13 އަހަރުގެ ކުއްޖާއަށް ޖިންސީ ގޯނާ ކުރި މައްސަލައިގައި މީހަކު ހައްޔަރުކޮށްފި
ހައްޔަރުކޮށްފައިވަނީ އުމުރުން 27 އަހަރުގެ ދިވެހި ފިރިހެނެއް
އާއިޝަތު ޝިއުރާ | 24 މެއި 2024 | ހުކުރު 17:41
އަންހެނުންނަށް ކުރާ ޖިންސީ ގޯނާއާއި ދެކޮޅަށް ކުރަމުންދާ މުޒާހަރާގެ ތެރެއިން
އުމުރުން 13 އަހަރުގެ އަންހެން ކުއްޖަކަށް ޖިންސީ ގޯނާ ކުރި މައްސަލައިގައި މީހަކު ހައްޔަރުކޮށްފިއެވެ.
ފުލުހުން ބުނީ މިމައްސަލައާ ގުޅިގެން ހައްޔަރުކޮށްފައިވަނީ އުމުރުން 27 އަހަރުގެ ދިވެހި ފިރިހެނެއްކަމަށެވެ.
މިމައްސަލައާ ގުޅޭގޮތުން ފުލުހުން ބުނެފައިވަނީ ރާއްޖޭގެ އުތުރުގައި (ނ، ރ، ބ، ޅ) ހިމެނޭ ރަށެއްގައި 13 އަހަރުގެ އަންހެން ކުއްޖަކަށް ޖިންސީ ގޯނާކުރި ކަމަށް ތުހުމަތުކުރެވޭ މައްސަލައެއް ހުށަހަޅާފައިވާ ކަމަށެވެ. މި މައްސަލާގެ ރިޕޯޓު ލިބިފައިވަނީ މިމަހުގެ 19 ވީ އާދިއްތަ ދުވަހު ކަމަށް ފުލުހުން ބުނެއެވެ.
މިމައްސަލަ ފުލުހުން އަންނަނީ ތަހުގީގުކުރަމުންނެވެ.
