ޤަވައިދާ ޚިލާފަށް އުޅުނު 4361 ބިދޭސީން އަނބުރާ ޤައުމަށް ފޮނުވާލާފައިވޭ: ޝަމްޢާން
ފުލުހުންނާއި ގުޅިގެން އިންޓެލިޖެންސް ބޭސް ޓާގެޓެޑް 70 ރެއިޑް އޮޕަރޭޝަނެއް ހިންގި
ކޮންޓްރޯލަރ ޖެނެރަލް އޮފް އިމިގްރޭޝަން މުޙައްމަދު ޝަމްޢާން ވަޙީދު
ޤަވައިދާ ޚިލާފަށް އުޅުނު 4361 ބިދޭސީން އަނބުރާ އެ މީހުންގެ ޤައުމަށް ފޮނުވާލާފައިވާ ކަމަށް ކޮންޓްރޯލަރ ޖެނެރަލް އޮފް އިމިގްރޭޝަން މުޙައްމަދު ޝަމްޢާން ވަޙީދު ވިދާޅުވެއްޖެއެވެ.
ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޝަމްޢާން ވިދާޅުވީ ޤަވައިދާ ޚިލާފައް އުޅޭ ބިދޭސީންގެ ތެރެއިން 5000 މީހުން އަނބުރާ ފޮނުވާލުމަކީ އަމާޒެއް ކަމަށާއި އޭގެ ތެރެއިން މިހާތަނަށް 4361 ބިދޭސީން އަނބުރާ އެ މީހުންގެ ޤައުމަށް ފޮނުވާލާފައިވާ ކަމަށެވެ.
އިމިގްރޭޝަނުން މިހާތަނަށް ކޮށްފައިވާ މަސައްކަތްތަކުގެ އަދާހަމަ ހާމަކުރައްވާ ޝަމްޢާން ވިދާޅުވީ ފާއިތުވި 11 މަސް ދުވަހުގެ ތެރޭގައި 186 ރެއިޑް އޯޑަރު ނެރެ ބާރަ ސަތޭކަ ތިރީސް ހަތް ތަން ބަލާ ފާސްކޮށްފައި ކަމަށެވެ.
މާލެ ސަރަހައްދުގަ ހިންގާ މާސް އޮޕަރޭޝަނާ ގުޅޭގޮތުން ވާހަކަ ދައްކަވަމުން ޝަމްޢާން ވިދާޅުވީ 896 ތަނެއް ބަލާފާސްކޮށްފައިވާ ކަމަށެވެ.
މީގެ އިތުރުން ޝަމްޢާން ވަނީ ބޯޑަރު ހުރަސްކޮށް ޤަވައިދާ ޚިލާފަށް ރާއްޖެއަށް އެތެރެވާން އުޅުނު 51 ބިދޭސީން އަނބުރާ ފޮނުވާލާފައިވާ ކަމަށާއި އަދި ރާއްޖޭގެ ބޯޑަރ ހުރަސްކޮށް ރާއްޖޭއަށް އެތެރެވުމަށްޓަކައި ކައުންޓަރ ފީޓް ނުވަތަ ފޯޖް ޕާރސްޕޯޓް ބޭނުންކޮށްގެން އެތެރެވުމަށް ގިނަބަޔަކު މަސައްކަތްކުރަމުންދާކަން ފާހަގަކުރައްވާފައެވެ.
މީގެ ތެރޭގައި ކައުންޓަރ ފީޓް، ފޯޖް ފާސްޕޯޓާއި ޝަޚްސު އޮޅުވާލުމަށް ބޭނުންކުރާ ޑޮކިއުމަންޓްތަކާއި އަދި އޭގައި ޖަހާފައިވާ ވިސާ ތަކަކީ ފޯޖްކޮށްފައިވާ ވިސާ ތަކެއްކަން ވަނީ ފާހަގަކުރެވިފައިވާކަމަށް ޝަމްޢާން ވިދާޅުވިއެވެ.
