ޗެލްސީ ބަލިކޮށް އާސެނަލް އަލުން އެކަކަށް!
އާސެނަލް ވަނީ ސިޓީއަށްވުރެ އިތުރަށް ދެ މެޗު ކުޅެފައި
ދެވަނަ ލަނޑު ޖެހުމަށްފަހު އޮޑެގާޑް
3-1 ން ޗެލްސީ ބަލިކޮށް, އިނގިރޭސި ޕްރިމިއަރ ލީގު ތާވަލްގެ އެއްވަނައަށް އަލުން އާސެނަލް ޖެހިލައިފިއެވެ.
މެންޗެސްޓަރ ސިޓީއަށްވުރެ ދެ މެޗު އިތުރަށް ކުޅެގެންނއާސެނަލް އެއްވަނާގައި އޮތީ ދެ ޕޮއިންޓްގެ ލީޑަކާއެކުއެވެ. ލީގު ހޯދުމަށް ކުރާ މަސައްކަތުގައި އާސެނަލްގެ އުއްމީދު ދަމަހައްޓަން ޗެލްސީ އަތުން މޮޅުވި މެޗުގެ ތަރިއަކީ ކެޕްޓަން މާޓިން އޮޑެގާޑެވެ. އޭނާ މެޗުގައި ދެ ލަނޑު ޖެހިއެވެ. ފުރަތަމަ ހާފްގައި އޮޑޭގާޑް ދެ ލަނޑުވެސް ޖެހީ ޒަހާ ތަނަވަސްކޮށްދިން ފުރުޞަތުންނެވެ. އާސެނަލްގެ ތިންވަނަ ލަނޑު ފުރަތަމަ ހާފްގައި ޖެހީ ޖިސޫސްއެވެ. ޗެލްސީގެ ހަމައެކަނި ލަނޑު ދެވަނަ ހާފްގައި ޖެހީ މަޑުއެކޭއެވެ. އާސެނަލް ލީގުގައި މޮޅުމިވީ މޮޅެއް ނުލިބި ދިޔަ ހަތަރު މެޗަށްފަހުއެވެ. އޭގެ ނަތީޖާއެއްގެ ގޮތުން ލީގުގެ ކޮންޓްރޯލް ސިޓީން ވަނީ ހޯދާފައެވެ.
މިއީ ޗެލްސީ ވިވިދިގެން ވީ ހަވަނަ ބައްޔެވެ. ވަގުތީ ކޯޗު ލަމްޕާޑްގެ އިރުޝާދުގެ ދަށުން ކުޅުނު ހަ މެޗުންވެސް ޗެލްސީ ވަނީ ބަލިވެފައެވެ.
