ފެންނުވަރާތާ ބައިގަރުނަ އަށް ފަހު އެންމެ "ނުތާހިރު މީހާ" މަރުވެއްޖެ

ދުނިޔޭގައި ހުރި އެންމެ ނުތާހިރު މީހާގެ ނަމުން މީޑިޔާގައި ނަންދީފައިވާ އީރާނުގެ ރައްޔިތަކު ފެންނުވަތާ ފަންސާހަށްވުރެގިނަ އަހަރު ވެފައިވަނިކޮށް މަރުވެއްޖެއެވެ. މަރުވި އިރު އޭނާގެ އުމުރަކީ 94 އަހަރެވެ. އީރާންގެ ފާސް ޕްރޮވިންސްގެ އެކަހެރި ހިސާބެއްގައި ވަކިން އުޅެމުން ގެންދިޔަ އަމޫ ހާޖީ ނަމަކަށް ކިޔާ މީހާ ބުނަމުން އައި ގޮތުގައި އޭނާ ފެންވަރާ ސާފުތާހިރު ނުވަނީ ފެންވަރައިފި ނަމަ އޭނާ ބަލިވާނެތީއެވެ. އަދި މިގޮތަށް ފެން ނުވަރާ އުޅޭތާ ފަންސާހަށް ވުރެ ގިނަ އަހަރުވެފައިވާ ކަމަށް ވެއެވެ.

އީރާންގެ ލޯކަލް މީޑިއާއިން ޚަބަރު ދީފައިވާ ގޮތުގައި އަމޫ ހާޖީ ބަލިވެ، މަރުވެފައިވަނީ އަވަށްޓެރިން ބާރު އެޅުމާ އެކު ފެންވެރިތާ ދެމަހެއްހާ ދުވަސް ތެރޭއެވެ. އިރްނާ ނޫސް އެޖެންސީ އިން ބުނި ގޮތުގައި އޭނާ ފެންވެރިތާ މާގިނަ ދުވަހެއްނުވެ އޭނާ ބަލިވެފައިވެއެވެ. އަދި އެބަލީގަ އޭނާ އާދީއްތަ ދުވަހު މަރުވެފައިވާކަމަށް ބުނެފައިވެއެވެ.

2014 ވަނަ އަހަރު ދީފައިވާ އިންޓަރވިއުއެއްގައި އަމޫ ހާޖީ ބުނެފައިވާ ގޮތުގައި އޭނާ އެންމެ ކާހިތްވަނީ ޕޯކިއުޕައިންގެ މަހެވެ. އަދި އޭނާ ދިރި އުޅެނީ ބިމު އަޑިޔަށް ކޮނެފައިވާ ހޮހޮޅައެއްގަ އާއި ހެޔޮއެދޭ ބައެއް މީހުން އަޅާދީފައިވާ ކުޑަ ހަތަރުފާރު އެކުލެވޭ ގެއެއްގައެވެ. އޭނާ އޭރު ބުނެފައިވާ ގޮތުގައި މިގޮތަށް އެކަހެރި ނުތާހިރު ދިރިއުޅުމެއް އުޅެން ދިމާވީ އޭނާގެ ޒުވާން އުމުރުގައި ދިމާވި ހިތާމަވެރި ކަންތައްތަކެއްގެ ސަބަބުންނެވެ.

ފެންނުވަރާ އެހާ ގިނަ ދުވަސް ވުމުގެ ސަބަބުން އޭނާގެ ހަންގަނޑުގައި ކިސަޑާއި ކިލާ ހިފާ، ފާރު ގަނޑުތައް ހެދި ދޮސްލާފައިވާކަމަށް ވެއެވެ. އޭނާ އާންމު ގޮތެއްގައި ކައި އުޅެނީ ކުނިވެފައި ހުންނަ އެއްގަމުމަހާ އަދި ބޮނީ ވެސް ބޯން ކަމުނުދާހާ ނުތާހިރު ފެން ކަމަށް ވެއެވެ.

އަމޫ ހާޖީ އަކީ ސިނގިރެޓް ބުއިމަށް ވެސް ލޯބި ކުރި މީހެއް ކަމަށް ވެއެވެ. އަދި އެއްފަހަރާ ދެތިން ސިނގިރެޓު ބޮއި އުޅުނު ކަމަށް ވެއެވެ.

އިރްނާ ނޫސް އެޖެންސީ ބުނެފައިވާ ގޮތުގައި އޭނާ ފެންވަރުވާ ރީތި ކުރުމަށް ނުވަތަ ބުއިމަށް ތާހިރު ރަނގަޅު ފެން ދޭން އުޅުމުން އޭނާ ވަރަށް ދެރަވެއެވެ.

އަމޫ ހާޖީ ފެން ނުވަރާތާ ބައިގަރުނު ވެފައި ވީނަމަވެސް އެންމެ ގިނަ ދުވަހު ފެންނުވަރާ ހުރި މީހަކީ އަދި އަމޫ ހާޖީ އަށް ނުވެދާނެއެވެ.

ފެން ނުވަރާތާ 35 އަހަރުވެފައިވާ އިންޑިޔާ ރައްޔިތެއްގެ ވާހަކަ 2009 ވަނަ އަހަރު ފެންމަތި ވެފައި ވެއެވެ. އޭނާއަށް ވީގޮތެއް އަދި ސާފު ނުވާތީ އެންމެ ގިނަ ދުވަހު ފެންނުވަރާ ހުރި މީހަކީ ކާކުކަން އަދި ނޭނގޭ ކަމަށް ޚަބަރުތައް ބުނެއެވެ.