އައްޑޫ ސިޓީގެ ގުޅިފައިވާ ތިން ރަށުން ކަރަންޓް ކެނޑެމުންދާ މައްސަލަ ހައްލުވެގެންދާނެކަމަށް އައްޑޫ ސިޓީގެ ފެނަކަ ބްރާންޗުގެ މެނޭޖަރ މުހައްމަދު އާސިމް ވިދާޅުވެއްޖެއެވެ.
ރާއްޖެއެމްވީއަށް މައުލޫމާތު ދެމުން އާސިމް ވިދާޅުވީ ބުދަ ދުވަހު އައްޑޫގެ ތިން ރަށުގެ އެކި ހިސާބުތަކުން ކަރަންޓް ކެނޑެމުން އަންނަ މައްސަލައަށް ބުރާސްފަތި ދުވަހުގެ ހަވީރުގެ ވަގުތެއްގައި ހައްލުވެގެންދާނެކަމަށެވެ.
މިކަމާ ގުޅިގެން ފެނަކަ ކޯޕަރޭޝަންގެ އެމްޑީ އަހްމަދު ޝަރީފް ވިދާޅުވީ އައްޑޫން ކަރަންޓް ކަނޑެނީ ޖަނަރޭޓަރު ރިޕެއާކުރުމުގެ މަސައްކަތްތަކެއް ކުރިއަށް ދާތީ ކަމަށެވެ.
ސަރުކާރުން ކަރަންޓް ޔަޤީން ސިޔާސަތުގެ ދަށުން ހުރިހާ ރަށަކަށް ކަރަންޓް ފޯރުކޮށްދީފައިވާ ކަމަށް ބުނާއިރު ރަށްރަށުން ކަރަންޓް ކެނޑުން ވަނީ ވަރަށް ބޮޑަށް އިތުރު ވެފައެވެ. އެކަމުގެ ޝަކުވާ ރައްޔިތުން ދަނީ ކުރަމުންނެވެ. އަދި މާލެއިން ވެސް ކުރިޔާ ޚިލާފަށް ކަރަންޓް ކެނޑުން ވަނީ އިތުރުވެފަ އެވެ.
