ޖޭޖޭ އޮކާޗާގެ ކައިވެނީގެ ރިހިޔޫބީލް ރާއްޖޭގައި ފާހަގަކޮށްފި

ނައިޖީރިއާގެ ކުރީގެ މަޝްހޫރު ފުޓްބޯޅަ ކުޅުންތެރިޔާ ޖޭޖޭ އޮކާޗާގެ ކައިވެންޏަށް 25 އަހަރު ފުރުން ރާއްޖޭގައި ފާހަގަކޮށްފި އެވެ.

އެނގިފައިވާ ގޮތުގައި މި ހަފުތާ ބާއްވާފައިވަނީ މީގެ ހަތަރު ދުވަސް ކުރިން ރާއްޖޭގެ ރިސޯޓެއްގަ އެވެ.

އޮކާޗާ އަކީ ނައިޖީރިއާގައި އުފެދުނު މޮޅު ކުޅުންތެރިއެކެވެ. އޭނާގެ އަންހެނުން އެންކެޗީ އޮކާޗާއާ ކައިވެނިކުރީ 1997 ވަނަ އަހަރު އެވެ. މި ކައިވެންޏަށް ދެ ކުދިން ލިބިފައިވެ އެވެ. އޭނާގެ ކައިވެނީގެ ރިހިޔޫބީލް ފާހަގަކުރީ ދެމަފިރިންނަށް 50 އަހަރުފުރުމުގެ މުނާސަބަތާ ވެސް އެކުގަ އެވެ. މި ރަސްމިއްޔާތުގައި އަންހެނުން އެންކެޗީ ހުދު ހެދުމެއްގައި ހުރިއިރު އޮކާޗާ ލައިގެންހުރީ ހުދު ގަމީހަކާއެކު ކަޅު ފަޓުލޫނެކެވެ. އަރައިގެންހުރީ ކަޅު ފައިވާނަކަށެވެ.

އޮކާޗާގެ އެންމެ ހާއްސަ ކަމަކީ އޭނާ އިސްލާމަކަށްވެ، އޭނާގެ ނަމަކަށް މުހައްމަދު ކިޔާފައިވާތީ އެވެ. އޮކާޗާ އިސްލާމްވީ އޭނާ ތުރުކީގެ ފެނަބާޗޭ އަށް ކުޅުނު ދުވަސްވަރު އެވެ.

ނައިޖީރިއާގެ ގައުމީ ޓީމަށް 73 މެޗުން 14 ގޯލު ޖަހާދީފައިވާ އޮކާޗާ ވަނީ ފްރާންސްގެ ޕީއެސްޖީ އާއި އިނގިރޭސިވިލާތުގެ ބޯލްޓަން އާއި ހަލްސިޓީ އަށް ކުޅެދީފަ އެވެ.