ހޯމަ 13 ޖުލައި 2020
13 ފުނޯސް
1441 ޒުލްގައިދާ 22
ފަތިސް 04:42
އިރުއަރާ 06:00
މެންދުރު 12:16
އަސްރު 15:38
އިރުއޮއްސޭ 18:24
އިޝާ 19:41
ދިވެހި ޕްރިމިއާ ލީގު

ދިވެހި ޕްރިމިއާ ލީގު: ސެންޓޭގެ ލަނޑުން އީގަލްސް އިން މާޒިޔާ ބަލިކޮށްފި

  • މާޒިޔާގެ މައްޗަށް އީގަލްސް ކުރިހޯދީ 0-1 ގެ ނަތީޖާއަކުން

ކ. މާލެ | 17 އޮކްޓޯބަރ 2019 | ބުރާސްފަތި 12:11 | 2,074

މާޒިޔާ އަދި އީގަލްސް ބައްދަލުކުރި މެޗުގެ ތެރެއިން - އެފްއޭއެމް

ދިރާގު ދިވެހި ޕްރިމިއާ ލީގުގައި އަލީ ފާސިރު (ސެންޓޭ) ކާމިޔާބުކުރި ލަނޑުން ކްލަބް އީގަލްސް އިން މާޒިޔާ ސްޕޯޓްސް އެންޑް ރެކްރިއޭޝަން ބަލިކޮށްފިއެވެ.

ބުދަ ދުވަހުގެ ރޭ ކުޅުނު މެޗުން މާޒިޔާގެ މައްޗަށް އީގަލްސް ކުރިހޯދީ 0-1 ގެ ނަތީޖާއަކުންނެވެ.

މެޗު ފެށިގެން ދެޓީމުގެ ފަރާތުންވެސް ފެނިގެންދިޔައީ ހަމަހަމަ ކުޅުމެކެވެ. ނަމަވެސް ކުރީކޮޅު މާޒިޔާއިން ވަނީ ލަނޑު ޖެހުމަށް ފުރުސަތުތަކެއް ހޯދާފައެވެ. އެގޮތުން ނާއިޒް ހަސަން (ދާދު) އާއި އިބްރާހިމް މަހުދީ (ފޭދޫ އިއްބެ) އަށް ލިބުނު ފުރުސަތު ހިމެނެއެވެ.

މެޗުގައި ފެނިގެންދިޔަ ހަމައެކަނި ލަނޑު 30 ވަނަ މިނެޓުގައި ކާމިޔާބުކުރީ ސެންޓޭއެވެ. އޭނާ މި ލަނޑު ކާމިޔާބުކުރީ އޭރިޔާ ބޭރުން ފޮނުވާލި ބޯޅައަކުންނެވެ.

ދެވަނަ ހާފް ފެށިގެން މާޒިޔާއިން އެޓީމުގެ ކުޅުން ރަނގަޅުކޮށްފައިވާއިރު، އީގަލްސްގެ ގޯލަށް ނުރައްކާކޮށް އެޓީމުން ވަނީ ގިނަ ހަމަލާތަކެއް ފޮނުވާލައިފައެވެ. ނަމަވެސް އެ ހަމަލާތަކުގެ ބޭނުން އެޓީމަށް އެންމެ ރަނގަޅަށް ހިފިފައެއް ނުވެއެވެ.

މި ނަތީޖާއާއެކު 10 މެޗުން މާޒިޔާއިން 23 ޕޮއިންޓް ހަމަކޮށް، ޕޮއިންޓް ތާވަލުގެ އެއްވަނައިގައި އޮތްއިރު، ދެވަނައިގައި އީގަލްސް އޮތީ ކުޅުނު 10 މެޗުން ލިބުނު 18 ޕޮއިންޓާއެކުގައެވެ. އަދި ތިންވަނައިގައި އތޮީ 10 މެޗުން 17 ޕޮއިންޓާއެކު ގްރީން ސްޓްރީޓްސްއެވެ.

އެންމެ ފަހުން އަޕްޑޭޓް ކުރީ: 4 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.