައިތައް ވަކިވާނެއެވެ. ކިރު ފެލުމަށް ފަހު، ފުޅިއަކަށް އަޅައި ފިނިކޮށްލާށެވެ.