ގުލް މަކާއީ ފިލްމު ޖެނުއަރީ 31 ގައި ރިލީޒްކުރަނީ
29 ޑިސެމްބަރު 2019 | އާދީއްތަ 17:08ޕާކިސްތާނުގެ އެކްޓިވިސްޓް މަލާލާ ޔޫސަފްޒާއީގެ ވާހަކަ މި ފިލްމުން ފެނިގެންދާނެ
ގުލް މަކާއީ ފިލްމުގެ މަންޒަރެއް
ޕާކިސްތާނުގެ އެކްޓިވިސްޓް މަލާލާ ޔޫސަފްޒާއީގެ ވާހަކަ ކިޔައިދޭ "ގުލް މަކާއީ" ފިލްމު އަންނަ ޖެނުއަރީ މަހުގެ 31 ވަނަ ދުވަހު ރިލީޒް ކުރަން ނިންމައިފިއެވެ.
މި ފިލްމުން މަލާލާގެ ހަޔާތުގެ ވަރަށް ގިނަ ޞަފުޙާތަކެއް ގެނެސްދިނުމަށް ނިންމާފައިވާއިރު، އޭގެ ތެރޭގައި އަންހެން ކުދިންނަށް ތަޢުލީމަށް ހޯދައިދޭން ކުރި މަސައްކަތްތަކާއި އެކަމާ ގުޅިގެން ޠާލިބާންގެ ހަރުކަށި ބަޔަކު މަލާލާގެ ބޮލަށް ދިން ނުރައްކާތެރި ޙަމަލާ އާއި ފުރާނަ ސަލާމަތްކުރަން އިނގިރޭސި ވިލާތުގައި ކުރި ހަނގުރާމައާއި، އޭގެ ފަހުން ދިރިއުޅުމަށް އައި ބޮޑު ބަދަލު ފިލްމުގައި ދައްކުވައި ދޭނެއެވެ.
ފިލްމުގައި މަލާލާގެ ރޯލް ކުޅެފައި ވަނީ ޒީ ޓީވީން ދައްކާ ސިލްސިލާ "ތުޖުސެ ހެ ރާބްތާ" ގެ ބަޠަލާ ރީމް ޝައިޚެވެ.
ބަސްވާތީ ޗަކްރަބަތީގެ ސްކްރީން ޕްލޭއި އަކަށް އުފައްދާފައިވާ މި ފިލްމު ޑައިރެކްޓުކޮށްފައި ވަނީ ޔުނައިޓެޑް ނޭޝަންސްގެ ގުޑްވިލް އެމްބެސެޑަރެއްގެ ގޮތުގައި މަސައްކަތްކުރާ އަމްޖަދު ޚާނެވެ.
