ކަލައިދޫ މަސްޖިދުލް ހުދާ މިސްކިތުގެ އާބާތުރަފިލުވައިފި
2 މެއި 2019 | ބުރާސްފަތި 03:27މިމަސައްކަތަށް 145000 ރުފިޔާ ވަނީ ހޭދަކޮށްފައި
ކަލައިދޫގައި މިސްކިތުގައި ކާޕެޓް އަޅަނީ
ރަމަޟާން މަހަށް ޚާއްސަކޮށް ލ.ކަލައިދޫ މަސްޖިދުލް ހުދާ މިސްކިތުގައި ކައުންސިލްގެ ހަރަދުގައި އާބާތުރަފިލުވުމުގެ މަސައްކަތް ފަށައިފިއެވެ.
ކަލައިދޫ ކަންސިލްގެ ނައިބު ރައީސް މުޙައްމަދު ޝަރީފު ވިދާޅުވީ މަސްޖިދުލް ހުދާ މިސްކިތުގައި ރޯދަ މަހަށް ތައްޔާރުވުމުގެ ގޮތުން ރައްޔިތުންނާއި ކައުންސިލް ގުޅިގެން މިސްކިތުގައި ކާޕެޓު އެޅުމުގެ މަސައްކަތް ކޮށްފައިވާ ކަމަށެވެ. ޝަރީފު ވިދާޅުވީ މިސްކިތު އެތެރޭ ފާރުތަކުން ވެލި ފައިބާތީވެ މުށި ވެސް ޖަހާ މިސްކިތް އައު ކުރުމުގެ މަސައްކަތްތައް ވެސް ކޮށްފައިވާ ކަމަށެވެ.
މީގެ އިތުރުން ޝަރީފު ވިދާޅުވީ މިމަޝްރޫއަކީ ކައުންސިލްގެ ބަޖެޓުން ކުރިއަށް ގެންދިޔަ މަސައްކަތްތަކެއް ކަމަށާއި، 145000 ރުފިޔާ ހޭދަވި ކަމަށެވެ.
1150 މީހުންގެ އާބާދީއެއް އޮންނަ ކަލައިދޫގެ މިމިސްކިތުގައި 280 މީހުންނަށް އެއްފަހަރާ ނަމާދު ކުރެވެއެވެ.
ޝަރީފު ވިދާޅުވީ މިފަދަ ކަންކަމުގައި ރައްޔިތުންގެ ފަރާތުން ވަރަށް ފުރިހަމައަށް އެއްބާރުލުމާއި އެހީތެރިކަން ލިބެމުން ދާކަމަށެވެ.
