ކ. މާލެ
|
15 ނޮވެންބަރ 2019 | ހުކުރު 23:17
ލޯކަލް މާރުކޭޓު
ލޯކަލް މާރުކޭޓު
ޝުއައިބް މުހައްމަދު އިގްބާލް
ލޯކަލް މާރުކޭޓު
ދިވެހި މުވައްޒަފުން ލައިގެން ލޯކަލް މާރުކޭޓު ހިންގަން ބޭނުންވާ ފަރާތްތަކާއި ކައުންސިލުން ބައްދަލު ކުރަނީ!
 
މާރުކޭޓް މަރާމާތަށް ބަންދުކުރިއިރު 160 އަށްވުރެ ގިނަ ގޮޅި އެނތާގައި ހުރި
 
ބައްދަލުކުރަނީ އާންމުންގެ ޚިޔާލާ މަޝްވަރާ ހޯދުމަށްޓަކައި
 
ޢާންމު ރައްޔިތުންނާއި ބައްދަލު ކުރާނީ މާލެސިޓީ ކައުންސިލްގެ މޭޔަރ ޝިފާ

ދިވެހި މުވައްޒަފުން ލައިގެން ލޯކަލް މާރުކޭޓު ހިންގަން ބޭނުންވާ ފަރާތްތަކާއެކު މަޝްވަރާ ބައްދަލުވުމެއް ބޭއްވުމަށް މާލެ ސިޓީ ކައުންސިލުން ނިންމައިފިއެވެ.

މާލެ ސިޓީ ކައުންސިލުން ބުނީ ދިވެހި މުވައްޒަފުންގެ ލައިގެން ލޯކަލް މާރުކޭޓު ހިންގަން ބޭނުންވާ ފަރާތްތަކާއި ބައްދަލުކުރަން މާލެ ސިޓީގެ މޭޔަރ ޝިފާ މުޙައްމަދު ބޭނުންފުޅު ވާކަމަށެވެ. އެގޮތުން އެ ބައްދަލުވުން ބާއްވަން ހަމަޖެހިފައިވަނީ މި މަހުގެ 17 ވަނަ ދުވަހުގެ ހަވީރު 04:00 ޖަހާއިރު ކައުންސިލްގެ އިދާރާގައި ކަމަށް، މާލޭ ސިޓީ ކައުންސިލުން ޢާންމުކޮށްފައިވާ އިޢުލާނެއްގައި ވެއެވެ.

ރާއްޖެއެމްވީއަށް މަޢުލޫމާތު ދެއްވަމުން ޝިފާ ވިދާޅުވީ އެ ފަރާތްތަކާއި ބައްދަލު ކުރެއްވުމުގެ މައިގަނޑު ބޭނުމަކީ ލޯކަލް މާރުކޭޓު އަލަށް ހުޅުވާއިރު ދިވެހިންގެ ބައިވެރިވުން ވީހާވެސް ބޮޑުކޮށް، ދިވެހިންގެ ޝާމިލުވުމާއެކު އެތަން ހިންގަން ޝައުޤުވެރިވާ ފަރާތްތަކުގެ ޚިޔާލާއި މަޝްވަރާ ހޯދުން ކަމަށެވެ. އަދި ލޯކަލް މާރުކޭޓު ހިންގުން އާ މޮޑެލަކަށް ފަށާއިރު ޢާންމުންގެ ޚިޔާލު ހޯދުމުގެ މުހިންމުކަން ވެސް މޭޔަރ ޝިފާ ވަނީ ފާހަގަކުރައްވާފައެވެ.

ޝިފާ ވިދުޅާވީ މި މޮޑެލަށް ލޯކަލް މާރުކޭޓު ނުހިންގޭނެ ކަމަށް ބުނެ ބައެއް ޢާންމު ފަރާތްތަކުން ކައުންސިލަރުންނަށް މިހާރުވެސް ޚިޔާލު ހުށަހަޅަމުންދާ ކަމަށެވެ. އެހެންނަމަވެސް މަރުކޭޓު އަލުން ހުޅުވާއިރު ބޭނުންވަނީ ބިދޭސީންނާ ނުލައި ވިޔަފާރި ކުރަން ކަމަށް ޝިފާ ވިދާޅުވިއެވެ. މީގެ ކުރިން ލޯކަލް މާރުކޭޓު ހިންގަމުން އައިއިރު ގިނަ ގޮޅިތަކުގައި ވިޔަފާރި ހިންގަން ތިބީ ބިދޭސީންކަން ފާހަގަކުރެވެއެވެ. އޭގެތެރޭގައި ޤަވާއިދާއި ޚިލާފަށް ރާއްޖޭގައި ދިރިއުޅެމުން އަންނަ ބައެއް ބިދޭސީން ހިމެނޭކަން އިކޮނޮމިކް މިނިސްޓްރީން ދާދި ފަހުން ބިދޭސީންނަށް ހިންގި ޕްރޮގުރާމުން ފާހަގަކުރެވުނެވެ.

މިދިޔަ އޯގަސްޓް މަހުގެ 31 ގެ ނިޔަލަށް މާރުކޭޓުގެ ގޮޅިތައް ހުސްކުރަން އަންގާ މާރުކޭޓު މަރާމާތަށް ބަންދުކުރިއިރު 160 އަށްވުރެ ގިނަ ގޮޅި އެނތާގައި ހުއްޓެވެ. ސިޓީ ކައުންސިލުގެ މާރުކޭޓު ކޮމެޓީން ފުރަތަމަ ނިންމީ މިހާރު ހުރި ގޮޅިތައް ބޮޑުކޮށް ގޮޅިތަކުގެ އަދަދު 63 އަށް މަދުކުރުމަށެވެ. ނަމަވެސް ސިޓީ ކައުންސިލްގެ ބައެއް މެންބަރުން ދަނީ މިކަމާއި ދެކޮޅަށް ޚިޔާލު ފާޅުކުރަމުންނެވެ.

މާރުކޭޓު ޚާއްޞަކޮށްފައިވަނީ ދިވެހި އުފެއްދުންތައް ވިއްކަން ކަމުގައިވީނަމަވެސް މާރުކޭޓު އަލުން ހުޅުވާއިރު އިމްޕޯޓް މުދާ ވިއްކަން ބޭނުންވާނަމަ އެތަކެތި މޯލްޑިވްސް އިންލެންޑް ރެވެނިއު އޮތޯރިޓީ (މީރާ) ގައި ރަޖިސްޓަރީކޮށްގެން ވިޔަފާރި ކުރެވޭނެ ފުރުޞަތު ފަހިކޮށްދޭނެކަމަށް ސިޓީ ކައުންސިލުން ބުނެއެވެ.

އެންމެ ފަހުން އަޕްޑޭޓް ކުރީ: 1 ހަފްތާ ކުރިން
ރިވިއު ކުރީ: ޒިހްނަތު ހަސަން
0%
67%
0%
33%
0%
0%
ކޮމެންޓް
16 ނޮވެންބަރ 2019 | ހޮނިހިރު 10:55
ާއެދުރު ހަސަން.
މާލޭގައި ގެދޮރުގެ ތަނަވަސް ކަން ނެތް ދިވެހިންނައް ގޮޅިތައްދޫކުރޭ މަގްސަދުހާސިލްވާނެ. ޢެއްވެސްކަމެއް މަކަރާއި ހީލަތުން ކުރަން އުޅުނީމަކާއި މަގްސަދެއްހާސިލްނުވާނެ. ވެރިއަކައް އަންނަ ކޮންމެ މީހަކުވެސް ބުނާނެ މާލޭގެ ގެދޮރުގެ ދަތިވާހަކަ. އެއީހަމަ ހަގީ ގަތެއްތައް. އަހަރެން މާލޭގެ މަގުމައްޗައް ނިކުމެ ކޮންމެ ދިމާލަކައް ބަލާލިއަސް އަރެންނައް ފެންނަފެނުން ތަފާތު. އަހަރެންނައް ފެންނަނީ މާލޭގައި ގެދޮރުގެތަނަވަސްކަން ހުރިކަން. ދިރިއުޅުމައް ދޫކޮއްފައިވާ%95 ގޯތިން ބޮނޑު ބައެއް ވަނީ ހޮޓާތަކާއި ރެސްޓޯރެންޓްތަކަޝާއި ގުދަންތަކައް އަދި މީހުންދިރިއުޅުމައް ކުއްޔައް ދީފައި. ގެދޮތުގެ ތަނަވަސްކަން ނެތްބަކައް ކިހިނެއް ގޯތިކުއްޔައް ދޭނީ. ވަކި ބަޔަކައް ފައިދާ ހޯދާދޭން ދައްކާ ހޮޅި ވާހަކަ.