ގޮށްރާޅު ފެބްރުއަރީ 4 ގައި ސިނަމާތަކަށް!
ފިލްމް ރިލީޒް ކުރާ ތާރީޚް ވަނީ ފިލްމްގެ ތަރިން ސޯޝަލްމީޑިއާގައި ހިއްސާކޮށްފައި
ގޮށްރާޅުގެ ޕޯސްޓަރު
މަގުބޫލު ފިލްމުތައް ނެރެމުން އަންނަ ޕްރޮޑަކްޝަން ހައުސް އެއް ކަމަށްވާ ޑާކްރެއިން އެންޓަޓެއިނަމަންޓުން އުފައްދާ ފިލްމް "ގޮށްރާޅު" އަންނަ އަހަރުގެ ފެބްރުއަރީ މަހުގެ 4 ގައި ރިލީޒް ކުރުމަށް ހަމަޖައްސައިފިއެވެ.
ކުރިން މި ފިލްމް މިހިނގާ ނޮވެމްބަރު މަހުގައި ރިލީޒް ކުރުމަށް ނިންމި ނަމަވެސް ފިލްމް ރިލީޒް ކުރާ ތާރީޚް ބަދަލުވިކަން މި ފިލްމްގެ ތަރިން ވަނީ ސޯޝަލް މީޑިއާގައި ހިއްސާ ކޮށްފައެވެ.
ގޮށްރާޅަކީ މުއުމިން ފުއާދުގެ ވާހަކައަކަށް އަހުމަދު ޝިނާން ޑައިރެކްޓް ކުރާ ކުރައިމް ތްރީލާ އެކެވެ.
މި ފިލްމު ޕްރޮޑިއުސް ކޮށްފައި ވަނީ މޮގާއާއި އާއިޝަތު ފުވާދު ތައުފީޤެވެ.
ފިލްމުގެ ލީޑް ރޯލަކުން ފެނިގެންދާ ޖުމައްޔިލްގެ އިތުރުން މި ފިލްމުން ދެން ފެނިގެން ދާނީ މި ދާއިރާ އަށް އަލަށް ތަޢާރަފްވާ ހަސަން އިރުފާން (ޒަކިއްޓެ)، އާއި ޢައިޝަތު ތަސްނީމާއެވެ. މީގެ އިތުރުން އާމިނަތު ރަޝްފާ، ނުޒުހަތު ޝުޢައިބު (ނުޒޫ)، ޢަބްދުﷲ އަޒާން، ނާޝިތު މުޙައްމަދު އަދި ހަމްދާން ފާރޫޤްގެ އިތުރުން މަރިޔަމް ޝަކީލާ އާއި އިސްމާއިލް ރަޝީދު (ކޮޕީ އިއްސެ) ފެނިގެންދާނެއެވެ.
