ކައްދޫ އެއަރޕޯޓުގެ މެނޭޖިންގ ޑިރެކްޓަރަކަށް، ކާނަލް އިސްމާއީލް ނަސީރު އައްޔަންކުރައްވައިފި

ކައްދޫ އެއާޕޯޓް ކޮމްޕެނީ ލިމިޓެޑުގެ ބޯޑު މެންބަރުކަމާއި، މެނޭޖިންގ ޑިރެކްޓަރުކަމުގެ މަގާމަށް ކާނަލް އިސްމާއީލް ނަސީރު އައްޔަންކުރައްވައިފިއެވެ.

ޕްރައިވެޓައިޒޭޝަން ބޯޑުން ކުރި ޓުވީޓެއްގައި ވަނީ; ކާނަލް އިސްމާއީލް ނަސީރު އެ މަގާމަށް އައްޔަންކުރެއްވީ، ކުރިން އެ މަގާމުގައި ހުންނެވި ކާނަލް އަހުމަދު ޝަރީފްގެ ބަދަލުގައި ކަމަށެވެ.

އެހެންކަމުން މިހާރު ކައްދޫ އެއަރޕޯޓް ކޮމްޕެނީގެ ބޯޑުގައި ތިބޭނީ ޗެއަރމަން ހަސަން ޒަމީލާއި، ޒަކަރިއްޔާ މަންސޫރާއި، މުހައްމަދު އިއާދު ހަމީދާއި، ހުސައިން އަލީއާއި، އަހުމަދު ވަހީދާއި، އާމިނަތު އަލީގެ އިތުރުން އަހުމަދު ޝިފާޒެވެ.

ކައްދޫ އެއަރޕޯޓަކީ ރާއްޖޭގެ ފުރަތަމަ ޑޮމެސްޑިކަށް ޚާއްސަކޮށްގެން ބިނާކުރި އެއަރޕޯޓެވެ. 2016 ވަނަ އަހަރުން ފެށިގެން ކައްދޫ އެއަރޕޯޓް ހިންގަނީ އަސްކަރީ އެއަރޕޯޓެއްގެ ގޮތުގައި، ކައްދޫ އެއަރޕޯޓް ކޮމްޕެނީ ލިމިޓެޑުންނެވެ. ކައްދޫ އެއަރޕޯޓް ކޮމްޕެނީއަކީ ސިފައިންގެ ބޭކަލުން ހިމެނޭގޮތަށް އުފައްދާފައިވާ ކުންފުންޏެކެވެ.