ޔުއެފާ ޗެމްޕިއަންސް ލީގުގައި ޓޮޓެންހަމް ހޮޓްސްޕާސް އަތުން އެއްވަރުވެ، ރެއާލް މެޑްރިޑުން ގްރޫޕްގެ އެއްވަނައިގައި ލީޑް ފުޅާކުރަން ލިބުނު ފުރުސަތު ނަގާލައިފިއެވެ.
އަންގާރަ ދުވަހުގެ ރޭ ގްރޫޕް އެޗްގައި ކުޅުނު މެޗުން ޓޮޓެންހަމްއާ ވާދަކޮށް ރެއާލް އެއްވަރުވީ 1-1 ގެ ނަތީޖާއަކުންނެވެ.
ރެއާލް ދަނޑުގައި ކުޅުނު މި މެޗު ފެށިގެން ދެ ޓީމުގެ ފަރާތުން ވެސް ފެންނަމުންދިޔައީ ދާދި ހަމަހަމަ ކުޅުމެކެވެ. އެހެންނަމަވެސް ފުރަތަމަ ހާފްގައި ރެއާލް އިން ވަނީ ޓޮޓެންހަމްގެ ހާފަށް ބާރުބޮޑުކޮށް ލަނޑު ޖެހުމަށް ގިނަ ފުރުސަތުތައް ތަނަވަސްކޮށްފައެވެ. އެގޮތުން ރޮނާލްޑޯ އަށް ލިބުނު ހުސް ފުރުސަތުތައް ހިމެނެއެވެ.
Cristiano Ronaldo in 2017 for Real Madrid:
— Champions League (@ChampionsLeague) October 17, 2017
Games 36
Goals 33
Unstoppable? pic.twitter.com/Wdhyj1eYfZ
މެޗުގައި ފުރަތަމަ ލަނޑު ޖަހާ ލީޑު ނެގީ ޓޮޓެންހަމް އިންނެވެ. މި ލަނޑަކީ 29 ވަނަ މިނެޓުގައި ރެއާލްގެ ރަފައެލް ވެރާން އަތުން ބައިކޮޅަށް ވަތް ލަނޑެކެވެ. މި ލަނޑާއެކު ރެއާލް އިން ވަނީ އެޓީމުގެ އެޓޭކްތައް އިތުރަށް ވަރުގަދަކޮށްފައެވެ.
ރެއާލް އިން ނަތީޖާ ހަމަހަމަކުރީ 43 ވަނަ މިނެޓުގައި ކްރިސްޓިއާނޯ ރޮނާލްޑޯއެވެ. އޭނާ މި ލަނޑު ކާމިޔާބުކުރީ ރެއާލް އަށް ލިބުނު ޕެނަލްޓީއަކުންނެވެ. މިއީ އޭނާ ޗެމްޕިއަންސް ލީގުގައި ކާމިޔާބުކުރީި 95 ވަނަ ލަނޑެވެ. ފުރަތަމަ ހާފް ނިމުނީ 1-1 ގެ ނަތީޖާއިން ދެޓީމު އެއްވަރުވެގެންނެވެ.
Cristiano Ronaldo's record in the #UCL for Real Madrid.
— Champions League (@ChampionsLeague) October 17, 2017
Your all-time favourite @realmadrid legend is _____ pic.twitter.com/KdLiMFgURg
ފުރަތަމަ ހާފާ ހިލާފަށް ދެވަނަ ހާފްގައި ރެއާލް އަށް ލަނޑު ޖަހަން ލިބުނު ފުރުސަތުތައް ގިނަވިއެވެ. އެހެންނަމަވެސް ރެއާލްގެ ފޯވާޑް ލައިނުން ފޮނުވާލި ހުރިހާ ހަމަލާއެއް ޓޮޓެންހަމްގެ ކީޕަރު ލޮރިސް ވަނީ ދިފާއުކޮށްފައެވެ.
މެޗުގެ ފަހު 10 މިނެޓުގައި ޓޮޓެންހަމް އިން ބޯޅަ ކޮންޓްރޯލްކޮށްގެން ކުޅެފައިވާއިރު، އެޓީމުގެ ފޯވާޑް ހެރީކޭން އަށް ވަނީ ފަހުވަގުތުކޮޅުގެ ތެރޭގައި ލީޑު އަނބުރާ ހޯދުމަށް ހުސް ފުރުސަތެއް ލިބިފައެވެ. އެހެންނަމަވެސް އޭނާ ފޮނުވާލި ބޯޅަ ރެއާލްގެ ކީޕަރު ނަވާސް ވަނީ ދިފާއުކޮށްފައެވެ.
Estas fueron algunas las mejores imágenes de nuestro empate frente a @Spurs_ES. #RMUCL pic.twitter.com/R6sSkwW0kE
— Real Madrid C.F. (@realmadrid) October 17, 2017
މި ނަތީޖާއާއެކު ރެއާލް އަދި ޓޮޓެންހަމް ވަނީ ޕޮއިންޓްގެ ގޮތުން އަދި ލަނޑުގެ ގޮތުން ވެސް ހަމަހަމަވެފައެވެ. ގްރޫޕްގެ ތިންވަނައިގައި ބްރޯޝިއާ ޑޯޓްމަންޑް އެއް ޕޮއިންޓާއެކު އޮތް އިރު، އެޕައޮލެލް ހަމަ އެ އަދަދަށް ޕޮއިންޓް ހޯދައިގެން އޮތީ ހަތަރުވަނައިގައެވެ. ޑޯޓްމަންޑަށް ތިންވަނަ ލިބުނީ ލަނޑުގެ ތަފާތުންނެވެ.
މި ގްރޫޕްގައި ރެއާލް ދެން ނިކުންނާނީ އަންނަ ނޮވެމްބަރު މަހުގެ ދެވަނަ ދުވަހު ރަށުން ބޭރުގައި ޓޮޓެންހަމްއާ ދެކޮޅަށެވެ. ހަމަ އެދުވަހު ޑޯޓްމަންޑް ނިކުންނާނީ އަމިއްލަ ދަނޑުގައި އެޕައޮލްއާ ދެކޮޅަށެވެ.
