90ގެ ޓްރެންޑެއް ކަމަށްވާ 'ތޮންގް ހީލްސް' އަނބުރާ އައީ؟

90ގެ އަހަރު ތަކުގައި މަޝްހޫރުވި "ތޮންގް ހީލް" ނުވަތަ އެއްވަދުލީ ހީލްސް އަނެއްކާ ވެސް މަޝްހޫރުވެއްޖެއެވެ. މިއީ އާދައިގެ "ފްލިޕް ފްލޮޕްސް"ގެ ތަންކޮޅެއް "ކްލާސީ" ވަރޝަންއެވެ.

މީގެ ހީލްއެއް އެންމެ ފަހުން މެގަޒިން އަކުން ފެނިފައި ވަނީ، މީގެ 20 އަހަރު ކުރިން ވޯގް މެގަޒިންއިންނެވެ. ފަޔަށް ފަސޭހަ މިފައިވާނަކީ ފައިގެ ރީތިކަން ދައްކާލާ ހީލްއެއް ކަމަށް އޭރު ވެސް ޕްރޮމޯޓް ކޮށްފައިވެއެވެ.

ދާދި ފަހުން މީގެ ފައިވާނަކަށް އަރައިގެން ހުއްޓާ ފެނިފައި ވަނީ މަޝްހޫރު ރިއަލިޓީ ތަރި އަދި "ސްޓައިލް ޓްރެންޑަރ" ކިމް ކާޑޭޝިއަން ވެސްޓެވެ. އޭނޭގެ ފިރިމީހާ، މަޝްހޫރު ރެޕް އާޓިސްޓް ކާޏްޔޭ ވެސްޓްގެ "ޔީޒީ"ގެ އެންމެ ފަހުގެ ސްޓައިލްތައް ކިމްދަނީ އޭނާގެ އާންމު ދިރިއުޅުމުގައި ވެސް އިޝްތިހާރު ކުރަމުންނެވެ.

ކިމް އަޅާ ހުރިހާ ފިޔަވަޅެއް ޕަޕަރާޒީން ނަގަމުންދާއިރު، މިއީ އެ ސްޓައިލްތައް މާކެޓް ކުރަން ވަރަށް ފަސޭހަ ގޮތެކެވެ. އަދި އެގޮތަށް ނަގާފައިވާ ޕަޕަރާޒީ ޝޮޓްތަކެއް އެހެން މޮޑެލުން ބޭނުން ކޮށްގެން ރިކްރިއޭޓް ކުރުމަށް ފަހު ޔީޒީން އިޝްތިހާރު ކޮށްފައިވެއެވެ.

މިގޮތަށް އަނބުރާ އައިސްފައިވާ 90ގެ އަހަރުތަކުގެ ޓްރެންޑްތަކުގެ ތެރޭގައި "ކްރޮޕްޑް ޓޮޕް"، "ޗޯކަރސް"، "ލެދަރ ބައިކަރ ޖެކެޓްސް"، "ސްކައި ހައި ޕްލެޓްފޯމްސް" އަދި ގޮޅިޖެހި ގަމީސް ހިމެނެއެވެ.