އަހަންނަށް ނަށާކަށް ނޭނގެ: ކަލްކީ

އިންޑިއާގެ ބޮލީވުޑް އެކްޓަރއެއް ކަމަށްވާ ކަލްކީ ކޮއެޗްލިންއަށް ނަށަން ނޭނގޭ ކަމަށް އޭނާ ބުނެފިއެވެ.

މީޑިއާތަކަށް މައުލޫމާތުދެމުން ކަލްކީ ބުނެފައިވަނީ، އޭނާއަކީ ނަށަން އެނގޭ މީހެއް ނޫން ކަމަށާއި، އޭނާ މިހާރު މަސައްކަތް ކުރަމުންދާ "ޖިއާ އޯރް ޖިއާ" ފިލްމުގެ ލަވައަކަށް ނެށުމަށް ވަރަށް ގިނަ ފަހަރު ފަރިތަކުރަން ޖެހުނު ކަމަށެވެ.

"ޖިއާ އޯރް ޖިއާ" ފިލްމަކީ ދެ އަންހެން ކުދިން ކުރާ ދަތުރެއްގައި ދިމާވާ ކަންތައްތަކުގެ މައްޗަށް ބިނާކޮށް އުފައްދާފައިވާ ފިލްމެކެވެ. މި ކުދިން "ރޯޑް ޓްރިޕް" އަށް ދަތުރު ފަށަނީވެސް ވަރަށް ކުޑަ ބަޖެޓަކާ އެއްކޮށެވެ.

ފިލްމް ރިލީޒްކުރަން ހަމަޖެހިފައިވަނީ މި އަހަރުގެ އޮކްޓޯބަރ 27 ވަނަ ދުވަހުއެވެ.

ކަލްކީ ވަނީ ވަރަށް ގިނަ ހިންދީ ފިލްމް ތަކުގައި ހަރަކާތްތެރިވެ ނޭޝެނަލް ފިލްމް އެވޯޑްވެސް ހާސިލްކޮށްފައެވެ.