ޔުގެންޑާގެ އިދިކޮޅު ލީޑަރު ހައްޔަރު ކުރި ވާހަކަ ދޮގު ކޮށްފި

ޔުގެންޑާގެ އިދިކޮޅު ލީޑަރު ބޮބީ ވައިން ހައްޔަރު ކޮށްފައިވާ ކަމަށް ބުނެ ދައްކަމުން އަންނަ ވާހަކަ އަކީ ދޮގެއް ކަމަށް، އެ ޤައުމުގެ ސިފައިން ހާމަ ކޮށްފި އެވެ.

ޔުގެންޑާގެ ސިފައިންގެ ތަރުޖަމާނު ހޮނިހިރު ދުވަހު އޭއެފްޕީ އަށް ވިދާޅުވެފައި ވަނީ، އެ ޤައުމުގެ އިދިކޮޅު ލީޑަރު ހެލިކޮޕްޓަރެއްގައި ހައްޔަރު ކޮށްފައިވާ ކަމަށް ބުނެ ފަތުރަމުން އަންނަނީ ދޮގު ވާހަކައެއް ކަމަށެވެ. 

ތަރުޖަމާނު ކްރިސް މެގެޒީ ވިދާޅުވީ، ބޮބީ ވައިން ހައްޔަރު ކުރި ކަމަށް ބުނާ ވާހަކަ ތަކަކީ އެއްވެސް އަސާސެއް ނެތް ދޮގު ވާހަކަ ތަކެއް ކަމަށެވެ. އަދި އެއީ އެއްވެސް އަސާސެއް ނެތް ގޮތެއްގައި، އެހެން މަޤުސަދެއް ޙާސިލު ކުރުމުގެ ބޭނުމުގައި ފަތުރަމުން އަންނަ ވާހަކައެއް ކަމަށް ވެސް އޭނާ ވިދާޅުވި އެވެ. 

ވައިންގެ ޕާޓީ އިން ހުކުރު ދުވަހުގެ ރޭ ސޯޝަލް މީޑިއާގައި ކޮށްފައިވާ ޕޯސްޓެއްގައި ބުނެފައި ވަނީ، ވައިން އޭނާގެ ގެކޮޅުގައި ހުންނަވަނިކޮށް ސިފައިންގެ ހެލިކޮޕްޓަރެއްގައި، ބާރުގެ ބޭނުން ކޮށްގެން އޭނާ ހައްޔަރު ކޮށްފައިވާ ކަމަށެވެ. މިކަން ހިނގާފައި ވަނީ އެ ޤައުމުގައި އިންތިޚާބު ބޭއްވިތާ ދެ ދުވަސް ފަހުން ކަމަށް ބުނެފައިވެ އެވެ. 

ބޮބީ ވައިން އަކީ ޔުގެންޑާގައި ވަރަށް މަޝްހޫރު އިދިކޮޅު ސިޔާސީ ލީޑަރެކެވެ. އޭނާ އަކީ ސަރުކާރާ ދެކޮޅަށް ވަރަށް ގަދައަށް އަޑު އުފުލާ ބޭފުޅެކެވެ. އޭނާގެ އަސްލު ނަމަކީ ރޮބާޓް ކިޔަގުލާނީ އެވެ. 

ޔުގެންޑާގެ ސިފައިންގެ ތަރުޖަމާނު މި ވާހަކަތައް ދޮގު ކޮށްފައި ވީ ނަމަވެސް، ވައިންގެ ސަޕޯޓަރުންނާއި އޭނާގެ ޕާޓީ ޕާޓީގެ މެމްބަރުން ވަނީ އެ މައްސަލައިގައި ވަރަށް ބޮޑަށް ކަންބޮޑުވުން ފާޅު ކޮށްފަ އެވެ. އެ ފަރާތްތަކުން ބުނެފައި ވަނީ، އެ ޤައުމުގެ ސިފައިން ވަނީ އިދިކޮޅު ލީޑަރަށް ނުރައްކާތެރިކަން ކުރިމަތި ކޮށްފައި ކަމަށެވެ. 

ޔުގެންޑާގެ އިންތިޚާބު ބާއްވާފައި ވަނީ ބުރާސްފަތި ދުވަހު އެވެ. އެ އިންތިޚާބުގައި ވައިން ވެސް ވަނީ ވާދަ ކުރައްވައިފަ އެވެ. އިންތިޚާބާ ގުޅިގެން ޤައުމުގައި ސިޔާސީ ހަލަބޮލިކަން އިތުރުވެފައިވާ ކަމަށް މީޑިއާ ތަކުގައި ވަނީ ރިޕޯޓު ކޮށްފަ އެވެ. 

ވައިން ހައްޔަރު ކުރި ކަމަށް ބުނާ ވާހަކަ ދޮގު ކުރުމާ އެކު ވެސް، އެ މައްސަލަ ބަލައި ސާފު ކުރުމަށް ބައިނަލްއަޤުވާމީ މުޖުތަމައުން ވަނީ ގޮވާލައިފަ އެވެ. ބައިނަލްއަޤުވާމީ ޖަމާއަތް ތަކުން ބުނަމުން އަންނަނީ، އިދިކޮޅު ލީޑަރުންނަށް ވެސް ސަލާމަތާއި، ރައްކާތެރިކަން ކަށަވަރު ވާން ޖެހޭނެ ކަމަށެވެ.

ސިފައިންނާއި، ވައިންގެ ޕާޓީ އިން ދައްކާފައިވާ ވާހަކަތައް ތަފާތު ވެފައިވާއިރު، ގިނަ ބަޔަކު އަންނަނީ މިކަމުގެ ހަގީގަތަށް އިންތިޒާރު ކުރަމުންނެވެ.