އަންގާރަ 07 ޖުލައި 2020
07 ފުނޯސް
1441 ޒުލްގައިދާ 16
ފަތިސް 04:41
އިރުއަރާ 05:59
މެންދުރު 12:15
އަސްރު 15:38
އިރުއޮއްސޭ 18:23
އިޝާ 19:41
އިޓާލިއަން ލީގު

އިޓާލިއަން ލީގު: އޭސީ މިލާން ބަލިކޮށް ރޯމާ ފަސްވަނައަށް ޖެހިލައިފި

  • ރޯމާ މޮޅުވީ އޭސީ މިލާންއާ ވާދަކޮށް 1-2 ގެ ނަތީޖާއަކުން

ކ. މާލެ | 28 އޮކްޓޯބަރ 2019 | ހޯމަ 09:32 | 1,726

ރޯމާގެ ކުޅުންތެރިން އުފާ ފާޅުކުރަނީ - ޓްވިޓަރ

އިޓާލިއަން ލީގުގައި އޭސީ މިލާން ބަލިކޮށް ރޯމާއިން ޕޮއިންޓް ތާވަލުގެ ފަސްވަނައަށް ޖެހިލައިފިއެވެ.

އާދީއްތަ ދުވަހުގެ ރޭ ކުޅުނު މެޗުން ރޯމާ މޮޅުވީ އޭސީ މިލާނާ ވާދަކޮށް 1-2 ގެ ނަތީޖާއަކުންނެވެ.

ރޯމާ ދަނޑުގައި ކުޅުނު މި މެޗު ފެށިގެން ބޯޅަ ކޮންޓްރޯލްކޮށް ރަނގަޅަށް ކުޅެމުންދިޔައީ އެޓީމުންނެވެ. އެގޮތުން އެޓީމުން ދިޔައީ އޭސީ މިލާންގެ ގޯލަށް ނުރައްކާކޮށް ހަމަލާ އުފައްދަމުންނެވެ.

މެޗުގައި ފުރަތަމަ ލަނޑު ޖަހާ ލީޑު ނެގީ ރޯމާއިންނެވެ. މި ލަނޑު 41 ވަނަ މިނެޓުގައި އެޓީމަށް ކާމިޔާބުކޮށްދިނީ އެޑިން ޒެކޯއެވެ. މި ލަނޑާއެކު އޭސީ މިލާނުން ނަތީޖާ ހަމަހަމަ ކުރުމަށް މަސައްކަތް ކުރިއެވެ.

ނަމަވެސް ފުރަތަމަ ހާފް ނިމުނީ 0-1 ގެ ނަތީޖާއިން އޭސީ މިލާންގެ މައްޗަށް ރޯމާ ކުރީގައި އޮވެގެންނެވެ.

ދެވަނަ ހާފް ފެށިގެން އޭސީ މިލާނުން ކުޅުން ރަނގަޅުކޮށްފައިވާއިރު، ލަނޑު ޖެހުމަށް އެޓީމުން ދިޔައީ ފުރުސަތުތަކެއް ހޯދަމުންނެވެ. އެގޮތުން 55 ވަނަ މިނެޓުގައި ހެނާންޑޭޒް ކާމިޔާބުކުރި ލަނޑުން އެޓީމުން ވަނީ ނަތީޖާ ހަމަހަމަކޮށްފައެވެ.

ރޯމާއިން މެޗުގެ ލީޑު އަނބުރާ ހޯދީ 58 ވަނަ މިނެޓުގައެވެ. މި ލަނޑު އެޓީމަށް ކާމިޔާބުކޮށްދިނީ ޒައިނޯލޯއެވެ. މި ލަނޑަށްފަހުވެސް ރޯމާއަށް ވަނީ ލީޑު އިތުރަށް ފުޅާކުރަން ފުރުސަތުތަކެއް ލިބި ބޭކާރުވެފައެވެ.

މި ނަތީޖާއާއެކު ރޯމާ އޮތީ ކުޅުނު ނުވަ މެޗުން ލިބުނު 16 ޕޮއިންޓާއެކު ޕޮއިންޓް ތާވަލުގެ ފަސްވަނައިގައެވެ. މެޗުން ބަލިވި އޭސީ މިލާން އޮތީ ކުޅުނު ނުވަ މެޗުން ލިބުނު 10 ޕޮއިންޓާއެކު ޕޮއިންޓް ތާވަލުގެ 12 ވަނައިގައެވެ.

އެންމެ ފަހުން އަޕްޑޭޓް ކުރީ: 4 މަސް ކުރިން | ރިވިއު ކުރީ: ޒިހްނަތު ހަސަން

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.