އައިކެއަރގެ "ނަޔާ ރޯދަ ހަދިޔާ" ގެ ނަސީބުވެރިޔާއަށް ލަންކާގެ އާއިލީ ދަތުރެއް!

އައިކެއަރ އޮޕްޓިކަލްސްއިން ރޯދަމަހު ކުރިއަށްގެންދިޔަ "ނަޔާ ރޯދަ ހަދިޔާ" ޕްރޮމޯޝަންގެ ނަސީބުވެރިޔާ ހޮވައިފިއެވެ. މި ޕްރޮމޯޝަންގެ ގްރޭންޑް ޕްރައިޒް ކަމަށްވާ، ސްރީލަންކާއަށް ކުރާ އާއިލީ ދަތުރު ކާމިޔާބުކުރީ އިސްމާޢީލް އަފްޒަލް އެވެ.

"ނަޔާ ރޯދަ ހަދިޔާ 2026" އަކީ ރަމަޟާން މަހާ ދިމާކޮށް އައިކެއަރގެ ކަސްޓަމަރުންނަށް ހާއްސަ ޑިސްކައުންޓްތަކަކާއެކު، އަގުހުރި އިނާމެއް ހުށަހަޅައިގެން ކުރިއަށްގެންދިޔަ ކާމިޔާބު ކެމްޕޭނެކެވެ. މި ޕްރޮމޯޝަންގައި ބައިވެރިވުމުގެ ފުރުސަތު ދީފައިވަނީ އެއްފަހަރާ 500 ރުފިޔާއިން މަތީގެ ވިޔަފާރިކުރި ކަސްޓަމަރުންނަށެވެ.

މުޅި ރާއްޖެއަށް ހުޅުވާލައިގެން ކުރިއަށްގެންދިޔަ މި ގުރުއަތުން ހޮވުނު ނަސީބުވެރިޔާއަށް، ހަތަރު މީހުންގެ އާއިލާ ނުވަތަ ރައްޓެހިންނާ އެކު ސްރީލަންކާގައި 4 ރޭ ހޭދަކުރުމުގެ ފުރުސަތު ލިބޭނެއެވެ. މީގެ ތެރޭގައި ދެކޮޅު ޓިކެޓާއި، ހުރުމާއި ކެއުންބުއިމުގެ އިތުރުން ކެންޑީ، ނޫރަލިއާ އަދި އެލާ ފަދަ ހިތްގައިމު މަންޒިލްތަކަށް ޒިޔާރަތްކުރުން ހިމެނެއެވެ.

މި ކެމްޕޭނަށް ކަސްޓަމަރުންގެ ފަރާތުން ލިބުނު ބޮޑު ތަރުހީބަށްޓަކައި އައިކެއަރ އޮޕްޓިކަލްސްއިން ހުރިހާ ކަސްޓަމަރުންނަށް އިޚްލާޞްތެރި ޝުކުރެއް އަދާކުރެއެވެ. މިފަދަ ބޮޑު ތަރުހީބަކުން ރަމްޒުކޮށްދެނީ ލޮލުގެ ފަރުވާއާއި އައިނު ހޯދުމުގައި ކަސްޓަމަރުން އައިކެއަރއަށް ކުރާ އިތުބާރެވެ.

އެ ކުންފުނިން ފާހަގަ ކުރާ ގޮތުގައި އައިކެއަރގެ އަމާޒަކީ އަބަދުވެސް ކަސްޓަމަރުންނަށް ފައިދާހުރި، އުފާވެރި ތަޖުރިބާތަކެއް ފޯރުކޮށްދީ، ޒަމާނީ ޓެކްނޮލޮޖީއާއިއެކު ފެންވަރު ރަނގަޅު ލޮލުގެ ފަރުވާގެ ޚިދުމަތްތައް ފޯރުކޮށްދިނުމެވެ.

އައިކެއަރއިން ކުރިއަށް އޮތް ތަނުގައި ހިންގާ ހަރަކާތްތަކާއި ޕްރޮމޯޝަންތަކުގެ މަޢުލޫމާތު، އެ ކުންފުނީގެ ސޯޝަލް މީޑިއާ ޕޭޖުތަކުން ލިބިވަޑައިގަންނަވާނެއެވެ.