އީރާނުގެ ދައުލަތުގެ ޓީވީ އަށް އިސްރާއީލުން ހަމަލާ ދީފި

އީރާނުގެ ދައުލަތުގެ ޓީވީން ބުނެފައިވަނީ އިސްރާއީލުން އެ ސްޓޭޝަނަށް ހަމަލާ ދެމުންދާ ކަމަށެވެ. މިއީ އިސްރާއީލުގެ ދިފާޢީ ވަޒީރު އީރާނުގެ ދައުލަތުގެ ޓީވީ އާއި ރޭޑިއޯ "ނެތިދާން ކައިރިވެފައިވާ" ކަމަށް އިންޒާރު ދިނުމަށްފަހު ކުޑައިރުކޮޅެއްގެ ތެރޭގައި ދީފައިވާ ހަމަލާ އެކެވެ.

އިސްރާއީލުގެ ދިފާޢީ ވަޒީރު އިސްރާއީލް ކަޓްޒް ހޯމަ ދުވަހު ވިދާޅުވެފައިވަނީ އީރާނުގެ ދައުލަތުގެ ޓެލެވިޜަން އަދި ރޭޑިއޯ "ނެތިދާން ކައިރިވެފައިވާ" ކަމަށެވެ. ތެހެރާނުގައި ބްރޯޑްކާސްޓަރުގެ އިމާރާތް ހުރި ސަރަޙައްދުން މީހުން ހުސްކުރަންއިންޒާރު ދިނުމަށްފަހު ދިން ހަމަލާއެއް ކަން ފާހަގަ ކުރެވެއެވެ.

"އީރާނުގެ ޕްރޮޕެގަންޑާ އަދި އަނިޔާވެރި ކަމަށް ގޮވާލުމުގެ ބޮޑު އަޑުފޮށި ނެތިދާން ކައިރިވެއްޖެ،" އިސްރާއީލުގެ ދިފާއީ ވަޒީރު ބަޔާނެއްގައި ވިދާޅުވިއެވެ.

އިސްރާއީލުގެ ސިފައިން ހޯމަ ދުވަހު ވެރިރަށުގެ އުތުރު ޑިސްޓްރިކްޓް 3 ގެ ބައެއް ސަރަޙައްދުގައި ދިރިއުޅޭ މީހުންނަށް "ވަގުތުން" އެ ސަރަޙައްދު ހުސްކުރުމަށް އިންޒާރު ދީފައިވެއެވެ. އަދި އެ ސަރަޙައްދަށް ވައިގެ ހަމަލާތަކެއް ދޭން ގަސްދުކުރާ ކަމަށް ބުނެފައިވެއެވެ.